النيسات صني 2013 بتاعتي بتكهرب

[me.designer]

السلام عليكم

بداية الموضوع اني كذا مرة وانا بنزل من العربية الباب يكهربني زي الاوتوماتيك بتاع الولاعة كده .. قلت يمكن كهربتي زيادة .. المهم الموضوع حصل مع اتنين صحابي كمان .. مش عارف ده من ايه ؟؟؟

[HaNo_ELBeh]

ممكن يكون فى حاجة فى سلك الطرف الارضى بتاع العربية

[me.designer]

انا هتجنن

[ahmedeihab]

العربيه فيها ماس

فك البطاريه و ركبها تانى علشان تفرغ شحنه الماس دى

و الحكايه هتنتهى

^_^

[wardet]

بتحصل معايا فى الصنى 2011 بالذات فى الصيف

[me.designer]

هجرب موضوع البطارية ده وربنا يسهل

[youssef_u]

ماس عادي فك البطرية

[Sehsss]

عادي بتحصل معايا في 2011

[miceg]

عادي بتحصل معايا في 2011

طب ايه ياسحس
اجهز انا كمان وابقا ماشي بخشبة هههههههههه
أكيد في حل

[د.هشام]

عادي بتحصل مع أي عربية، بس أكيد الموضوع مش متكرر

[Sehsss]

طب ايه ياسحس
اجهز انا كمان وابقا ماشي بخشبة هههههههههه
أكيد في حل

هههههههه الأفضل تلبس جوانتي بتاع الدكاترة ده
وأن الكهرباء دي بتبقى نتيجة تلميع العربية بالمكنة وهي في المصنع وبتقعد فترة وبعدين تختفي
أنا أول ما اشتريت العربية كنت بفتح الباب بمنديل بعد فترة الموضوع قل جداااااااااا

[elmoski]

يا باشا عاااادي و حصل معايا في السيراتو و اللانسر و النيو صني وده هيبان اكتر لو انت لابس حاجة صووف
... طبيعي يا باشا و بلاش تفك البطاريا و تلعب في حاجة

[mohamed.rabea]

السلام عليكم

بداية الموضوع اني كذا مرة وانا بنزل من العربية الباب يكهربني زي الاوتوماتيك بتاع الولاعة كده .. قلت يمكن كهربتي زيادة .. المهم الموضوع حصل مع اتنين صحابي كمان .. مش عارف ده من ايه ؟؟؟

كأننك بتتكلم عنى انا كمان زيك بالظبط كنت هقولهم عليها ف صيانة 5000

[Dr'AhmZZong]

ديه مفيدة للصحة :)

[Nashaat Rady]

يا عم انا كنت حاتكهرب انهارده من ٤٤٠ فولت محملين ،، و الله انكتبلي عمر جديد،

ولا تفك ولا تعمل... واتقل شوية حاتلاقي الموضوع مش متكرر ولا حاجة، و الله اعلم برده، أحسن العربية يطلع فيها حاجة، تبلغ عني حماية المستهلك