استهلاك البنزين غريب جدا في التيدا

[Haitham Yehia]

السلام عليكم

انا لسه جايب نيسان تيدا 2013 والحمد لله العربية ممتازة بكل المقاييس وانا سعيد جدا باختياري ده. امبارح فولت التانك بنزين 92 من بنزينة موبيل وسافرت على اسكندرية من القاهرة. عملت بالضبط بعد التفويل ٢٦٥ كيلو من باب بيتي في القاهرة لباب بيتي في اسكندرية. المهم بابص على عداد البنزين

..

..

لاقيته ماجابش حتى التلتين يعني ع الشرطة اللي قبل النص كمان!!!!!!


استغربت جدا.. مشيت شوية كمان في اسكندرية ولفيت وعملت ييجي ٥٠ كيلو كان مشاوير نزل شرطة كمان.. بالشكل ده. انا ممكن ارجع القاهرة النهاردة والعداد مايوصلش للتلت كمان..

يا تري دي حاجة غريبة؟ ولا التيدا فعلا استهلاكها للبنزين كده؟ اصل لو ده استهلاك البنزين تبقى دي اكتر عربية اقتصادية شفتها في حياتي:

ملحوظة: انا ما اتبعتش تعليمات التليين طبقا لنصيحة مهندس الصيانة في اوتو ايجيبت. يعني باقرص عليها عادي ساعات ووصلت ل ١٤٠ ع الصحراوي كذا مرة. وبعدي ال ار بي ام ٣ ... انا بس في العموم رجلي هادية ع الاكسيلاتير ومش بعدي ٢ ونص ار بي ام في اغلب الأوقات

تحياتي

[speed_magnum]

السيارات الياباني من افضل السيارات استهلاكا للبنزين

[omar-saad]

السلام عليكم

انا لسه جايب نيسان تيدا 2013 والحمد لله العربية ممتازة بكل المقاييس وانا سعيد جدا باختياري ده. امبارح فولت التانك بنزين 92 من بنزينة موبيل وسافرت على اسكندرية من القاهرة. عملت بالضبط بعد التفويل ٢٦٥ كيلو من باب بيتي في القاهرة لباب بيتي في اسكندرية. المهم بابص على عداد البنزين

..

..

لاقيته ماجابش حتى التلتين يعني ع الشرطة اللي قبل النص كمان!!!!!!


استغربت جدا.. مشيت شوية كمان في اسكندرية ولفيت وعملت ييجي ٥٠ كيلو كان مشاوير نزل شرطة كمان.. بالشكل ده. انا ممكن ارجع القاهرة النهاردة والعداد مايوصلش للتلت كمان..

يا تري دي حاجة غريبة؟ ولا التيدا فعلا استهلاكها للبنزين كده؟ اصل لو ده استهلاك البنزين تبقى دي اكتر عربية اقتصادية شفتها في حياتي:

ملحوظة: انا ما اتبعتش تعليمات التليين طبقا لنصيحة مهندس الصيانة في اوتو ايجيبت. يعني باقرص عليها عادي ساعات ووصلت ل ١٤٠ ع الصحراوي كذا مرة. وبعدي ال ار بي ام ٣ ... انا بس في العموم رجلي هادية ع الاكسيلاتير ومش بعدي ٢ ونص ار بي ام في اغلب الأوقات

تحياتي

ههههههههههههههههههه
انتا عملت زى وحد صاحبى بالظبط
كان لسة جايب التيدا واتصل بيا وقاللى نفس الكلام
وكان خايف ان مؤشر البنزين يكون بايظ
وهو اصلا كان معاه صنى قبليها
فشتان الفرق مابين الاتنين فى الاستهلاك
وقلتله فعلا ان استهلاكها كدة ماتستغربش
ربناا يباركلك فيها ويكفيك شرهاا

[lonedoctor]

التيدا يابانى نيسان بجد لكن الصنى دى حاجة تاريخية كدة تطوير الهند لم يتبقى فيها من اليابان سوى الاسم
ربنا يبارك لك فيها ويسعد ايامك

[kliken]

هى فعلا ما شاء الله استهلاكها ممتاز
بفول التنك قبل ما بطلع من السويس و بسافر اى مكان و بعمل مشاويرى و مش بحتاج احط بنزين خالص الا لما برجع بفضل الله غالبيه مشاويرى فى القاهره و الزقازيق و بعدى ال 500 كيلو و التنك بيكون لسه فاضل فيه حبه حلوين

[Dr'AhmZZong]

مادام حضرتك ملتزم بـ اساليب القيادة الصح و مابتقرص على السيارة توقع استهلاك ممتاز للعربية لأي عربية مش التيدا بالذات ..

ديما خليك تحت ال 3000 rpm إن شاء الله الاستهلاك هيكون ممتاز ..

التيدا عربية جميلة ما شاء الله ربنا يبركلك فيها ..

[Omar_4ever]

وده الطبيعي من التيدا
ربنا يباركلك فيها
انا بعمل بالتنك 550 كيلو

[lonedoctor]

ياباشا فى البى واى دى بنعمل اكتر من 500 كيلو ب ثلثين التانك بس

[Nashaat Rady]

انا زوجتي قالتلي نفس الكلام، بتقلي البنزين ما بيخلصش، و طبعا هي ملاحظة الفرق عشان كان معاهه قاهرة البنزين "لانوس"

اكتر عربية شفتها بتستهلك بنزين في حياتي، حتي و هي زيرو.

[Dr'AhmZZong]

يعني العربية تاكل بنزين مش عاجب متكلش بنزين برده مش عاجب هههههههههههههههه

ده حاجة غريبة قوي !!!!!!!!!!!!!!!!

و غلوتكلم عندي بعد الموضوع ده العربية هتاكل بنزين بدييييييييينها ههههههههههههه ههههههههههههههههه

[zangry]

لما العربية تتفول المؤشر مبينزلش .. انا سافرت من القاهرة للمحلة ١٠٠ كيلو ونزلت مشوارين جوا البلد بس صغيرين .. طبعا شكيت أن المؤشر يكون علق بس بعد كده نزل عادي

[Haitham Yehia]

يعني العربية تاكل بنزين مش عاجب متكلش بنزين برده مش عاجب هههههههههههههههه

ده حاجة غريبة قوي !!!!!!!!!!!!!!!!

و غلوتكلم عندي بعد الموضوع ده العربية هتاكل بنزين بدييييييييينها ههههههههههههه ههههههههههههههههه

هاهاهاهاها ليه بس كده يا عم. ماتخليها قنوعة احسن وعاملة دايت :))) خمسة وخميسة ياعم ده انا لسه حتى ممونها بخمسة لتر بنزين خمسسسسسسة وتسعين