حد يعرف نيسان سنترا هتنزل مصر أمتى ؟

[semsem8100]

بجد أعتقد أن تحفه نيسان الجديده ستكون سنترا وستكون الولد اللى هيقش لآن أعتقد كما عودتنا نيسان أن سعرها هيكون معقول مقابل اللى فى فئتها .. أنا شخصيا محلمش بأكتر منها لأنها بجد تحفه داخليا وخارجيا وكفايه أنها نيسان أكثر السيارات اليابانيه أحتراما يمكن أكتر من تويوتا ودى وجهه نظر لا أكثر

[AhmedNaeem]

واحلي من الصني الجديدة و 1600 سي سي
ياريت حد يكون عنده معلومات عنها

[sdelbassuny]

أستحاله تنزل مصر أو علي الأقل لما يبعوا شويه من الشكل الجديد

[EMO_ELNEMS]

مافتكرش هتنزل قبل الشكل الجديد مايبيع شوية في السوق قول سنتين او3سنين على الأقل

[Ahmed.TV]

السنترا اللى ليها ليدات فى الفوانيس اللى بتتكلم عليه .. لسه مش حتنزل مصر الفترة دى .. وكان مخطط ليها تفكير معين .. بس الاقتصاد والاحوال اللى احنا فيها .. بتخلى اى شركة تتراجع فى التفكير فى عمل اى شيئ .. لان السوق المصرى اصبح مش مضمون

وبالنسبة الى انها 1600 واحسن عشان البنزين .. بالعكس .. انا شايف مستقبل مصر فى الاوضاع دى وحالة الغلاء اللى عايشين فيها المستقبل للعربيات ال1500 سى سى وال1400 سى سى

وربنا يكرم خير ان شاء الله وربنا يهدى الحال فى بلدنا

[EMO_ELNEMS]

ممكن يا أستاذ أحمد تقولنا ايه المخطط اللي كان موجود واتلغى اواتأجل عشان حتى نرسى على بر خصوصا لوكان فينا ناس عاوزها اوعاوزة تغير وتجدد
اقولك بلاش كدا قولنا ايه المخطط ده بمكن نقدر برأينا كأعضاء للمنتدى نقول افكار تساعد الشركة في اتخاذ قرارها القادم بخصوص السنترا ويوضع سره في اضعف خلقه

[nomercy22]

بصراحه شكلها حلو جداااااااااااااااااااا ياريت تنزل بسرعه

[addams_2]

أنا شايف إن نيسان ممكن تنزل ال Micra كمان

[Youssef.Awad]

بصراحة العربية دى مذهلة بكل ما تحمله الكلمة من معنى
بدأ انتاجها عالميا اواخر اكتوبر 2012
نزلت فى الامارات من شهر تقريبا بسعر يبدأ من 58800 - 81000 درهم
ونزلت السعودية من اسبوعين تقريبا بدون اسعار معلنة .. لكن بتواصلى مع القائمين على توكيل نيسان الجديد (العيسى) عرفت انها هاتكون بحدود 62500 - 80000 ريال
وكل انتاج الخليج وارد صنع فى تايلاند
ومتوفر منها فئتين لحد دلوقت:
1. استاندارد s
2. نص فل اوبشن sv (ليدات امامية وخلفية - مكيف خلفى - تحكم فى الراديو من الدركسيون - تشغيل بزرار ستوب انجشن)
والاتنين بجنوط معدنية 195/65-15 مع طاسات بمحرك 1600 سى سى وفتيس cvt

ومحتمل ينزل فئة اعلى فل اوبشن sl (فى الاغلب هاتكون 1800 سى سى مع جنوط وفوانيس شبورة ومكيف الكترونى)

وجارى التنسيق لأجراء تجربة قيادة لها قريبا ان شاء الله .. لكن من فحصها بالمعرض العربية هاتكسح كل فئتها لفارق الجودة والتصميم والمواصفات والاهم السعر واسم نيسان

ومع احترامى لكل ملاك التيدا .. احب اقولهم السنترا قادمة وبقوة ههههههههه

العربية واسعة جدااااا ومريحة جداااااااا من جوة وحجمها ممتاز فئة وسط بين الصنى والألتيما

وحسب توقعاتى لها فى مصر اذا نزلت مش هايقل سعرها عن 145-150 الف ج لأول فئة

[Ahmed.TV]

ممكن يا أستاذ أحمد تقولنا ايه المخطط اللي كان موجود واتلغى اواتأجل عشان حتى نرسى على بر خصوصا لوكان فينا ناس عاوزها اوعاوزة تغير وتجدد
اقولك بلاش كدا قولنا ايه المخطط ده بمكن نقدر برأينا كأعضاء للمنتدى نقول افكار تساعد الشركة في اتخاذ قرارها القادم بخصوص السنترا ويوضع سره في اضعف خلقه

مش كل حاجة نقدر نتناقش فيها او نذكرها على الملا .. بس اللى اقدر اقوله ان مصنع نيسان ايجيبت فى مصر عبارة عن خلية من النحل فى الشغل .. والاهم من قربى من صناع القرار فى نيسان ان فعلا وبدون تحيز الناس دى دايما فى بالهم العملاء .. وبيحالولوا يقدموا ليهم كل اللى يكون فى راحتهم

واكيد مهما قدموا شيئ مميز مش بالشرط انه يعجب بعض العملاء .. لكن شركة نيسان بتسعى بكل قوتها انها تلبى احتياجات عملائها بشتى الطرق

تحياتى

[khaled_afandy]

بصراحة العربية دى مذهلة بكل ما تحمله الكلمة من معنى
بدأ انتاجها عالميا اواخر اكتوبر 2012
نزلت فى الامارات من شهر تقريبا بسعر يبدأ من 58800 - 81000 درهم
ونزلت السعودية من اسبوعين تقريبا بدون اسعار معلنة .. لكن بتواصلى مع القائمين على توكيل نيسان الجديد (العيسى) عرفت انها هاتكون بحدود 62500 - 80000 ريال
وكل انتاج الخليج وارد صنع فى تايلاند
ومتوفر منها فئتين لحد دلوقت:
1. استاندارد s
2. نص فل اوبشن sv (ليدات امامية وخلفية - مكيف خلفى - تحكم فى الراديو من الدركسيون - تشغيل بزرار ستوب انجشن)
والاتنين بجنوط معدنية 195/65-15 مع طاسات بمحرك 1600 سى سى وفتيس cvt

ومحتمل ينزل فئة اعلى فل اوبشن sl (فى الاغلب هاتكون 1800 سى سى مع جنوط وفوانيس شبورة ومكيف الكترونى)

وجارى التنسيق لأجراء تجربة قيادة لها قريبا ان شاء الله .. لكن من فحصها بالمعرض العربية هاتكسح كل فئتها لفارق الجودة والتصميم والمواصفات والاهم السعر واسم نيسان

ومع احترامى لكل ملاك التيدا .. احب اقولهم السنترا قادمة وبقوة ههههههههه

العربية واسعة جدااااا ومريحة جداااااااا من جوة وحجمها ممتاز فئة وسط بين الصنى والألتيما

وحسب توقعاتى لها فى مصر اذا نزلت مش هايقل سعرها عن 145-150 الف ج لأول فئة

ده موقع العربية الرسمى
Nissan Sentra | Shine Brighter With The New 2013 Nissan Sentra
عربية جمبلة جدا و أعتقد السعر سيكون أعلى حيث أن السنترا هى بلوبيردسيلفى و التى و صل سعرها قبل الزيادة الى 160 ألف عند السبع (شفتها فى أواخر ديسمبر و كنت بأشاور عقلى ساعتها)
لو نزلت ب 145 تبقى لقطة طبعا
و حقهم يفكروا لأن الصنى الموديل الجديد و شوية و أعتقد مبيعاته حتهبط
الشعب يريد عودة نيسان الشكل القديمممممممم :-)

[Youssef.Awad]

فعلا يا احمد السعر بفارق العملة وارتفاع الاسعار ممكن كمان يوصل 160-170 الف وساعتها هاتكون افضل من هوندا سيفيك وتويوتا كورولا وهيونداى الانترا وكيا سيراتو كمان لأنه مابقاش فيه مشكلة فى الشكل زى موديلات نيسان القديمة وكمان بقت اكتر تطورا فى المضمون والمكونات

عاوز اقولكم مش بعيد تلاقوها نازلة خليجى الفترة الجاية من العاملين هناك ومن اسبوعين تقريبا واحد صاحبى استشارنى فى شراء عربية جديدة فى السعودية .. طبعا رشحتله السنترا وهو من كتر ما ركب الالتيما القديمة والاكورد والكامرى فى ال4 سنين اللى فاتوا أكتر عربية حبها واتبسط من سواقتها كانت النيسان

[dadapharma]

العربية نزلت شوفتها النهارده عند القرش تمنها 168 الف تقفيل تايلاند 1600 شكلها جميل و تقفيلها ممتاز بس مافيهاش بلوتوث ولا مثبت سرعة من جوه واسعه طارة ملتي ليدات فتحة تكييف خلفي انا شوفتها بسرعة و طبعا كالعادة المعرض مش عارف مواصفتها يا ريت رايكم فيها و لو حد يقلنا رايه عشان هشتري الاسبوع الي جاي و كنت بفكر في السيراتو الشكل الجديد الي ب 166 الف

[Mohyeldin1974]

انا كنت اجازه اسبوع فى مصر ولفيت على العربيات وشفتها فى معرض فى كلية البنات (قدام ابو غالى)اعتقد القرش وكان لونها ابيض تقريبا ب 167 بس معرفتش اى تفاصيل

[zangry]

طبعا دى الخليجي !