هو امتى معدل استهلاك البنزين هينزل للصنى الجديده

[ahmed452003]

حاول تطلع بالعربيه بره الزحمه و شوق الاستهلاك كام و اذا حسيت انه لسه عالى روح التوكيل علطول

الاستهلاك ده في يوم كنت مسافر من اسيوط الى المنيا رايح جي صحراوي شرقي وفولت قبل ما اطلع والسرعه مابين 120 الى 160 والتكييف شغلتوا لمدة ساعه فقط على 1. .. لو الاستهلاك الي بيقولوا الاخ صاحب الصوره عنده كده يبقى انا عندي مشكلة في العربيه !

[mzkader]

تحياتى الى كل اخوتى واحبائى الكرام

انا مش عارف امتى معدل بتاع البنزين المفروض يبقى مظبوط انا لسه معاملتش صيانه الالف فهل دة طبيعى هى حاليا على شاشه العربية بيكتب ان متوسط الاستهلاك 10 المفروض يكون كام وهل لازم استنى اعمل الصيانه وبعدين هتظبط ولا انا لازم اقول القصه دية للمهندس فى التوكيل

انا مش عارف ياريت لو حد يعرف الحل اية ودة طبيعى بعد الالف واعمل اية :b4_611::b4_611:

أستاذ هانى تحياتى ليك
أنت عارف أنى أستلمت بعديك بشوية العربية عاملة 800 كيلو تقريبا و بغض النظر عن قرائة العداد أنا لما حسبتها كان إستهلاكها فى الصفيحة حوالى 230 كيلو

[theislamic]

اللي انا فاهمه ان المتوسط ده بيزيد و بيقل على حسب واقف و لا ماشي و سرعتك و طريقك زحمة و لا لا بس بيزيد او بيقل على فترات و كلما كانت العربية دايرة وواقفة بيزيد اسرع.

يعني مثلا لو العربية دايرة و واقفة في مكانها ما بتتحركش بيبقى كاتب في معدل استهلاك البنزين الوقتي مش المتوسط 30 كم طيب يبقى كلما زادت مدة الوقوف هيزيد المتوسط برده لان المتوسط بيعمل متوسط استهلاكك للبنزين من ساعة ما جبت العربية الا لو صفرته , و كلما ازدادت مدة وقوف السيارة يزداد معها متوسط الاستهلاك الموجود على شاشة العربية.

انما لو حضرتك عايز تحسب متوسط استهلاك البنزين في مشوار زي بتاع المنيا اسيوط فالمفروض تصفر عداد المتوسط اول ما تبدا تتحرك و تشوف على نهاية الرحلة هيبقى كم.
و انا في الاول كان عندي معدل المتوسط 10 و بعدين لقيت كلما اقلل فترة وقوفي و امشي على سرعة و دوسة على البنزين خفيفة يكون معدل الاستهلاك معها قليل بلاقي المتوسط بيقل بس بيقل بحاجات بسيطة على فترات.


لكن على العموم العربية انا شايفها اقتصادية يعني بتعمل معايا 230 كم في 20 لتر تقريبا مع العلم اني بقرص عليها شوية و اني ساكن في المنيا الجديدة و بطلع كل يوم الكوبريي العالي اوي بتاعها و ده بيستهلك بردة متهيالي.. مع العلم اني عامل 3200 كم.

[gomana85]

انا مش عارفه انا عندي مشكله ولا ايه؟ انا استهلاك العربيه عالي جدا مقارنه بالي بتقولوه انا احسن متوسط وصلتله كان 10.5 لتر كل 100 كيلو و ده بعد مبدات امشي علي شوارع مفتوحه شويه، انا حاسه ان استهلاك العربيه في الزحمه سئ جدا او مش زي مكنت متوقعه

[theislamic]

هو احسن حاجة عشان حضرتك تحسبي معدل الاستهلاك بالظبط انك تفولي العربية و بعدين تمشي بيها ل100 كيلو مثلا و بعدين تفولي تاني و تشوفي استهلاكها بالظبط او تفولي و عند التفويلة اللي بعدها تحسبي العربية مشيت قد ايه و خدت كم لتر.

[youssef_u]

انا مش عارفه انا عندي مشكله ولا ايه؟ انا استهلاك العربيه عالي جدا مقارنه بالي بتقولوه انا احسن متوسط وصلتله كان 10.5 لتر كل 100 كيلو و ده بعد مبدات امشي علي شوارع مفتوحه شويه، انا حاسه ان استهلاك العربيه في الزحمه سئ جدا او مش زي مكنت متوقعه

اول 100 كيلو للعربية كانت بتعمل 12 لتر في الطوالي

[Bishoy.Girgis]

لازم لازم تداوم علي الصيانات و حتي بعد ما العربية تطلع من الضمان لأن كل ما تداوم علي صيانات العربية هتحافظ عليها اكتر و اكتر و موضوع استهلاك البنزين هيقل كل ما بتستخدم العربية اكتر

[HaNo_ELBeh]

انا عندي المؤشر بيبقى كده والعربيه عاملة 300 كم والمتوسط 9.6 طيب ايه الحل انا عندي العربيه عامل بيها 4800 كم الى الان !

اعتقد ان استهلاك حضرتك عالى شويه

[HaNo_ELBeh]

انا مش عارفه انا عندي مشكله ولا ايه؟ انا استهلاك العربيه عالي جدا مقارنه بالي بتقولوه انا احسن متوسط وصلتله كان 10.5 لتر كل 100 كيلو و ده بعد مبدات امشي علي شوارع مفتوحه شويه، انا حاسه ان استهلاك العربيه في الزحمه سئ جدا او مش زي مكنت متوقعه

حضرتك ماشية بالعربية كام كيلو وهل حضرتك بتمشى فى مناطق زحمه كتير مع تشغيل التكيف لان 10.5 كل 100 ك كتير

[HaNo_ELBeh]

لازم لازم تداوم علي الصيانات و حتي بعد ما العربية تطلع من الضمان لأن كل ما تداوم علي صيانات العربية هتحافظ عليها اكتر و اكتر و موضوع استهلاك البنزين هيقل كل ما بتستخدم العربية اكتر

متشكر يا استاذ بيشوى على النصيحه

[HaNo_ELBeh]

أستاذ هانى تحياتى ليك
أنت عارف أنى أستلمت بعديك بشوية العربية عاملة 800 كيلو تقريبا و بغض النظر عن قرائة العداد أنا لما حسبتها كان إستهلاكها فى الصفيحة حوالى 230 كيلو

يعنى كل 230 ك استهلاك 20 لتر يعنى لسه شويه
طيب حضرتك تفتكر اول مااستلمت العربية وفولت كانت بتعمل معاك كام
تحياتى!!

[HaNo_ELBeh]

اول 100 كيلو للعربية كانت بتعمل 12 لتر في الطوالي

انا كنت زى حضرتك يااستاذ يوسف حوالى 12.2لتر لكل 100 ك واتحسنت شويه بعد كدة وادينى منتظر

[mzkader]

يعنى كل 230 ك استهلاك 20 لتر يعنى لسه شويه
طيب حضرتك تفتكر اول مااستلمت العربية وفولت كانت بتعمل معاك كام
تحياتى!!

للاسف مش فاكر عشان مابسوقش العربية خالص هى صادفت أنى فولتها مرتين ورا بعض فاكنت حاسبلها بالظبط :)

[malta]

انا اول ما جبت العربية كانت بتعمل 7.6 و فضلت تعلى لغاية ماوصلت ل 9 و بعدين كتبت موضوع هنا قالولى صفر العداد صفرته و دلوقتى 9.3 و بيزيد بالتدريج 9.1و 9.2

[HaNo_ELBeh]

انا اول ما جبت العربية كانت بتعمل 7.6 و فضلت تعلى لغاية ماوصلت ل 9 و بعدين كتبت موضوع هنا قالولى صفر العداد صفرته و دلوقتى 9.3 و بيزيد بالتدريج 9.1و 9.2

طيب عداد حضرتك كام حاليا