اتقلبت بالصنى والعربيه انتهت تقريبا

[eshta]

السلام عليكم يا شباب
من كام يوم عملت حادثه جامده بالصنى والعربيه اتبهدلت جدا بس الحمد الله على كل شىء
كنت عايز اعرف اسعار الحاجت دى فى التوكيل وبرا التوكيل لو سمحتم
العربية اكس صالون شكل قديم 2013
الحاجات ال عايز اعرف سعرها :
اولا : النص الورانى كله (فوانيس و باب يمين وشنطه و اكصدام و رفرف وزجاج خلفى )
ثانيا : السقف بقوايمه
ثالثا: كبوت
رابعا:قطعيه قدام ( معرفش يعنى يه )
بس النص الامامى محتاج : (اكصدام و فوانيس وزجاج امامى وباب شمال ورادياتير و سربنتينه و 2 مساعد امامى و عمة هواء و قنطرة مكنه و كراسى مكنه)
خامسا : طارة بايرباح و طقم كاوتش .

ياريت اعرف سعار الحاجات دى لو سمحتم

[dr.hazem]

لا حول ولا قوة الا بالله...
حمد لله على سلامتك وان شاء الله آخر الاحزان وربنا يعوض عليك....
اعتقد من وجهة نظري المتواضعه متصلحهاش وبيعها على وضعها احسنلك...
العربية هتصرف كتير جدا ومش هترجع زي ما كانت...
تحياتي

Sent from my SE Arc S using Forum Runner

[م.محمد علاء]

يا باشا حمدالله على السلامه الأول.
ثانيه إنت عندك الباب الوراني الشمال و القدماني يمين هما اللي سلام بس في العربيه.
إنت لو هتلحم كل اللي إنت قولته ده.منظر العربيه أولا و ثانيا عمرها مهتكون زي الأول.
خاصة إن إنت بتقول انهاا 2013 كمان.

[miceg]

لا حول ولا قوة الا بالله...
حمد لله على سلامتك وان شاء الله آخر الاحزان وربنا يعوض عليك....
اعتقد من وجهة نظري المتواضعه متصلحهاش وبيعها على وضعها احسنلك...
العربية هتصرف كتير جدا ومش هترجع زي ما كانت...
تحياتي

sent from my se arc s using forum runner

+1111111111
انا رأيي من رأي الدكتور حاااااازم
ربنا يعوض عليك
وقل اللهم أجرني في مصيبتي وأخلفني خيرا منهاااااا
ربنا يجعلها ليك أهل للصبر
وبشر الصابرين
ولو قدرت برضه تصورها وترفقها هنا الناس هتيدك أكثر

[Khaled Lanos]

ألف حمد لله على سلامتك وربنا يعوض عليك..حضرتك مأمن على العربية ولا لأ؟
وياريت لو تحط صور للعربية عشان نقدر نفيدك أكتر.
بس لو عايز رأيي شكلها مش نافعة كدا وهتتكلف كتير جدا عشان تتصلح ولما تبيعها هتجيب ملاليم دا غير وجع الدماغ والدوخة على قطع الغيار لو هتعملها برا..فأنا رأيي لو مش مأمن عليها توكل على الله وبيعها زي ماهي وادعي ان ربنا يعوض عليك..وكفاية بس انك خرجت منها سليم دي تسوى الدنيا كلها.
والف سلامة مرة تانية.

[shaaban2008]

حمدا لله علي سلامتك
ربنا يخلف عليك ويعوضك بالخير

[MaNoLa]

لا حول ولا قوة إلا بالله
هيا كدة توتال لوس ولا أية بالظبط ؟
والله أنا شايفة أنك يا أما تبيعها بالوضع دة و هتتصدم فى السعر
يا أما تجيب كروسليه كامل و دى بتبقى عربيه كامله بس متقطعة و كاملة و مالهاش ملف هيبقى سعرة رخيص جدا و تاخد منه كل الى انت محتاجة بس مش هتبقى زى الأول فى الجرى طبعا دا إذا لقيت كمان كروسليه موديل 2013

[abdohero]

لا حول ولا قوة إلا بالله
هيا كدة توتال لوس ولا أية بالظبط ؟
والله أنا شايفة أنك يا أما تبيعها بالوضع دة و هتتصدم فى السعر
يا أما تجيب كروسليه كامل و دى بتبقى عربيه كامله بس متقطعة و كاملة و مالهاش ملف هيبقى سعرة رخيص جدا و تاخد منه كل الى انت محتاجة بس مش هتبقى زى الأول فى الجرى طبعا دا إذا لقيت كمان كروسليه موديل 2013

+111111111111111

[amro0000]

لاحول الله يارب لا حول الله الحمد لله بجد انك طلعت منها سليم الحمد لله

[EMO_ELNEMS]

لاحول ولاقوة إلا بالله العلي العظيم
لو مأمن اتكل على الله وبلغ هي كدا توتال لوس
بس لو مش مأمن بيعها زي ماهي وكفاية انك مش هتأخد وقت في تدوير وتصليح وبهدلة وفي الأخر هتبيعها والفرق بسيط
اهم حاجة سلامتك فوق كل شيء

[Tamer_Merit]

الحمد لله على سلامتك ، ومش مهم العربيه .
بيعها زي ما هيا و اوعى تفكر تصلحها

[aiman0173]

الحمد لله على سلامتك
أسأل الله العظيم أن يأجرك في مصيبتك ويخلفك خير منها ، وأن يعوض عليك عوض الصابرين ان شاء الله ، ويجعلها في ميزان حسناتك
أعتقد إن نصيحة الإخوان بالبيع على حالتها غالبا هيكون الحل الأمثل
ربنا يوفقك لإتخاذ القرار الصحيح بعد الإستخارة

[zangry]

الف حمدلله على سلامتك فداك مليون عربية

احسن حاجة تبيعها على حالتها لأنها عمرها ماهترجع زي ماكانت

اية سبب الحادث؟

[محمد بدر]

قدر الله وما شاء فعل
أقسم لك بالله
ان الفلوس والحديد والكلام ده كله سهل جدا جدا تعويضه أهم شئ الرضا والشكر والأستغفار
ولاكن ظفر الإنسان فينا غالى جدا ولايعوض بمال الدنيا
حمدالله على سلامتك وربنا يعوضك خير إن شاء الله

[Land_Cruiser]

قدر الله و ما شاء فعل . ربنا يعوضك عنها خير ان شاء الله . دى فعلا تعتبر total loss باللى حضرتك ذكرته ده و الافضل تبيعها حوادث و لو مأمن عليها التامين هيعتبروها total loss لان التكلفه هتفرب من سعر الجديده