إعـــــــلان

Collapse

.

,
See more
See less

تقرير عن صني سوبر صالون 2013 بالصور و الفيديو

Collapse
X
 
  • Filter
  • الوقت
  • Show
Clear All
new posts

  • تقرير عن صني سوبر صالون 2013 بالصور و الفيديو

    بسم الله ما شاء الله و لا حول و لا قوة الا بالله

    محاولة مني لرد جزء بسيط من جمايل المنتدى عليا احب اقدم تقرير بسيط عن نيسان صني سوبر صالون الشكل الجديد بالصور و الفيديو

    ملاحظة : تم تصغير الصور لسهولة فتح الموضوع و لعدم اخذ وقت في التحميل

    نبدأ بسم الله الرحمن الرحيم

    اولا الشكل الخارجي :-

    في ناس كتير مش عاجبها شكل العربية و بتفضل الشكل القديم و دي بصراحة اذواق يعني ممكن تعجب حد و متعجبش التاني و كده ،،، هي العربية انا مش هقول انا شكلها حلو لكن هي مش وحشة للدرجة اللي تخلي الواحد ميجيبهاش عشان شكلها ، انا بصراحة اول صوره اشوفها للعربية دي من بره لما نزلت في اليابان قبل ما تيجي مصر قلت دي شكلها وحش اوي ! بس لما شفتها هنا عالطبيعة و ركبتها عجبتني جدا و بصراحة الشكل اتحسن مع وجود الاسبويلر و الجنوط ,, انا هنزل صورتين للعربية من بره بس لانها مطحونة صور في كل حتة و الناس حفظت شكلها





    الجنط الخلفي ( معلش صورته و هو متوسخ ) و الكاوتش ماكسيس صيني

    ثانيا من الداخل :-

    العربية بسم الله ما شاء الله من جوه حلوه و متعتبرش رديئة و تقفيل وحش زي ما البعض بيقول ، في شوية بلاستيكات جنب الدركسيون تحت عالشمال و المناطق دي هي اللي تعتبر ضعيفة بس الباقي ما شاء الله كويس .
    الكنبة اللي ورا اوسع من الكرسي اللي قدام في منطقة الرجلين يعني في السفر اللي قاعدين ورا بيبقوا مرتاحين اكتر من الراكب الامامي ( ملاش دعوه بالسواق ده بيبقا متبهدل ) و فيها بقا مشكلة صغيره ان الكراسي ناشفة شوية يعني لو هتسافر و تقعد ٣ ساعات مثلا هتتعب من القعدة بس مش اوي .

    شكل اضائة العدادات بالليل بيبقا جميل بسم الله ما شاء الله


    و في الصورة دي باين النواكل و فرش الباب ( قماش مش فايبر على عكس الex ) خلينا مع الصوره

    و دي صورة لوسع الكنبة الخلفية و بصراحة احسن حاجه في العربية دي الوسع

    و دي صورة تانية للكنبة

    المالتي فانكشن و البلوتوث

    شعار نيسان و الايرباج

    دراع النور

    دراع المساحات

    التحكم في التكييف


    السقف ولمبة الصالون

    اللمبة اللي قدام و المراية

    الفتيس

    الراديو

    صورة اخرى للراديو و تحكمات التكييف

    الطارة و العدادات

    المراية الجانبية

    مقبض اليد

    صوره جانبية للتابلوه و المراية

    دي صورة للدواسات من تحت و الجزء اللي مش متغطي

    ثالثا : العيوب :-

    اول حاجة بسيطة من عيوب التقفيل هي الكاوتش اللي فوق الباب الخلفي يمين مفارق مع حتة من السقف


    و بما ان العربية فرش بيج و اي حاجه بتبان عليها انا استلمت العربية متوسخة من جوه ! اه متوسخة من جوه عند الشبابيك مكان اللي بيسند بس نضفتها قبل ما اصور و كمان في حتة باين انها متوسخة من المصنع عند الازاز اللي ورا



    كده الحمدلله خلصنا الصور هتكلم عن انطباعي عن العربية و العيوب اللي واجهتني و بعدين هنزل الفيديوهات

    اول حاجه ضايقتني بصراحة تأخر التسليم و انا تقريبا التسليم اتاخر شهر بس الحمدلله على كل حال
    يوم الاستلام بقا مش هتكلم عنه كتير بس العربية انا كنت حاجزها فرش اسود و لما جت دي و شفت انها بيج و اتفرجت عليها مرضيتش اتكلم ولا اقول انها مفروض فرش اسود لان الصراحة الفرش البيج عجبني بيبين وسع العربية و بيخليها منورة

    بعد ما استلمت بقا و خلصت الاجراءات الحمدلله اول ما طلعت بالعربية سمعت بقا صوت خروشة او تكتكه جاي من الجزء الامامي فقط و صعب تحديد مكانه و الصوت بيظهر لما يكون في هوا جامد او امشي بسرعه شويه بس قلت مش مشكلة هقولوهم عليها في الصيانه .

    الكاوتش الصيني ده بقا حكايته حكاية هو بيلم زلط و بس مش مشكلة يعني اتعايشت معاه و عادي ، دلوقتي بقا بدأت احس انه بيزحلق مع الفرمله و لما اطلع بسرعه الكاوتش بيلف في مكانه ( انا عامل ١٨٠٠كم)


    رابعا: انطباعي عن السيارة:-

    العربية بسم الله ما شاء جميلة و تستاهل سعرها و احسن من عربيات كتير في نفس السعر و هي مش بتجري و لا بطة في نفس الوقت يعني هي عربية عائلية بتاعت الاستخدام العادي مش الاستخدام الرياضي
    و عزمها بيبان فعلا بعد 4000 RPM انا لما بدوس عالاخر بيفضل التسارع ثابت لحد 4000 RPM بعد كده بتبقا طيارة ، بالنسبة للثبات و الكلام اللي بيتقال انه لما مقطورة او اوتوبيس يعدي من جنبك بسرعه بتتهز و تخرج من حارتها و الكلام ده ،، هو فعلا لما اوتوبيس يعدي بتحس بتفريغ الهوا بتحس بسسس هزه بسيطة مش بتخرج من حارتها ولا حاجه و مش هقدر اتكلم عالثبات على السرعات العالية لاني مجريتش بيها اكتر من 120 الحقيقه فا لسه شوية عالنقطة دي .

    فرامل العربية ممتازة كعادة نيسان يعني مش جديده بس نوع التيل ردئ انا عندي الجنط الامامي اسود من جوه من الرايش و بسع صوت خشونة مع الفرمله البطيئة .

    الاضواء جيدة بس نور الضباب ضعيف شوية و مش بيفرش كويس

    صوت الموتور خشن شوية

    الصاج ورررررق ورررررق

    الشنطه واسعة

    الراديو و السماعات حلوين و مظنش انهم محتاجين تغيير


    التكييف انا جربته مدة 5 دقايق بس و تبريده حلو بس صوت المروحة الخلفية عالي حاجة بسيطة


    خامساً : صيانة ال1000 :-

    طبعا رحت صيانة ال1000 يوم السبت 16-2 لاوتوايجيبت ابورواش و اهم حاجه اني اقولهم على صوت الخروشة ده و كنت جايب زيت معايا شل هيليكس


    الصيانه طبعا مصنعية مجانا و تم تغيير الزيت و الفلتر،،،، و فلتر التكيف لسه مجاش و مفيش دلايات ،،، كل ده مش مهم المهم الصوت ده ، لما خلصت الصيانة المهندسة قالت ان فبر الاكصدام الامامي مكانش متثبت كويس و هما ربطوه و طبعا العربية اتغسلت و دفعت كله 92 جنيه ( 57 فلتر زيت ، 5 جنية وردة فلتر ، 20 جنيه شحم )
    اول لما ركبت العربية وانا لسه قدام المركز لقيت الصوت لسه موجود قلت هطنشه بقا لصيانة ال5000 تاني يوم اتصل مهندس من اوتوايجيبت يسال عالصيانه و مشكلتك اتحلت قلتله لا اداني معاد تاني يوم رحت قعدت 3 ساعات و جربت العربية معاه و الصوت راح الحمدلله و تم ربط فبر الاكصدام الامامي مره اخرى
    [/COLOR


    سادسا و اخيرا : الفيديوهات:-

    ملحوظة : الفيديوهات 1080P


    فيديو لبداية التشغيل :
    Nissan Sunny 2013 start up - YouTube


    فيديو لتصفير عداد الرحلة و استهلاك البنزين : MOV_0595 - YouTube

    فيديو للانذار : MOV_0609 - YouTube

    فيديو للمرايات الطي كهربائي : MOV_0611 - YouTube

    انا شاري دواسات و غطاء للعربية من سبينيس في مول العرب الدواسات ب 110 و الغطا بردو ب110

    الدواسات باينة في الصوره دي و ميزيتها انها كبيره و مغطية كل اجزاء الارضية قدام بس للاسف مصورتش قدام و دي صورتهم ورا

    [COLOR="rgb(160, 82, 45)"]اخيرا احب اوجه الشكر لكل من الاستاذ احمد مصطفى و الاستاذ LAND.CRUISER لاهتمامهم و اعضاء اخرين اعتذر ليهم لاني والله مش لاقي الموضوع اللي فيه المشاركات و شكرا لكم مره اخرى


    و ده كان تقريري عن الصني اتمنى انه يكون عجبكم و منتظر اراءكم و اي استفسار انا تحت امركم ..
    السلام عليكم ورحمة الله و بركاته

  • #2
    يا سيدي يا سيدي :)))

    إيه التقارير الجميلة ديه ما شاء الله يعني اللهم لا حسد ههههههههههه

    ربنا يبركلك فيها ..

    Comment


    • #3
      احيييك على التقرير المحترم ده
      و ربنا يباركلك فيها

      Comment


      • #4
        تقرير رائع و تشكر عليه ..
        بالنسبة لموضوع نشفان الكرسي .. لو هتعمل فرش جلد تفصيل يبقي تعمله عند جينزكار و الحاج احمد هيحل لك مشكلة نشفان الكرسي لأني كان عندي نفس المشكلة في عربيتي و اتحلت تماما ً
        [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

        [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

        Comment


        • #5
          ربنا يبارك لك فيها و تسلم ايدك على التقرير الجامد (:
          [SIGPIC][/SIGPIC]

          Comment


          • #6
            المشاركة الأصلية كتبت بواسطة Dr'AhmZZong مشاهدة المشاركة
            يا سيدي يا سيدي :)))

            إيه التقارير الجميلة ديه ما شاء الله يعني اللهم لا حسد ههههههههههه

            ربنا يبركلك فيها ..
            هههههههههه ربنا يخليك يا باشا و تسلم على مرورك الطيب ،،، و مش ناسي موضوعك بتاع دواسة التيدا


            المشاركة الأصلية كتبت بواسطة ahmed-adel مشاهدة المشاركة
            احيييك على التقرير المحترم ده
            و ربنا يباركلك فيها
            تسلم يا باشا ربنا يبارك فيك و شكرا ع مرورك الطيب


            المشاركة الأصلية كتبت بواسطة Bishoy.Girgis مشاهدة المشاركة
            تقرير رائع و تشكر عليه ..
            بالنسبة لموضوع نشفان الكرسي .. لو هتعمل فرش جلد تفصيل يبقي تعمله عند جينزكار و الحاج احمد هيحل لك مشكلة نشفان الكرسي لأني كان عندي نفس المشكلة في عربيتي و اتحلت تماما ً
            تسلم على مرورك الطيب يا باشا بس المشكلة جينز كار بعيد و هيحتاج اروحله مرتين في يومين ، هحاول اشوف يومين اجازة ، و شكرا مره اخرى :)


            المشاركة الأصلية كتبت بواسطة Ramy Rateb مشاهدة المشاركة
            ربنا يبارك لك فيها و تسلم ايدك على التقرير الجامد (:
            شكرا يا باشا و ربنا يبارك فيك و تسلم ع مرورك الطيب :)

            Comment


            • #7
              تقرير ممتاز.. ربنا يباركلك فيها ويكفيك شرها

              Comment


              • #8
                تقرير جميل

                ما شاء الله لا قوة الا بالله
                [CENTER][SIGPIC][/SIGPIC][/CENTER]

                [CENTER]سبحان الله [CENTER][/CENTER]وبحمده سبحان الله العظيم[/CENTER]

                Comment


                • #9
                  الف مبروك على العربية ربنا يديك خيرها و يكفيك شرها
                  فعلا نقط كتيرة جدا من النقاط اللى حضرتك قولت عليها لاحظتها فى العربية بس ارجع و اقول كل العربيات فيها الكويس و فيها الوحش و بالنسبة للكاوتش انا مستنى ان شاء الله يوصل للتلاتين او الاربعين الف و اغيره

                  Comment


                  • #10
                    تقرير ولا كلمه

                    تحياتى وربنا يباركلك فيها

                    Comment


                    • #11
                      المشاركة الأصلية كتبت بواسطة bishoy.girgis مشاهدة المشاركة
                      تقرير رائع و تشكر عليه ..
                      بالنسبة لموضوع نشفان الكرسي .. لو هتعمل فرش جلد تفصيل يبقي تعمله عند جينزكار و الحاج احمد هيحل لك مشكلة نشفان الكرسي لأني كان عندي نفس المشكلة في عربيتي و اتحلت تماما ً
                      طيب مبيعمل ايه بالتحديد عشان يخلى الكراسى اطرى ؟؟

                      Comment


                      • #12
                        المشاركة الأصلية كتبت بواسطة hossam_elwani مشاهدة المشاركة
                        طيب مبيعمل ايه بالتحديد عشان يخلى الكراسى اطرى ؟؟

                        شوف الموضوع ده يا حسام

                        http://www.nilemotors.net/Nile/263307-a.html




                        .

                        Comment


                        • #13

                          1000 مبروك و مشكور على التقرير الجميل ...
                          فعلا الصنى من حيث المواصفات و الفئه السعريه تعتبر من افضل الاختيارات ...
                          تحياتى ...
                          [SIZE="4"][COLOR="Navy"]Eng. Safwat Saleh[/COLOR][/SIZE]
                          [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                          Comment


                          • #14
                            تسلم ايديك على الموضوع الممتاز بجد
                            [CENTER][img2]http://images.cardekho.com/images/car-images/large/Nissan/Colours/Nissan-Sunny-Live/nissan-sunny-black.jpg[/img2][/CENTER]

                            Comment


                            • #15
                              مبروك عليك العربيه وتقرير جميل جدا.

                              Comment

                              Working...
                              X