إعـــــــلان

Collapse

.

,
See more
See less

تقرير عن نيسان كشكاشاي

Collapse
X
 
  • Filter
  • الوقت
  • Show
Clear All
new posts

  • تقرير عن نيسان كشكاشاي

    (( فهرس التقرير ))

    1- الشكل العام الخارجي بالصور
    2- الشكل العام الداخلي بالصور
    3- ملاحظات سريعة علي السيارة بشكل عام
    4- ما تم تركيبه من كماليات حتي الان و سعر التكلفة بالتوكيل
    5- الحكم علي السيارة بالدرجات ( من وجه نظري فقط و لا افرضها علي احد و لا اعتبرها مقياس للتقييم )
    6- مميزات و عيوب السيارة (( كرأي شخصي حتي الان ))

    1- الشكل العام الخارجي بالصور
    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    2- الشكل العام الداخلي
    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.


    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    اضغط هنا لمشاهدة الصورة بالحجم الطبيعي.

    3- ملاحظات سريعة علي السيارة بشكل عام و بعض خصائصها

    * مع اول لحظة لي اثناء التشغيل و الخروج من امام المعرض و احسست بأن السيارة فعلا ما شاء الله تستاهل و بانها قيمة بالفعل و طبعا بعد كام يوم من الترخيص بدأت الاحظ بعض المزايا بها

    * لاحظت مثلا ان صوت الماتور منخفض جدا و ناعم لدرجة اني لو بدورها في شارع مزدحم لا اسمع صوت المحرك سواء كنت داخلها او خارجها

    * هناك ايضا ثبات علي الارض في حالة اخذ غيار الحركة ( d ) فهي لا تحتاج لان تفرملها بالفرامل كل لحظة مثل سيارات اخري تندفع بمجرد ان تفعل الغيار للحركة مما يستهلك الفرامل خصوص في المناطق المزدحمة التي تستدعي التحرك ببطء كل لحظة و اخري

    * لاحظت انه لا يصدر عن الفرامل صوت ( تزييق ) كما في سيارات اوتوماتيك اخري

    * المرايات الجانبية كافية جدا لان تحسن الركن و لها امكانية النزول بالرؤية لاقصي وضع ممكن فتري الارض او الرصيف الذي يمكن ان يحتك به الكاوتش اثناء عملية الركن في جوانب السيارة

    * انبهار كل من يركب معي بسبب الاحساس بالارتفاع عن الارض سواء في مستوي رؤية من بجوارك من السيارات او في المطبات و عدم احتكاك السيارة بأي مطب مهما ارتفع عن الارض و يمكن لم تبهرني اوي هذه النقطة خصوصا اني كنت راكب تريوس قبل القشقاي و كانت اعلي قليلا

    * لم ازيد في السرعة عن 140 و كانت السيارة تجذبني للزيادة و الانطلاق اكثر من ذلك و لكن حرصي علي التليين الصحيح جعلني اقلل من السرعة وقتها
    احساس بالثبات في المنحنيات الحادة مريح جدا و خوصا اني كنت احسب له الف حساب في التريوس بل احيانا كنت اقلق كثيرا مع بعض المنحنيات

    * السيارة يمكن ان يتم ركنها علي وضع ( التموير ) و ليس شرط ان تفعل وضع ( p ) و هي ميزة في اوقات كثيرة

    * تم تجربة سريعة لحساس المطر و كم تمنيت شرائها في الشتاء هههههههههه

    * حساس الضوء يريحك جدا بعد تظبيطه علي الوضع ( auto ) فلا تحمل هم ان النور ابدا بعد ذلك

    * درج التابلوه كبير ما شاء الله و به جزء به خاصية ( تثليج ) حين يتم تفعيل المكيف

    * المفتاح الذكي جميل جدا و يمكن تشغيل السيارة و الريموت في محيط السيارة و احيانا انسي ان اغلق الماتور بسبب ان ميدالية المفاتيح في جيبي و ربنا يستر الا اتركها شغالة و ابعد عنها
    و لكن يمتنع الريموت عن غلق السيارة اذا كانت في وضع التشغيل من الخارج فتعلم انها في حالة تشغيل و محدش يضحك لانها حصلت لي مرتين

    * تم تجربة استخدام الموبايل من خلال كابل ( aux ) و كان الصوت داخل الكابينة واضح و مميز في الارسال و الاستقبال و يتم توقف الكاسيت تلقائيا اثناء استقبال المكالمة و اعادة تشغيلة مباشرة بعد انتهائها

    * الكاسيت امكانياته متعددة و النظام السمعي قوي و مميز و توزيعه ممتاز و الراديو قليلا ما استخدمه و لكني لاحظت انه يعمل بصورة جيدة حتي في حالة نزع الاريال من اعلي السيارة



    4- ما تم تركيبه من كماليات حتي الان و سعر التكلفة بالتوكيل

    اول شئ كان ينقص السيارة بالطبع هو حساسات الركن الخلفي و بالفعل ذهبت لاوتو ايجيبت و ركبتها
    و مع ان السيارة بها خاصية مانع السرقة الخاصة بنيسان
    الا انها للاسف لا تخيف (( الحرامية )) لانها بلا اصوات و ستمنعهم فقط ان شاء الله بعدم التمكن من استخدام مفتاح مصطنع و لذلك و لخطورة الوضع الحالي استعنت بالله و ركبت معها انذار ( ايطالي ) و كان تحفة بصراحة و عامل ازعاج حلو قوي في اي مكان اذهب اليه خارج الجراج و هو يعمل علي ريموت السيارة
    و هو يعمل علي ( كلاكس السيارة ) فتحس انه مميز عن كل الانذارات المحيطة بك في اي سيارة اخري
    كانت تكلفة الحساس بالتركيب و الضريبة ( 420 ) جنية
    و الانذار بالتركيب و الضريبة ( 1100 ) جنية

    5- الحكم علي السيارة بالدرجات


    ( و هي مجرد وجهة نظري و لا افرضها علي احد و لا اعتبر رأيي مقياسا للتقييم فلست اهلا لذلك )


    ( 1 ) – الماتور

    ماتور جيد جدا ( صوت ناعم جدا ) اداء عالي يعمل بتكنولوجيا ( cvt ) و اظن اني بدأت اجيد التعامل مع هذا النوع من المواتير خصوصا في السحب الهادئ قليلا علي السرعات من ( صفر – 40 ) و فكرة الضغط علي دواسة البنزين بدرجة معينة ثم رفع القدم في لحظة معينة و اعادة الضغط مرة اخري ثم التقدم و الاندفاع بعد الوصول الي ( 60 ) ثم القوة و السحب الممتاز بعد الوصول الي ( 70 )
    و اخيرا و بدون مبالغة اجد انني اسير موازي لاغلب السيارات السيدان التي انطلقت معي من مرحلة الثبات و صرخت ( تستغيث ) بالمارة اثناء انطلاق قائدها بها بلا رحمة و تبديله من غيار الي اخر حتي يصل لسرعة 100 كم و اذا بنا نجاور بعضنا البعض في نفس التوقيت غالبا بأختصار
    و تقييمي للماتور و السحب ( 8.5 / 10 )

    ( 2 ) – الثبات

    اري ان السيارة ممتازة في ثباتها علي الطريق و لاني حتي الان مازلت في مرحلة التليين فأغلب الوقت تحت ال 120 و التريوس مثلا لا تقارن بها ابدا في الثبات و لذلك
    سأعطيها ( 9 / 10 )

    ( 3 ) – الصالون و الفرش و الخامات المستخدمة و السقف البانوراما

    اري ان الصالون تقفيله جيد جدا و خاماته جيدة جدا و غير بلاستيكية و الفرش جميل جدا لدرجة اني حابب استمتع به و لا اضع عليها فرش اخر او كسوة اخري علي الاقل حاليا و السقف البانوراما تحفة و الشباب اللي معايا في الشركة بعد ان كانو بيتخانقو مع بعض مين اللي يقعد بجانبي في الامام الان بعد القشقاي بيتخانقو علي الجلوس في الكنبة الخلفية و بيجبروني علي فتح البانوراما حتي في عز الحر هههههههههه و
    اعطيهم ( 8.5 / 10 )

    ( 4 ) – الفرامل

    ممتازة و سريعة التجميع
    اعطيها ( 9 / 10 )

    ( 5 ) – العفشة و الكاوتش

    بصراحة العفشة ممتازة و لكن يجب الالتزام دائما بضغط الكاوتش للحفاظ علي احساس نعومة العفشة و عدم ( الدب ) في الطريق و ضغط الكاوتش بيختلف في حالة تحميل السيارة بحمولة متوسطة عدد 3 افراد او اقل مثلا تختلف بالطبع عن تحميلها بعدد 5 افراد بحقائبهم و لذلك فاللحصول علي افضل اداء لعفشة القشقاي مرتبط ارتباط كلي و جزئي بتظبيط ضغط الكاوتش الموصي به علي قايم السيارة
    اعطيهما ( 8.5 / 10 )

    ( 5 ) – الصاج

    احس بأنه ثقيل و الابواب محملة و ثقيلة
    اعطيهم ( 9 / 10 )

    ( 6 ) – الاتساع العام و الصالون و مساحات التخزين

    قائد السيارة مرتاح جدا في الكرسي و رجله مفرودة اثناء القيادة و الكرسي ماسك الظهر كله و لا يوجد اي تعب في القيادة لمسافات طويلة و الراكب الامامي مرتاح جدا في الكرسي و امامه اتساع كبير و مسند اليد مريح جدا سواء للسائق او من بجانبه و له مستويين للتقدم لكي يريح اكثر و لا يعيق من عمل فرامل اليد
    و يوجد اسفله او بداخل مسند اليد مساحة اخري مناسبة للتخزين
    الكنبة الخلفية مزودة بمسند في المنتصف و به حامل لعدد 2 كوب ايضا مثل الكونسول الامامي
    و المسافة بين الكنبة الخلفية و الكراسي الامامية اري انها جيدة و لكنها ليست ( بحر ) كما كانت في التريوس مثلا
    و السيارة عموما
    اري انها مناسبة لاسرة مكونة من 5 افراد و لا يوجد اي قلق عليهم و الكنبة الخلفية تتسع لعدد 3 افراد متوسطي الحجم او اتنين وزن ثقيل و واحد ( عصفر ) بضم العين ههههههههههه
    الشنطة مناسبة جدا و بها امكانية فك الجزء المتحرك بها لتعطي مساحة اوسع في التحميل طبعا لا اصغر من شنطة التريوس
    و تقييمي للاتساع بوجه عام ( 8 / 10 )

    ( 7 ) – العزل

    طبعا طوال الفترة الماضية كنت محروم من العزل المحترم للسيارة لاني كنت دائما فاتح للشبابيك يمكن كلها علشان كنت في مرحلة التليين و لم اشغل المكيف الا امس الاول و اثناء عودتي من اوتو ايجيبت و بعد اجراء صيانة الالف قفلت الشبابيك و فتحت بقي التكييف و كم كانت المفاجأة بسم الله ما شاء الله عزل محترم جدا و دنيا تانية بالداخل ( و لا حس و لا خبر )
    درجة تقيمي له ( 9 / 10 )

    ( 8 ) – التكييف

    ما زلت لم اكتشفه بعد و حكمي عليه لن يكون اليوم و اطلب ( تأجيل ) تقييمه و لكن بوجه عام صوته هادئ و اغلقته بعد فترة بسيطة من تشغيله لانه سقعني و خفت من البرد و به تحكم مزدوج

    ( 9 ) – معدل استهلاك البنزين

    حتي الان ما استطيع توضيحه هو معدل استهلاك البنزين ( داخل الزحام ) و معدل الاستهلاك حوالي (( 230 كم في الصفيحة )) بدون استخدام التكييف


    6- مميزات و عيوب السيارة


    (( كرأي شخصي حتي الان ))


    اولا العيوب :-

    1- الافتقار الي بعض الكماليات و احتياج تركيبها و البحث عنها لدي الوكيل بعد الشراء (( كحساسات الركن – بلوتوث و gps لمن يهواه – دلايات امامية للكاوتش ))
    2- لا توجد فتحات خلفية للتكيف ( مع اني لسه مش عارف هل ستكون محتاجة لذلك ام ان التكييف سيغطي كامل الصالون )
    3- لا يوجد وحدات رفع للزجاج ( لمن تعود علي هذه الخاصية )
    4- مرايات الاجناب ( ليست ضم ايضا لمن يهوي ذلك )
    5- احساس بالبطئ النسبي في ( التسارع ) من ( صفر – 40 ) عن السيارات السيدان


    ثانيا المميزات :-
    1- ( ما شاء الله ) السيارة جميلة جدا ههههههههههههه
    2- اتساع و ارتفاع مناسب جدا
    3- الاضاءة الخارجية و الداخلية ممتازين و وضوح العدادات سواء نهارا و ليلا
    4- صوت هادئ جدا للماتور يكاد لا يسمع و ممكن تنخدع و تعيد تشغيل المحرك
    5- احساس عام بالفخامة الخارجية و الداخلية بالتقفيل العام الداخلي
    احمد باسم فريج سابقا

  • #2
    الموضوع منققول
    احمد باسم فريج سابقا

    Comment


    • #3
      المشاركة الأصلية كتبت بواسطة احمد باسم فريج مشاهدة المشاركة
      الموضوع منققول
      فعلا الموضوع منقول من عضو فى المنتدى كان عامل تقرير عن القشقاى اول مااستلم العربية
      طيب لية حضرتك نقله
      [frame="7 80"][SIZE="3"]التقدم في العمر حتمي
      ولكن ان تشيخ روحك فهو اختيارك[/SIZE]:Zb_sor1[1]:[/frame]

      Comment


      • #4
        رابط الموضوع الاصلى تقرير عن السيارة القشقاي اوتوماتيك 2012 مدعم بالصور

        حاتم السباعى

        Comment


        • #5
          الحق يا بشمهندس حاتم ، انت اتقلبت في التقرير بتاعك ، وايه جاي بالحرف والكلمة والسنتوفة ، والراجل بصراحة بمنتهى الأمانة قال انه منقول ، ميعرفش انه منقول من هنا ههههههههههههههه
          وعلى العموم الف شكر لصاحب الموضوع الأصلي انه حابب يضيف شيء جديد للناس هنا وشكراً جزيلاً على نيته الطيبه ،
          وطمنا ياباشا العروسة عاملة معاك إيه دلوقتي
          Houseiny

          [FONT="Arial Black"]Even enemies can show respect. [/FONT]

          Comment


          • #6
            غريبة جدا

            Comment


            • #7
              عااااااادي جداا ياجماعة
              الراجل نيته خير وكفاية انه قايل منقووووول
              وافتكر ان مافيش حد عاقل قاصد انه يجيب توبيك من افضل التوبيكات كتقييم
              عشان ينسخه هنا بالحرف وينسبه لنفسه
              ونايس أولد توبيك يابشمهندس حاتم
              [OVERLINE][B]miceg =Khaled Fouly[/B][/OVERLINE]

              [mshosh4]http://imageshack.com/a/img812/1576/pujz.jpg[/mshosh4]

              Comment


              • #8
                كشكاشاي ؟ ازاي يا جدع ؟ :d :d

                Comment


                • #9
                  هههههههههههههههههه
                  يا محاسن الصدف
                  [CENTER]في الماضي كان الخطر الكبير الذي يواجه المصريين النظام الفاسد[/CENTER]
                  [CENTER]الان الخطر الاكبر الذي يواجه مصر والمصريين هو الجهل[/CENTER]

                  Comment


                  • #10
                    انا دخلت للموضوع و كنت سعيد جدا ان هناك اخ فاضل عامل موضوع للتقييم

                    و انا اليومين اللي فاتو مفعل ad block فالصور لا تظهر و بدأت اتابع الكلام و انزل من سطر لسطر و اقسم بالله كنت حاسس اني بتابع كلام مش غريب عليا
                    سبحان الله ايه التشابه العجيب ده
                    مش ممكن هل ممكن توارد الخواطر يصل لهذه الدرجة
                    يااااااااااااااااااه ايه قمة الصدف دي


                    لحد ما وصلت للسطر اللي مكتوب فيه انه اقصد اني كنت راكب تريوس قبل القشقاي هههههههههههههه

                    مقدرتش بقي

                    فقلت لا لا دا انا

                    اه و الله انا

                    فذهبت سريعا مرة اخري للاعلي و ركزت لقيت انه انا فعلا

                    فنزلت لتحت لقيت الاخ الفاضل بيوضح ان الموضوع منقول

                    فأطمئن قلبي و قلت يااااااااااااااااه للدرجة دي ممكن يحصل توارد خواطر هههههههههههههههههه
                    HAGAN سابقا

                    Comment


                    • #11
                      وانا والله عرفت ان التوبيك بتاعك ياحاتم باشا
                      اول مالقيت جمله السيارة جميله ماشاء الله هههههههه
                      قولت الافيه ده عدى علياااااااااااا
                      ههههههههههههههه
                      توبيكاتك جننت الناس يامعلم
                      بالتوفيق

                      [OVERLINE][B]miceg =Khaled Fouly[/B][/OVERLINE]

                      [mshosh4]http://imageshack.com/a/img812/1576/pujz.jpg[/mshosh4]

                      Comment


                      • #12
                        المشاركة الأصلية كتبت بواسطة youssef_u مشاهدة المشاركة
                        كشكاشاي ؟ ازاي يا جدع ؟ :d :d
                        ممكن ترجمة للكلمة
                        اعتقد ان الكلمة اصلها............
                        [frame="7 80"][SIZE="3"]التقدم في العمر حتمي
                        ولكن ان تشيخ روحك فهو اختيارك[/SIZE]:Zb_sor1[1]:[/frame]

                        Comment


                        • #13
                          عموما الراجل شكله حب يفكرنا بالموضوع

                          Comment


                          • #14
                            المشاركة الأصلية كتبت بواسطة م. حاتم السباعي مشاهدة المشاركة
                            انا دخلت للموضوع و كنت سعيد جدا ان هناك اخ فاضل عامل موضوع للتقييم

                            و انا اليومين اللي فاتو مفعل ad block فالصور لا تظهر و بدأت اتابع الكلام و انزل من سطر لسطر و اقسم بالله كنت حاسس اني بتابع كلام مش غريب عليا
                            سبحان الله ايه التشابه العجيب ده
                            مش ممكن هل ممكن توارد الخواطر يصل لهذه الدرجة
                            يااااااااااااااااااه ايه قمة الصدف دي


                            لحد ما وصلت للسطر اللي مكتوب فيه انه اقصد اني كنت راكب تريوس قبل القشقاي هههههههههههههه

                            مقدرتش بقي

                            فقلت لا لا دا انا

                            اه و الله انا

                            فذهبت سريعا مرة اخري للاعلي و ركزت لقيت انه انا فعلا

                            فنزلت لتحت لقيت الاخ الفاضل بيوضح ان الموضوع منقول

                            فأطمئن قلبي و قلت يااااااااااااااااه للدرجة دي ممكن يحصل توارد خواطر هههههههههههههههههه

                            هههههههههههههههههههه هوهوههو ها ها ها ها


                            مش قادر أمسك نفسى

                            أصل أنا حافظ الموضوع بحب أقراءه مرتين كلى يوم قبل النوم

                            وحشنى يا باشمهندس حاتم جدا جدا
                            [SIGPIC][/SIGPIC][SIZE="4"][COLOR="Navy"]سبحان الله وبحمده سبحان الله العظيم[/COLOR][/SIZE]

                            Comment


                            • #15
                              اانا اسف .... بس انا نقلتو عن منتدى تاني للفادة بس لما نزلت الموضوع انتبهت انو الموضوع موجود في هذا المنتدى بس بعرفتش كيف احذف الموضع وبكرر اسفي
                              احمد باسم فريج سابقا

                              Comment

                              Working...
                              X