سمكرى فاهم فى الصنى و من الزيتون

[Islam_Shady]

معايا نيسان صنى 2011 و واحد دخل فيها من الخلف

قدر الله و ماشاء فعل

المهم الشنطه اتكبست لجوه و الفانوس و الاكسدام فيهم كسور بسيطه

روحت التوكيل و قاللى هانغير شنطه و فانوس و اكسدام و الموضوع هايعدى ال 5000 جنيه بينما انا شايف ان الموضوع ابسط من كده بكتير

روحت لكذا سمكرى فى المنطقه و بصراحه حسيت من كلامهم ان عمرهم ما اشتغلو فى الصنى قبل كده

خايف و هما بيصلحو يكسرو اى حاجه لان عمرى ما جربت سمكرى و مشيت من عنده مبسوط

ياريت يا جماعه اللى يعرف سمكرى يكون ابن حلال و عارف ربنا و يصلح مايبوظش و ياريت يكون من الزيتون اكون شاكر جدا لان دى اول سمكره فى العربيه

و جزاكم الله خيرا

[Bishoy.Girgis]

بص يا اسلام .. ابسط حاجه ممكن تعملها عشان تقلل الشغل و الدهان بتاع السمكرة انك تشتري شنطه و فانوس و اكصدام بنفس لون العربية من الحرفيين و ان شاء الله تلاقيهم
و الباقي هيبقي تخبيط من داخل العربية و هيكون الرش بسيط داخل العربية و مش هتضيع وقت كبير الا لو كان في تخبيط حصل في الرفارف
اتمني اكون ساعدتك علي اد ما اقدر و طمنا عليك

[s0144862631]

اولا الحمد لله على كل شئ ثانيا في واحد سمكري عند نزلة الطالبيه من على الدائري كويس جدا وعملي خبطه في الرفرف على الباد والحمد لله ظبطها تمام لو عاوز كلمني وانا ارتبلك معاه

[ahmed_hanafi]

في سمكري كويس في أبو رواش وبيشتغل في النيسان .....لو عايزه كلمني علي الخاص

[Nashaat Rady]

اعرف سمكري شاطر جداً و خصوصاً في الشغل علي البارد.... بس أغلي من السمكرية اللي في الحرفيين.

مكانه في ميدان ابن الحكم.

انا اشتغلت عنده تلات مرات علي البارد، فنان الصراحة..

و بعض أصدقائي، اشتغلو عنده برده بارد و سخن كمان، كانوا مبسوطين،

لكن سمكري فقط ما عندوش رش، بس حايبعتك لناس ترش عندها.

و طبعاً عندك ورشة نايل موتورز في الحرفيين... انا شوفت شغلهم علي الفايس بوك، ما شاء الله... شغل حلو و ناس ثقة، تسيب عربيتك و انت مطمن ان محدش حايخدها لفة كده ولا كده.

لكن بالنسبة لما تسيب عربيتك عند سمكري ما تعرفوش، لازم تعملو زيارات مفاجئة و تشوف عربيتك قاعدة ولا شغالة سمكرة صباحاً و تاكسي السهرة مسائاً و طبعاً العداد بيتفصل.

في علي المنتدي هنا موضوع عن ورشة نابل موتورز، بص عليه.

لو عايز وصفة السمكري بتاع الزيتون ابعتلي علي الخاص.

و الله الموفِق

[Islam_Shady]

بص يا اسلام .. ابسط حاجه ممكن تعملها عشان تقلل الشغل و الدهان بتاع السمكرة انك تشتري شنطه و فانوس و اكصدام بنفس لون العربية من الحرفيين و ان شاء الله تلاقيهم
و الباقي هيبقي تخبيط من داخل العربية و هيكون الرش بسيط داخل العربية و مش هتضيع وقت كبير الا لو كان في تخبيط حصل في الرفارف
اتمني اكون ساعدتك علي اد ما اقدر و طمنا عليك

اولا اشكرك على المشاركه

و على فكره الموضوع ابسط من كده بكتير

هى ان شاء الله موش هاتحتاج دهان و لا تغيير

الكسر اللى فى الاكسدام يادوب 4 سم و ممكن امشى من غير ما اصلحها كمان

و هى إن شاء الله مافيهاش شغل بويه خالص

انا ناوى اسمكرها المره دى و لاقدر الله المره الجايه ابقى اعمل كده

اولا الحمد لله على كل شئ ثانيا في واحد سمكري عند نزلة الطالبيه من على الدائري كويس جدا وعملي خبطه في الرفرف على الباد والحمد لله ظبطها تمام لو عاوز كلمني وانا ارتبلك معاه

اشكرك على الرد وبعتلك على الخاص

[Islam_Shady]

اعرف سمكري شاطر جداً و خصوصاً في الشغل علي البارد.... بس أغلي من السمكرية اللي في الحرفيين.

مكانه في ميدان ابن الحكم.

انا اشتغلت عنده تلات مرات علي البارد، فنان الصراحة..

و بعض أصدقائي، اشتغلو عنده برده بارد و سخن كمان، كانوا مبسوطين،

لكن سمكري فقط ما عندوش رش، بس حايبعتك لناس ترش عندها.

و طبعاً عندك ورشة نايل موتورز في الحرفيين... انا شوفت شغلهم علي الفايس بوك، ما شاء الله... شغل حلو و ناس ثقة، تسيب عربيتك و انت مطمن ان محدش حايخدها لفة كده ولا كده.

لكن بالنسبة لما تسيب عربيتك عند سمكري ما تعرفوش، لازم تعملو زيارات مفاجئة و تشوف عربيتك قاعدة ولا شغالة سمكرة صباحاً و تاكسي السهرة مسائاً و طبعاً العداد بيتفصل.

في علي المنتدي هنا موضوع عن ورشة نابل موتورز، بص عليه.

لو عايز وصفة السمكري بتاع الزيتون ابعتلي علي الخاص.

و الله الموفِق

اشكرك على الرد و ياريت تبعتلى تليفونك على الخاص

[د علي]

اعرف سمكري شاطر جداً و خصوصاً في الشغل علي البارد.... بس أغلي من السمكرية اللي في الحرفيين.

مكانه في ميدان ابن الحكم.

انا اشتغلت عنده تلات مرات علي البارد، فنان الصراحة..

و بعض أصدقائي، اشتغلو عنده برده بارد و سخن كمان، كانوا مبسوطين،

لكن سمكري فقط ما عندوش رش، بس حايبعتك لناس ترش عندها.

و طبعاً عندك ورشة نايل موتورز في الحرفيين... انا شوفت شغلهم علي الفايس بوك، ما شاء الله... شغل حلو و ناس ثقة، تسيب عربيتك و انت مطمن ان محدش حايخدها لفة كده ولا كده.

لكن بالنسبة لما تسيب عربيتك عند سمكري ما تعرفوش، لازم تعملو زيارات مفاجئة و تشوف عربيتك قاعدة ولا شغالة سمكرة صباحاً و تاكسي السهرة مسائاً و طبعاً العداد بيتفصل.

في علي المنتدي هنا موضوع عن ورشة نابل موتورز، بص عليه.

لو عايز وصفة السمكري بتاع الزيتون ابعتلي علي الخاص.

و الله الموفِق

[د علي]

ممكن اسم او رقم السمكري ده

[Nashaat Rady]

بودي و الصنايعي اسمه محمد جبس، خلف كشري هدية في ميدان ابن الحكم

[د علي]

ممكن اسمع او رقم تليفونه او مكانه فين بالظبط

[Nashaat Rady]

اسمه بودي... و الصنايعي بتاع البارد اسمه محمد جبس.
الزينون، ميدان ابن الحكم، خلف كشري هدية

[Nashaat Rady]

01141818207