إعـــــــلان

Collapse

.

,
See more
See less

تحيه واجبه لمركز اوتو ايجبت للصيانه

Collapse
X
 
  • Filter
  • الوقت
  • Show
Clear All
new posts

  • تحيه واجبه لمركز اوتو ايجبت للصيانه

    الحقيقه انا كتبت هذا الموضوع لاعطاء كل ذى حق حقه

    منذ ان بدات فى عمل صيانات لعربيتى نيسان صنى موديل 2010 فى شهر اغسطس 2010 للاسف لم اشعر باحترافيه فى اعمال الصيانه

    بل و كنت اشعر ان مركز الصيانه يحاول التملص من وجود بعض العيوب بالعربيه ( اما لانه يحتاج لتغيير حاجه مكلفه ومحتاجه وقت - ضفيره مثلا - أو لانه عيب صعب اكتشافه وبالتالى يكون مصدر حرج لهم ) والحاجتين دول حصلوا معايا فى احد مراكز الصيانه بدون ذكر اسمه

    المهم انى قررت اجرب مركز صيانه اوتو ايجبت ابو رواش بعد افتتاحه بمده قصيره و الفضل فى ده يرجع للاساتذ / احمد مصطفى اللى كان حلقه وصل ممتازه بين اعضاء المنتدى واوتو ايجبت سواء مبيعات او صيانه

    المهم علشان ما اطولش عليكم

    اول انطباع بعد صيانه 30 الف فى ابورواش ان كل حاجه اتعملت بدقه تامه بدون اى معرفه ولا توصيه ودى نقطه مهمه جدا - كذلك كانوا عاملين عرض اول 3 شهور الصيانه مجانيه ومشاريب مجانيه و واى فاى والمكان جميل وواسع وبتشوف العربيه وهى فى الورشه

    تانى انطباع انهم بيتابعوا العميل بعد الصيانه باهتمام شديد

    فى صيانه 50 الف اشتكيت من العفشه وقاموا بتغيير المقصات فى الضمان من تلقاء انفسهم بدون مماطله او تاخير - تحيه واجبه للمهندس الخلوق / محمد رفاعى - وهى دى اول مفاجأه لى لان تكلفه المقصات 3700 جنيه


    اشتكيت من العفشه تانى فى صيانه 70 قاموا بتغيير قاعده موتور وجلده تراب مساعد خارج الضمان بتكلفه حوالى 650 جنيه
    وقالوا لى ان علبه الدركسيون محتاجه تغيير وسيتم تغييرها فى الضمان اول ما توصل من المصنع لانها غير موجوده وتكلفتها حوالى 4500 جنيه

    تابعتهم لمده اسبوعين واول ما وصلت حجزت ميعاد وذهبت بوم 3-3-2013 وتم تغيير العلبه وبعد كده العفشه بقت ممتازه جدا - تحيه واجبه للمهندس المحترم / محمد درويش


    طيب انا ليه باكتب دلوقتى وكنت كاتم فى قلبى طول الفتره اللى فاتت ؟

    لان فيه توكيلات كتير مش بترضى تعترف بعيوب فى العربيه وحتى لو اعترف بالمشكله يقول لك التصليح خارج الضمان وتدفع مبالغ كبيره

    اما نيسان واتوا ايجبت على وجه الخصوص فضربوا لى مثل فى كيفيه ارضاء العميل بجد

    انا باكتب هذا الشكر الواجب لهم بعد ما انتهت فتره الضمان بتاعت العربيه تقريبا - مش فاضل غير شهرين - وغالبا لو احتجت حاجه من التوكيل بعد كده حتكون خارج الضمان - بمعنى اصح انا مش حاكون محتاج انى اتملقهم او امدحهم خالص

    الخلاصه لما تلاقى حد بيعاملك بامانه بتفرق معاك كتير وتحس انه مهتم كانها عربيته


    اتمنى ان باقى مراكز صيانه نيسان وغيرها من الماركات المحترمه انها تحذوا حذو هذا المركز المحترم لتحوذ اعجاب العملاء اللى من النوع بتاعى - ما بيعجبوش العجب ولا الصيام فى رجب -

    والسلام عليكم ورحمه الله وبركاته
    سبحان الله وبحمده سبحان الله العظيم

  • #2
    يا ريت مودرن يتعلموا منهم تعامل مودرن غير راقى بالمرة

    Comment


    • #3
      علبه الدركسيون دي مشكله
      [B][COLOR="DarkRed"][SIZE="5"]
      أوعاااااا الكلبش يعٌضك[/SIZE][/COLOR][/B]

      Comment


      • #4
        نفيي اعرف لييه الصني بتجيب مقصاااات بدري قوي كداااا
        [B][COLOR="DarkRed"][SIZE="5"]
        أوعاااااا الكلبش يعٌضك[/SIZE][/COLOR][/B]

        Comment


        • #5
          المشاركة الأصلية كتبت بواسطة m.nabeeh مشاهدة المشاركة
          نفيي اعرف لييه الصني بتجيب مقصاااات بدري قوي كداااا
          بص يا باشا

          انا كان معايا صنى موديل 99 اليابانى قعدت معايا 11 سنه ومشيت بيها 290 الف كم بدون تغيير مقصات او علبه دركسيون

          اما الصنى الموديل 2010 الموضوع فيها مختلف من الاول - العفشه اصلا ناشفه وفى صيانه ال 1000 لازم تزبط رجلاش علبه الدركسيون علشان التخبيط فى المطبات الصغيره يقل فده غالبا بيقصف عمرها بدرى بدرى
          اما المقصات فالتوكيل لما بيلاقى الجلود دابت او بوشت بيغير المقص كله وده طبعا ما بيحصلش بره التوكيل
          سبحان الله وبحمده سبحان الله العظيم

          Comment


          • #6
            المشاركة الأصلية كتبت بواسطة أحمد عبدالله مشاهدة المشاركة
            يا ريت مودرن يتعلموا منهم تعامل مودرن غير راقى بالمرة
            مودرن انا عملت عندهم صيانه لسوزوكى كانو معقولين لكن زحمه جدا بطريقه مستفزه
            سبحان الله وبحمده سبحان الله العظيم

            Comment


            • #7
              الف مبروك علي الصيانة وتقرير ممتاز .....ويا رب يفضلو كويسيين كدا عطول

              Comment


              • #8
                المشاركة الأصلية كتبت بواسطة ahmed_hanafi مشاهدة المشاركة
                الف مبروك علي الصيانة وتقرير ممتاز .....ويا رب يفضلو كويسيين كدا عطول
                الله يبارك فيك يا باشا

                الملفت فى الموضوع التباين الكبير فى مستوى الخدمه من مركز لمركز
                سبحان الله وبحمده سبحان الله العظيم

                Comment


                • #9
                  مبروك الصيانة
                  ولو مصر كلها تتعلم Quality of service
                  البلد هتبقا أحسن بلد
                  [OVERLINE][B]miceg =Khaled Fouly[/B][/OVERLINE]

                  [mshosh4]http://imageshack.com/a/img812/1576/pujz.jpg[/mshosh4]

                  Comment


                  • #10
                    ألف مبروك على الصيانة وعقبال ماتركب ال 2013
                    وفعلا اوتوايجيبت من التوكيلات الممتازه فى مصر وناس كتير بتتشكر فيهم
                    [frame="7 80"][SIZE="3"]التقدم في العمر حتمي
                    ولكن ان تشيخ روحك فهو اختيارك[/SIZE]:Zb_sor1[1]:[/frame]

                    Comment


                    • #11
                      تسلم إيدك على التقرير، وفعلا أوتو إيجبت محترمين جدا

                      Comment


                      • #12
                        المشاركة الأصلية كتبت بواسطة hanyfarag مشاهدة المشاركة
                        ألف مبروك على الصيانة وعقبال ماتركب ال 2013
                        وفعلا اوتوايجيبت من التوكيلات الممتازه فى مصر وناس كتير بتتشكر فيهم
                        الله يبارك فيك يا فندم

                        انا قبل فتره طويله كتبت تقرير عن عيوب العربيه الصنى ايام ما اكان الاستاذ احمد مصطفى بيعمل تقرير مجمع لارساله لمصنع نيسان والحقيقه كنت عنيف جدا فى نقدى لوجود مشاكل لا يصح ان تكون موجوده فى عربيه تحمل علامه نيسان و لكن مع الوقت الطويل نسبيا حلت اغلب المشاكل وعلشان كده انا كتبت هذا التقرير المتواضع
                        سبحان الله وبحمده سبحان الله العظيم

                        Comment


                        • #13
                          فيه نقتطتين مهمتين ياريت يطبقوا فى مراكز الصيانه

                          الاولى
                          من وجهه نظرى وهى وجود check list لجميع المشاكل الموجوده بالسياره وقت الاستلام من العميل
                          وبعد الانتهاء من الصيانه يتم توثيق المشاكل التى تم حلها والمتبقيه والزام المنهدس المختص بالتجربه مع العميل واخذ توقيعه على انتهاء المشاكل الموجوده بالسياره

                          الثانيه
                          عمل تخفيض فى اسعار قطع الغيار الاصليه بعد انتهاء الضمان بشرط اجراء الصيانه لمده سنه كامله ويتم التجديد سنويا وذلك لاعضاء الموقع لتشجيعهم على اجراء الصيانات فى التوكيل بدل اللجوء الى ورش خارجيه

                          لو ده حصل يبقى الواحد خارج من الصيانه عارف ما له وما عليه


                          واتمنى التوفيق للجميع
                          سبحان الله وبحمده سبحان الله العظيم

                          Comment


                          • #14
                            المشاركة الأصلية كتبت بواسطة sehsss مشاهدة المشاركة
                            تسلم إيدك على التقرير، وفعلا أوتو إيجبت محترمين جدا
                            الحاجه الاساسيه عندهم انك تحس انك مش قلقان مهما كانت المشكله ودى حاجه انا كنت مفتقدها فى باقى مراكز الصيانه ... الثقه فى المكان مهمه جدا
                            سبحان الله وبحمده سبحان الله العظيم

                            Comment

                            Working...
                            X