عملت صيانة ال 55 الف كيلو واليكم التقرير

[miceg]

السلام عليكم ورحمه الله وبركاته

اخواني اعضاء قسم نيسان

ذهبت اليوم الى السبع اوتو سيرفيس

رحت فمعادي 10:45 واستلمت العربية الساعة كام ؟ حذرو فذرو
استلمت العربية الساعة 3:30
ماعلينا مش قصة ال 4 ساعات ونصف ههههههههههههه
كلمني المهندس بتاع الصيانة قاللي محتاج تغير التيل الخلفي ومياه الردياتير
وهو مهندس محترم جدااااااا قولتله مافيش مشكلة
المهم إجمالي الصيانة بالضريبة كان 715 جنيه
المشكلة برضه مش فال 715 جنيه هههههههههه
القصه انه كاتبلي ان المارش وعلبة الدركسيون عاوزين يتغيرو الصيانة القادمة
سألته قولتله إزاي قاللي المشكلة ان العلبه مش موجودة دلوقتي وقاللي العلبه منتهية وعامله مشاكل فالعفشة (( وهو صوت خفيف جداااا غير ملحوظ أوووي انا اللي قولتلهم عليه ))
ده على أساس اي حد يقولي غير فهقوم مغير على طول
تيجي بقا للاسعار :-
علبه الدركسيون = 4735
المارش = 3359
وبصراحة طالما انتو فمنتهى الشطارة والعلبة على كلامكو متنهية
ليه ملاحظتوش ده وقت سريان الضمان من 3 شهور فاتو
زي مافي بعض المراكز المحترمة بتعمل كده .

وسؤالي ألاهم إيه رأيكو فالكلام اللي بيتقال
مع اني شايف المارش مافيش فيه أي مشكلة وكذلك العلبة لم تصل الى حالة الكركبة
منتظر ارائكم وخبرتكم .
بالبلدي حسيت للحظات بالتشائم وشكلي هدور على عربية زيرو وارتاح بصراحه من فتحة مصاريف الاستعمال والعطلة بتاعته على ألاقل انسى المصاريف لفترة 3 أعوام
وشكلي كده هحود احجز التيدا 2013 وانتظر في طابور المنتظرين
فنفس الوقت انا متردد عشان عاوز عربية Heavy Duty
لان مشاويري كتير وبسافر كتير ولا يعقل كل 5000 كيلو ادخل فجملة مصاريف
حاسس ان التيدا ترفيهي أكثر بكثير من كونها عملية
وبفكر برضه فالصني الجديدة السوبر صالون .
تحياتي العطرة

---------------
ممنوع الكتابة باللون الأحمر لانه مخصص للمداخلات الادارية
برجاء مراجعة قواعد المنتدي
مشرف القسم ب5
6-3-2013
9:53 ص

[sdelbassuny]

أنت هتبيع العربيه عشان مرش وعلبة دركسيون.........................
المرش حل من علي مكنه أستراد (مش محطوط علي رف لأ حل وبالمسامير ) من 200 ألي 300 جنيه

ممكن تعمل جلب هتكلفك 50 جنيه وهيكون أفضل حسب خامة النحاس

أجدع علبة دركسيون + البيضة الطرف حل برصوا مش متعلقه علي الحيطه 1000 جنيه


أنزل أنت الحرفيين ولف بس أول متشتري ركب عشان الضمان

[jojojojo]

التيدا افضل وعمليه جدا ومن افضل العربيات للسفر والمشاوير الكتيره واي عربيه هتحتاج صيانه دوريه ده الطبيعي في اي عربيه وبالتوفيق ان شاء الله

[abdo7000]

سيبك من كلام التوكيل
طالما ان العربية ماشية بدون مشاكل خلاص
وبالتوفيق ان شاء الله

[haissam24h]

حاول تفكر فى التويوتا
والانسر

[Sehsss]

ولا تسأل فيهم.. والصيانة الجاية أنصحك روح أوتو إيجبت وخليهم يكشفوا على علبة الدركسيون والمارش وشوف هايقولولك إيه، وإن شاء الله هايطلع ما فيش حاجة.. أنا أصلا شاكك في السبع بقالي فترة هههههههههه

[miceg]

ولا تسأل فيهم.. والصيانة الجاية أنصحك روح أوتو إيجبت وخليهم يكشفوا على علبة الدركسيون والمارش وشوف هايقولولك إيه، وإن شاء الله هايطلع ما فيش حاجة.. أنا أصلا شاكك في السبع بقالي فترة هههههههههه

هههههههههههههههههه
والله ياسحس انا اتزاولت من العربية
اذا كانت فأول 55 الف كيلو وابتدي يقولي مرش وعلبة دريكسيون الاكادة يقولي عمرهم الافتراضي
ههههههههههههههه
حسسوني اني مشتري عربية صيييني
بس ماعلينا هستخير ربنا وهشوف

[EMO_ELNEMS]

ولا تسأل فيهم.. والصيانة الجاية أنصحك روح أوتو إيجبت وخليهم يكشفوا على علبة الدركسيون والمارش وشوف هايقولولك إيه، وإن شاء الله هايطلع ما فيش حاجة.. أنا أصلا شاكك في السبع بقالي فترة هههههههههه

والله انا زيك شاكك فيهم بس بحاول اكدب نفسي
واسمع بقى ياسيدي انا روحت صيانة 25000 من اسبوعين ورحت على مهندس الأستقبال اللي بارتحله ميعادي كان الساعة 11 وبس ياسيدي قولتله على الشكاوى الموجودة من استهلاك بنزين عالي وصوت موتور عالي بعد تغيير البوجيهات في صيانة20000 وحاجات تانية خفيفة بص شوف اللي حصل استلمت العربية بعد الساعة3.30 عصرا سيبك بقى من الحاجات الخفيفة كدا كدا انت بتتظبط بس بعد 3 ايام قولت ابص على الريدياتير واشوف الميه والزيت قبل ما اسافر الاقي مفاجاة ان مستوى الميه زي ماهو قبل الصيانة اقل من العلامة بالظبط زي ماكانت وزي مانا محدد وعلى فكرة العربية كانت سخنة ودايرة ووفصلتها قبل ماشوف وافتكرت ان النهاردة اليوم التالت ومحدش اتصل وسال زي ماكانوا متعودين بعد كل صيانة ومكدبتش خبر روحت متصل عامل شكوى فورا وردوا علي في ساعتها وقالولي والدليل قالولوا بعد ماحضرتك ترجع من السفر اتفضل عندنا
عشان ايه عشان نظبطك تاني اقصد نظبط المشاكل عموما انا راجع بعد شهر وهاروح ان شاء الله وهاظبطهم انا بقى باسلوبي وبعدين دي هتكون اخر زيارة ليهم وربنا معايا بقى في اتو ايجيبت ويكونوا كويسيين

[Sehsss]

هههههههههههههههههه
والله ياسحس انا اتزاولت من العربية
اذا كانت فأول 55 الف كيلو وابتدي يقولي مرش وعلبة دريكسيون الاكادة يقولي عمرهم الافتراضي
ههههههههههههههه
حسسوني اني مشتري عربية صيييني
بس ماعلينا هستخير ربنا وهشوف

قالك العمر الافتراضي، دا على أساس إنك راكب توك توك... كده انت أكدتلي الشك يا miceg

[Sehsss]

والله انا زيك شاكك فيهم بس بحاول اكدب نفسي
واسمع بقى ياسيدي انا روحت صيانة 25000 من اسبوعين ورحت على مهندس الأستقبال اللي بارتحله ميعادي كان الساعة 11 وبس ياسيدي قولتله على الشكاوى الموجودة من استهلاك بنزين عالي وصوت موتور عالي بعد تغيير البوجيهات في صيانة20000 وحاجات تانية خفيفة بص شوف اللي حصل استلمت العربية بعد الساعة3.30 عصرا سيبك بقى من الحاجات الخفيفة كدا كدا انت بتتظبط بس بعد 3 ايام قولت ابص على الريدياتير واشوف الميه والزيت قبل ما اسافر الاقي مفاجاة ان مستوى الميه زي ماهو قبل الصيانة اقل من العلامة بالظبط زي ماكانت وزي مانا محدد وعلى فكرة العربية كانت سخنة ودايرة ووفصلتها قبل ماشوف وافتكرت ان النهاردة اليوم التالت ومحدش اتصل وسال زي ماكانوا متعودين بعد كل صيانة ومكدبتش خبر روحت متصل عامل شكوى فورا وردوا علي في ساعتها وقالولي والدليل قالولوا بعد ماحضرتك ترجع من السفر اتفضل عندنا
عشان ايه عشان نظبطك تاني اقصد نظبط المشاكل عموما انا راجع بعد شهر وهاروح ان شاء الله وهاظبطهم انا بقى باسلوبي وبعدين دي هتكون اخر زيارة ليهم وربنا معايا بقى في اتو ايجيبت ويكونوا كويسيين

دا كويس إنه مازودلكش المياه علشان بيزودوها من الحنفية يا مؤمن، ولازم تروحلهم فعلا علشان تتظبط، قصدي تظبطهم.. وكده خلاااااااااش أنا ما بقتش شاكك، أنا بقيت متأأأأأأأأأأكد

[dramir1]

هل اوتوابجبت ليه فرع في المعادي؟؟
وهل مودرن افضل ولا السبع؟؟؟

[miceg]

والله انا زيك شاكك فيهم بس بحاول اكدب نفسي
واسمع بقى ياسيدي انا روحت صيانة 25000 من اسبوعين ورحت على مهندس الأستقبال اللي بارتحله ميعادي كان الساعة 11 وبس ياسيدي قولتله على الشكاوى الموجودة من استهلاك بنزين عالي وصوت موتور عالي بعد تغيير البوجيهات في صيانة20000 وحاجات تانية خفيفة بص شوف اللي حصل استلمت العربية بعد الساعة3.30 عصرا سيبك بقى من الحاجات الخفيفة كدا كدا انت بتتظبط بس بعد 3 ايام قولت ابص على الريدياتير واشوف الميه والزيت قبل ما اسافر الاقي مفاجاة ان مستوى الميه زي ماهو قبل الصيانة اقل من العلامة بالظبط زي ماكانت وزي مانا محدد وعلى فكرة العربية كانت سخنة ودايرة ووفصلتها قبل ماشوف وافتكرت ان النهاردة اليوم التالت ومحدش اتصل وسال زي ماكانوا متعودين بعد كل صيانة ومكدبتش خبر روحت متصل عامل شكوى فورا وردوا علي في ساعتها وقالولي والدليل قالولوا بعد ماحضرتك ترجع من السفر اتفضل عندنا
عشان ايه عشان نظبطك تاني اقصد نظبط المشاكل عموما انا راجع بعد شهر وهاروح ان شاء الله وهاظبطهم انا بقى باسلوبي وبعدين دي هتكون اخر زيارة ليهم وربنا معايا بقى في اتو ايجيبت ويكونوا كويسيين

والله لولا ان اوتو إيجيبت بعيدة فأبو رواش انا كنت تابعت معاهم
المشلكة اني بانزل من مكرم عبيد وبطلع الدائري وانزل اوتوستراد وفنص ساعة ببقا هناك
لك مشكلتي الكبرى لو نزلت أبو رواش لان دايما بتبقا الدنيا زحمه سواء فالمراوح او المجي
انا اللي حرق دمي انهم شايفين الكلام ده فالصيانات اللي فاتت
وعملو نفسهم مش واخدين بالهم
حتى التيل الخلفي بيقولي ده منتهي
مع العلم لو صورته ونزلته هنا فالمنتدى مش هتحسو كلامهم نهائي
والفرامل عمري مشتكيت منها وكانت تماااام
لكن قولت عادي مجتش على تيل فرامل
لكن المسألة اوفر (( تحس احترافيه في البيع وخاصة بعد انتهاء الضمان ))
المرة القادمة بإذن الله اوتو إيجيبت في صيانة مهمه زي صيانة ال 60 الف كيلو
ده لو مكنتش بعت العربية هههههههههههه

[miceg]

قالك العمر الافتراضي، دا على أساس إنك راكب توك توك... كده انت أكدتلي الشك يا miceg

ههههههههههههههههههه
والله مكنتش حابب اني اتكلم عالملأ
وراجعت نفسي اكثر من مرة لكي لا أضر بسمعة المكان
لكن هذا ماحدث بالمللي وورقة الصيانة مكتوب فيها مطبوعة كبيوتر
(( محتاج تغير علبة الدريسكون والمارش المرة القادمة ))
المهندس محترم قاللي المارش ممكن تصينه وتركبله جلب وهيشتغل كويس زي ماقال أخونا sdelbassuny
لكن انا بصراحة من الناس اللي مبحبش اعمل حاجة بره التوكيل
لقيتهم بيصدموني بمصاريف تصل الى 8000 جنيه
طيب مابيع العربية واشتري زيرو وأريح واحصل على 3 سنين ضمان ؟؟؟؟؟؟

[Ahmed.TV]

اولا وقبل اى شيئ .. بحييك على سردك للتجربة بكل احترام .. مع انك واقع فى مشكلة

ثانيا .. لو قبل ما ينتهى الضمان بتاعك وكشفوا على العربية وقالولك ان العلبة كانت عايزة تتغير ومحدش غيرها عشان مش موجود .. كلمنى وانا حوصل المشكلة لمدير المركز .. واكيد لو ليك حق حتخده .. وهما عمرهم ما حيتاخروا عليك

ثالثا .. لو الموضوع ده حصل بعد انتهاء الضمان .. يبقا حرام تشترى علبة دريكسيون جديدة بالمبلغ ده

فقدامك حليين

ا- تنزل معروف فى وسط البلد ولو العلبة حالتها معقولة هما بيظبطوها هناك
2- او تنزل الحرفين وتشترى واحدة استيراد من هناك .. وعندك عبد الرحمن عزت محل موثوق فيه والعالمية
3- تسال على علبة الدريكسيون جديدة تايوانى بس للامانة مش حتكون زى الاستيراد او الاصلى .. بس انا قولتلك على الفكرة دى يمكن تناسب ظروفك لغاية ما تبيع العربية طالما فى دماغك التغيرر فى المستقبل لعربية تانية

اخيرا
بخصوص تفكيرك فى شراء عربية غير الصنى عشان المشكلة اللى عندك .. يبقا نصيحة متفكرش
واما عايز تغير عشان حاجة افضل من ناحية قوة الماتور والوسع والراحة يبقا التيدا على طول .. والتيد بتتحمل جداااا ومفيش فيها مشاكل او مشاكلها نادرة .. واختيار افضل من الصنى الجديدة .. بس مشكلة التيدا فى الثبات على سرعات اكتر من 140 بتكون ضعيفة .. وكمان على اخر السنة احتمال الشكل الحالى يتغير للتيدا الهاتش باك .. بس حيكون نفس الماتور

لان موتور التيدا موتور محترم بسرعة

ودى فى النهاية كانت وجهة نظرى

تحياتى ليك

[miceg]

هل اوتوابجبت ليه فرع في المعادي؟؟
وهل مودرن افضل ولا السبع؟؟؟

بص ياباشا اوتو إيجيبت فأبو رواش قبل كارته إسكندرية
وحكايه مين أفضل
فعن تجربة الاعضاء ومواقفهم
اوتو إيجيبت أفضل