وبعدين ؟؟ .. هنتعامل ازاي مع التيل والطنابير على المدى لطويل ؟

[me.designer]

السلام عليكم ...
طبعا كلنا عارفين مشكلة التيل والطنابير في صني 2013 ..
امبارح رحت اوتوايجيبت غيرتهم لاول مرة على حساب الضمان رغم اني عامل 6000 كيلو بس .. المهم قابلت حد هناك بيغيرهم للمرة التالته وهوا عامل 22000 كيلو .. يعني المشكلة مبتتحلش .. ايه العمل ؟ .. والمشكلة جاية منين ؟؟ وايه الخطوات اللي لازم يتخذها ملاك السيارة عشان المشكلة تتحل؟؟

[HaNo_ELBeh]

السلام عليكم ...
طبعا كلنا عارفين مشكلة التيل والطنابير في صني 2013 ..
امبارح رحت اوتوايجيبت غيرتهم لاول مرة على حساب الضمان رغم اني عامل 6000 كيلو بس .. المهم قابلت حد هناك بيغيرهم للمرة التالته وهوا عامل 22000 كيلو .. يعني المشكلة مبتتحلش .. ايه العمل ؟ .. والمشكلة جاية منين ؟؟ وايه الخطوات اللي لازم يتخذها ملاك السيارة عشان المشكلة تتحل؟؟

تحياتى لحضرتك
انا راى ان لازم شركه نيسان تنتبه للنقاط والعيوب الموجوده فى العربيه وخصوصا ان فى ناس كتير جدا حجزه العربيه ومن الطبيعى ان كل واحد فينا بيسأل على العربيه وعن عيوبها ومميزاتها قبل عمليه الشراء فلو الناس ابتدت تلاحظ العيوب الموجوده فى العربية اعتقد ان معظم الناس هترجع عن فكره الحجز وتشوف اى عربيه تانى علشان كده لازم نيسان تشوف العيوب وتحاول تتلاش العيوب ديه فى الانتاج الجديد والعمل على ارضاء العملاء القديمه ايضا
خصوصا ان العربيج كويسه ومقبوله فى امكانيتها و الفئه السعريه
واعتقد ان الواحد لما يتعلم من غلطته مش هيكررها تانى
أما الحل البديل وهو ارسال ايميلات لشركه نيسان فى اليابان عن العيوب الموجوده فى العربية


بس انا اعتقد ان نيسان مش هتسيب المشاكل ديه كده بدون حل وخصوصا ان العربية عليها ضغط جامد

[me.designer]

اتمنى يفوقوا

[hossam_elwani]

اكييييد المشكله تكمن فى رداءة الخامات المصنع منها الطنابير والتيل مفيش كلام

[canner]

طيب انت اخدتهم منهم و لا سيبتهالهم؟ علشان انا لو منك اخد القديم و اروح اسأل عليه بره و اشوفه ده الخامة الكويسة او الوحشة علشان لو لو هو الخامة الكويسة يبقى العيب من حاجة تانية

[Sehsss]

للأسف.. من الواضح إن نوع التيل والطنابير سىء

[youssef_u]

انا ممكن اجيب تيل و طنابير من السعودية لو النوع اللي هناك مختلف عن المصري ! يا ريت حد يجيبلي نوع اللي هنا عشان اشوف نفس اللي هناك ولا مختلف

[zambarota]

التيل هندي خامته رديئه جدا

والوكلاء عارفين المعلومه دي كويس وكمان نيسان نفسها عارفه

انما الطنابير مفيهاش مشكله

[thebeloverguy0000]

ممكن نعمل شكوى جماعيه , و انا معايا الشكل الجديد و عامل بيها 1800 بس خايف استنى

[2CODE]

يا جماعة الموضوع ميتسكتش عليه فعلاً واحد صاحبي لسه مشتريها من فتره قريبة جداً وبيقول ليا النهاردة الصبح انه مغير تيل فرامل النهاردة وزعلان جداً جداً قال العربية صناعتها رديئة جداً

فعلاً ده عيب اللي بيحصل ده كده بيوقفوا سوق العربية وصاحبي قرفان منها وعايز يبيعها قال لي اخاف امشي بيها وهي كده ده عيوب فرامل يعني امان العربية فيه عيوب ازاي هثق ان العربية فيها abs و ebd ما يمكن يكونوا بيضحكوا علينا برضه او النظام مش شغال

حاولت اقنعه بالعكس ولكن مصمم على رأيه وخايف يمشي بالعربية وعايز يبيعها

مابالكم باللي هيشتري جديد - دا لو الشركة عارفه كده وساكته يبقى بصراحة عايزين حرقهم علشان انت كده بتسرق الناس وبتضحك عليهم

متابع معاكم يا جماعة ومع صاحبي - كيا كلها معاكم ههههههههههههه

[M.Nabeeh]

المشكله مش مشكله ان بيتغير كل 10000 كيلو إنما التيل صناعته هندي وتمنه 500 مش عارف لييه

[د.محمدعبدالعال]

لازم نتحرك تحرك جماعي يا شباب .. والموقع أهوه بيعمل نيسان تيم .. وإن شاء الله يتكلم مع أوتو ايجيبت بلساننا وينسقوا معاهم إنهم لازم يجيبوا تيل ياباني .. بس مش عاوز حد يقلق العربية فيها abs & ebd أنا جربت ال abs كذا مرة في كذا فرملة على الرمل كمان ومزحفتش رغم اني كنت ماشي بسرعة ومسكت فرامل جامد .. المهم نحاول نضغط عشان يجيبوا تيل نوعية نضيفة وإلا بقى هنغير تيل كل 10000 وطنابير كل 20000 كم ..
بس انا عندي سؤال محيرني هو التيل بتاع الصني القديمة ميركبش عندنا وهل برضه بيشتكوا من سوء جودة التيل ؟؟

وسؤال تاني يا شباب .. حد يعرف صاجة التيل الخلفي كان فيها عيب لحد امتى ؟ يعني لغاية رقم شاسيه كام ؟

[thebeloverguy0000]

شكوى جماعيه

[kfarouk]

يا جماعة انا رأيي ان اي حد غير الطنابير و التيل او حتى التيل بس كلنا نجمع تقارير المهندسين او فواتيير التغيير و نتقابل كلنا و نطلع مع بعض على حماية المستهلك لان للاسف ما بنلاقيش استجابات من التوكيل بالساهل وكمان ممكن نعمل ملف كبير بي دي اف و نبعت ايميل لنيسان و هما يشوفولنا حل

[me.designer]

انا تقاريري جاهزة بس خلونا الاول .. كل واحد فينا يتصل بشكاوى نيسان ويقولهم اننا مجموعة كبيرة من ملاك نيسان الشكل الجديد وكلنا بنشتكي من الموضوع ده ويأكدله انه هيلاقي ناس تانيين بيتصلوا بيهم لنفس السبب ويقول نفس الكلام عن اننا مجموعه مع بعض ونهددهم باننا هنتجمع ونروح حماية المستهلك لو مجاش رد .. وكل واحد يتصل يرجع يكتب هنا عمل ايه .... اتفقنا يا شباب ولا ايه ؟؟