ريموت النيو صني توقف عن العمل فجأة

[abdulmoniem]

السلام عليكم ورحمة الله وبركاته

الصبح كان شغال كويس عادي جداً .. وإمبارح ..

وبعد مشوار طويل .. وركنت بالعافية .. نازل عشان أقفل العربية .. مش عايز يشتغل!

حاولت معاه كذا مرة .. بس مش عارف

مع العلم إن اللمبة الصغيرة إللي في الريموت بتنور لما بدوس على أي زرار فيها

كدة ممكن يكون العيب في إيه؟

[HaNo_ELBeh]

انا حصلت معايا من يومين بردة كنت فى مشوار وركنت وانا راجع العربية مش راضيه تفتح بس بعد مرتين محاوله فتحت بس انا شايف كدة ان ممكن يمون فى مشكلة فى الريموتات بتاعه العربية وياريت لو حد حصل معاه الموقف دة يقول

[ahmed_hanafi]

طب متسألو في التوكيل ....يكمن في مشكلة وهما عندهم حل ليها

[abdulmoniem]

أنا جربته دلوقتي لقيته اشتغل .. بصراحة أنا مش فاهم بيحصل إيه

دي أول مرة تحصل معايا الحقيقة

[youssef_u]

بص هو الريموت اول ما بيدخل في الكونتاكت بيفصل الزراير ،،،، ممكن يكون علق ولا حاجة ، ولو عملها تاني اطلع عالتوكيل ،،،،، و احتمال تاني انها تكون البطارية لان ممكن تكون البطارية فيها شحنة كافيه انها تشغل اللمبه لما تدوس عالزرار بس مش كفاية انها تبعت اشارة ،،،، و تحياتي

[miceg]

ممكن تعمل ريسيت للكمبيوتر بتاع العربية
اتفضل أقرا التوبيك ده
http://www.nilemotors.net/Nile/284640-a.html

[jojojojo]

لما تروح تعمل الصيانه خليه يسنفر الفيوز الخاص بالريموت والمشكله هتنتهي نهائي

[canner]

هى بتعمل كده بس لما بيكون باب مش مقفول كويس