عندى مشكلة فى الصانى اللى لسة شاريها مستعملة

[fouad el sheik]

لسه شارى عربية نيسان صانى 2006 مستعملة و اكتشفت ان امبير الحرارة فيها بيعلى و بيرتفع فوق النص ثم يرجع ينزل تانى و مش عارف السبب ايه مع العلم ان المياه مش بتنقص و لونها طبيعى و مافيش زيت مسرب ولا حاجة و قمت بتنطيف الريداتير و برده مافيش فايدة و الترموستات ما فيهوش مشكلة و بعد عدة زيارات للمكانيكى و اخيرا التوكيل قالولى يمكن يكون السبب جوان وش سلندر مع العلم انى سافرت بالعربية من الاسكندرية للقاهرة و العربية كويسة جدا بس المشكلة فى الامبير اللى بيرتفع و ينزل لوحده ده يا ريت حد يفيدنى و يقول رايه

[moumen_hs]

التوكيل بيقول يمكن طيب أحنا هنقول أية
على العموم أنا كان عندى زمان العيب دة فى عربيية لانوس ودخت بيها وخلاص مفيش حل إير جوان وش السلندر وبعدين بالصدفى واحد قلى على ممكن العيب من غطا قربة المية بينفس وهة الى عامل كدة لانها بتشتغل مع ضغط الهوا وبالفعل غيرتة وجبت واحد تانى وأشتغلت زى الفل 3 سنين لحد لما بعتها

[Amr2004IBM]

خﻻص غير الغطا الردياتير وجرب
لو العيب لسه قائم اكشف على حساس الحراره فى التوكيل و غير التوكيل الاوﻻنى

[mem]

متابع

[Sehsss]

خﻻص غير الغطا الردياتير وجرب
لو العيب لسه قائم اكشف على حساس الحراره فى التوكيل و غير التوكيل الاوﻻنى

[amrelsaqqa]

خﻻص غير الغطا الردياتير وجرب
لو العيب لسه قائم اكشف على حساس الحراره فى التوكيل و غير التوكيل الاوﻻنى

+11111111111

[EL DEEB]

بص يا سيدي ممكن تكون المشكله في:
1- غطاء القربه او غطاء الريداتير زي اخواتي قالوا
2- طلمبه المياه الريش بتاعها متاكله ومش بتقلب المياه في المحرك بالسرعه المطلوبه وعلشان كده بتسخن منك
3- في بوابه كده عند مخرج المياه من الموتور رايحه للريداتير البوابه دي فايدتها انها بتكون قافله الصبح بتخلي المياه واقفه في الموتور مش تروح للريداتير علشان الموتور يسخن بسرعه ولما تسخن تفتح وتبقى طبيعيه ممكن البوابه دي تكون معلقه روح للميكانيكي وخليه يفكها خالص البوابه دي ومش مش كله تاخد وقت الصبح على ماتسخن مش مشكله
4- ممكن يكون في صداء في الموتور نفسه لو في والميكانيكي قالك كده حط حاجه اسمها مياه حاميه بتجيبها من البنزينه دي عباره عن مياه نار مخففه اوي بتحطها على المياه في الريداتير وتشغل العربيه نص ساعه وتبطلها وسيبها تبرد نص ساعه بردو او ساعه وارمي المياه دي واشطف دوره التبريد بمياه نظيفه اكتر من مره 5 او 6 مرات وبعدها حط مياه خضراء نظيفه ماركه من بنزينه مش من اي حته

ارجو ان اكون قد افدتك

[FBIAhmed]

فيه حضرتك ترموستات راكب في كوعة المياه الي جنب الموتور غيره في التوكيل بدون نقاش هو ده الي بيعمل كده و يتم تغيير المياه الخاصه بالتبريد كلها بمياه ضد الصدأ نوع محترم معروف مثل موبيل