الفانوس الخلفى والى كنت خايف منة حصل

[asyl84]

من ساعة ما جبت العربية وانا كنت خايف على الفانوس الخلفى للعربية هى صنى الشكل القديم وكنت دايما بشوفة فى العربيات متكسر المهم الحمد لله عندى العربية بتشد العربيات فى خبطها وهى واقفة فى الاشارات وكانت بتبقى خرابيش فى الاكصدام الخلفى بس امبارح وانا واقف اكتشفت ان الفانوس الخلفى اتشرخ شرخ كدة من اخر نقطة فية جنب الاكصدام والرفرف او نقدر نقول كسر بس متماسك مع نفسة مستنى الى يلمسة عشان يقع انا بفكر الزقة بامير او سوبر جلو واحطة فوق الكسر دة عشان يفضل متماسك فى الفانوس او لو فى فراغ هواء يسدة وما يبوظش الفانوس من جوة اية رائيكم؟ والا كدة بدل ما هكحلها هعميها

[Ahmed.TV]

جرب واعمل واخترع عادى .. بس المهم تلحمه كويس عشان ميدخلش مياه بداخله
ولو مظبتش معاك .. اشترى واحد من التوفيقية من شركة الاهرام ديبو .. ب200 جنيه تقريبا .. وحتلاقي عندهم وشوش فوانيس فقط واعتقد سعرها مش حيعدى 100 جنيه .. لان الكلام ده قريته هنا من الاعضاء
وممكن تروح تصب وش فانوس عند اى حد محترم بتاع تعديل فوانيس

قدامك كل الحلول وفى الاخر الراى يرجعلك

تحياتى

[asyl84]

جرب واعمل واخترع عادى .. بس المهم تلحمه كويس عشان ميدخلش مياه بداخله
ولو مظبتش معاك .. اشترى واحد من التوفيقية من شركة الاهرام ديبو .. ب200 جنيه تقريبا .. وحتلاقي عندهم وشوش فوانيس فقط واعتقد سعرها مش حيعدى 100 جنيه .. لان الكلام ده قريته هنا من الاعضاء
وممكن تروح تصب وش فانوس عند اى حد محترم بتاع تعديل فوانيس

قدامك كل الحلول وفى الاخر الراى يرجعلك

تحياتى

والله يا احمد بية العربية جميلة جداا بس الناس كرهتنى فيها بسبب الخبطات الكتير الى ماليش ذنب خالص فيها بس الحمد لله على كل حال انا هجرب بكرة الصبح ان شاء الله ولو منفعش هسيبها وهلزق لزق اسود عليها خليها تاخد عينها واخلص

[MohammedAladel]

ألزقها بأمير مفيش مشاكل بس متخليهوش يسيل يعن مكان الشرخ وبس عشان ميبوظش المنظر

انت عارف لو الحتة دى وقعت لزقها هيبقى أفضل لأنك وقتها هتحط الامير أماكن الكسر لكن دلوقت هتحط الأمير من برا فقط

أنا شفت ناس بيحطوا استيكر لزق على الفانوس ممكن تحط واحد أحسن لك

[MohammedAladel]

والله يا احمد بية العربية جميلة جداا بس الناس كرهتنى فيها بسبب الخبطات الكتير الى ماليش ذنب خالص فيها بس الحمد لله على كل حال انا هجرب بكرة الصبح ان شاء الله ولو منفعش هسيبها وهلزق لزق اسود عليها خليها تاخد عينها واخلص

للأسف مفيش عربية مبتتخبطش وعندنا بالذات الطرق سيئة والتكاتك والموتسيكلات والمطبات اللى بيعملوها الأهالى

الحل الوحيد ان الواحد يخلى العربية فى البيت ويغطيها كل يوم قبل ما ينام ويصحى الصبح يحوش الغطاء ويطلعها تتشمس فى الشمس شوية قدام بيته ويقف يحرسها وبعدين يدخلها تانى

وبعدين يركب مواصلات ويتخبط هوا بدالها ههههههههه

[asyl84]

ألزقها بأمير مفيش مشاكل بس متخليهوش يسيل يعن مكان الشرخ وبس عشان ميبوظش المنظر

انت عارف لو الحتة دى وقعت لزقها هيبقى أفضل لأنك وقتها هتحط الامير أماكن الكسر لكن دلوقت هتحط الأمير من برا فقط

أنا شفت ناس بيحطوا استيكر لزق على الفانوس ممكن تحط واحد أحسن لك

لو فى لزق شفاف ياريت احط على الفوانيس كلها لكن انا بخاف من منتجاتنا تحط حاجة عشان تحميها تبوظها

[QUOTE=MohammedAladel;3874856506]للأسف مفيش عربية مبتتخبطش وعندنا بالذات الطرق سيئة والتكاتك والموتسيكلات والمطبات اللى بيعملوها الأهالى

الحل الوحيد ان الواحد يخلى العربية فى البيت ويغطيها كل يوم قبل ما ينام ويصحى الصبح يحوش الغطاء ويطلعها تتشمس فى الشمس شوية قدام بيته ويقف يحرسها وبعدين يدخلها تانى

وبعدين يركب مواصلات ويتخبط هوا بدالها ههههههههه[/QUO
والله انا بقيت اعمل كدة العربية بتاعتى بقت اخر عربية فى الجراج من جوة ومغطينها بحاول اطلع بيها اشممها الهوا شوية وادخلها تانى اهى زى بنت اختى الصغيرة بردو وانا بروح شغلى بالميكروباص بعمل زى محمد هنيدى بلبس البدلة واقف الصبح على المحطة اقولة ميكروباص واحد الشغل لو سمحت عشان عربيتى فى التوكيل ..دى بلد لازم تجيبلها توك توك واغنية الدنيا زى المرجيحة وصندل عيل مقاس 3 تعلقة من وارى وطريق السلامة يا ابو ميادة وتمشى فى دى بلد وانا مطمن لا حد هيخبطك والا هيثبتك وممكن تروح بـ 15 جنية تسترزق بيهم من عند الله والناس فى سكتك واهو خير بردو

[mohamed halim]

سلاموا عليكم
في لزق اقوي من الامير اسمه اي بوند ايبوكس بيتاع عند كارفور في منه مصري وفيه مستورد
انا باستخدم المصري تقريبا ب 15 جينه هو مخصص للحاجات ديه بتاعت الفانويس و فيبر العربيات وهو كمان عازل للمياة

[Nashaat Rady]

إلحمه مؤقتاً، بالعلم ان مهما كانت جودة اللحام، حايصفر بعد شوية برده، و تابعه برده كل فترة عشان اللحام بيضعف مع الوقت و يدخل مياه..

لو في ميزانية اعمل زي ما الأستاذ Ahmed.TV قالك..

[MohammedAladel]

بص يا باشا لو ملقتش لزق شفاف

بلاش الأمير ههههه .... استخدم سيليكون السيليكون مش بيلحم طبعا بس هيبقى عازل تمام جدا وهيمسكه نوعا ما وتقدر تشيله تان بسهولة

لحد ما تشوف لك منتج كويس لأن الأمير بعد ما ينشف بيسيب أثر مكانه لو هتلحمه من برا بس هيبقى بسيط برضه بس أحنا عايزين الحل الأمثل يعنى زى ما قلتلك لو حتة بلاستيك مكسورة خالص هتحط الأمير على الحواف بتاعتها ووتلزقها مكانها ولا هيبان ليه أى أثر

إنما لما تمشى أنبوبة ال أمير على زجاج الفانوس من برا مش هتلحم كويس وفى نفس الوقت الأمير هيسيب اثره بعد ما ينشف فى التو والحال ومينفعش تحوشه

وفى كل الحالتين أى خبطة هتكسرها تانى لأن الأمير دا لحام أى كلام أصلا

[Amr2004IBM]

انا بقالى ثﻻث سنوات ﻻزق الفانوس ب امير و فوقيه سوليتب و ماشى به زى الفل و الفانوسبن مازالو بلمعتهم و بجدد السوليتب كل غسله لو ضعف
موضوع انك تجيب وش من الاهرام فاشل موت لان جودته و لونه سيئه جدا الافضل انك اما تشترى فانوس ديبو او تصب وش عند واحد كويس
و في صديق لينا اسمه حسام كان عامل موضوع الصب و طلع جميل جدا

[asyl84]

شكرا يارجالة على الردود الجامدة دى حاليا هلزق بامير خفيف خفيف كدة لحد ما اشوف الاستيكر الشفاف ولو حسيت ان اللون هيتغير او اى حاجة ما باليد حيلة هبقى اجيب فانوس ديبو وخلاص ...شكرا يا رجالة نيسان

[Sehsss]

الزقة بإيبوكس، وروح لحد بتاع فاميه خليه يفيملك الفانوسين درجة أسود خفيفة، وانسى

[MohammedAladel]

الزقة بإيبوكس، وروح لحد بتاع فاميه خليه يفيملك الفانوسين درجة أسود خفيفة، وانسى

ما هو الإيبوكس وما فائدته وأين يباع ؟؟

[Sehsss]

ما هو الإيبوكس وما فائدته وأين يباع ؟؟

الإيبوكس هو لزق قوي جدا وسعر 15 جنيها وموجود بكارفور أو أي محل اكسسوارات نضيف

[asyl84]

انا عملت افتكاسة معقولة هى النتيجة النهائية فى الشكل مش عارف احددها لان العربية جوة خالص فى الجراج والاضاءة مش حلوة الى عملتة انى جبت سوبر جلو وهو شبية بالامير ولزقت على خفيف كدة وبعدين جبت اوهو وحطيتة فوقة قبل ما ينشف لان الاوهو مش للزق لكن عشان يسد اى فراغ موجود حتى لو صغير يبقى انا استخدمت سوبر جلو للزق ولزقت فوقة اوهو عشان يسد الفراغات اعتقد ان الوضع افضل كدة ومبقتش حاسس بوجود شرخ لما بلمس بايدى بس فى شوية نغبشة كدة حولية ولما اطلع العربية من الجراج فى النور هحاول انى بايدى كدة انضف كويس حولية وربنا يكرم