زيرو .. هل لازم اغير الزيت بعد 1000 كيلو

[wardet]

ازيكم يا رجالة
هل لازم لما اكون شاري عربية جديدة اغير الزيت بعد 1000 كيلو
لان فيه ناس بتقول بيبقى زيت تليين وبيلم الرايش بتاع التطبيع
وناس تقولك الموتور بيبقى متليين فى المصنع والزيت ممكن تمشي عليه لغاية 5000 عادى
عاوز اعرف ايه الصح؟؟

[م.محمد علاء]

الصح إنك تغيره.لسببين:-
1-لأن الموتور الجديد بيطبع لفتره قد تصل ل 2000 كم أو 3000 كم.
والموتو لو إفترضنا إنه متلين في المصنع بيكون مجرد موتور..
أما الموتور لما يكون في عربيه و راكب عليه الفتيس و العربيه بتمشي وبيكون عليها load حقيقيى من مقاومة هواء و إحتكاك و فرامل وخلافه..ده بيكون مرحله أخرى من التليين الواقعي.
2- حوالي 80% من العربيات الجديده الزيت اللي موجود فيها بيكون زيت تخزين..للحفاظ على أجزاء المحرك الداخليه.
لأن العربيه معرضه إنها تتركن مده أكتر من ست شهور.
وزي محنا عارفين إن الزيوت المستخدمه في المحركات بتتغير كل 5000 كم أو تلت شهور
أو _________________________________10000 كم او ست شهور.
فبالتالي زيت التخزين عمره أطول..وإن ضعفت قدرته و كفاءته في دوره الرئيسي كزيت.
للأسباب دي..
بينصح بشده تغيير زيت العربيه الزيرو أول 1000 كم..مهما إتقال إن العربية متلينه أو أي حاجه تانيه..

[monamize4]

الصح إنك تغيره.لسببين:-
1-لأن الموتور الجديد بيطبع لفتره قد تصل ل 2000 كم أو 3000 كم.
والموتو لو إفترضنا إنه متلين في المصنع بيكون مجرد موتور..
أما الموتور لما يكون في عربيه و راكب عليه الفتيس و العربيه بتمشي وبيكون عليها load حقيقيى من مقاومة هواء و إحتكاك و فرامل وخلافه..ده بيكون مرحله أخرى من التليين الواقعي.
2- حوالي 80% من العربيات الجديده الزيت اللي موجود فيها بيكون زيت تخزين..للحفاظ على أجزاء المحرك الداخليه.
لأن العربيه معرضه إنها تتركن مده أكتر من ست شهور.
وزي محنا عارفين إن الزيوت المستخدمه في المحركات بتتغير كل 5000 كم أو تلت شهور
أو _________________________________10000 كم او ست شهور.
فبالتالي زيت التخزين عمره أطول..وإن ضعفت قدرته و كفاءته في دوره الرئيسي كزيت.
للأسباب دي..
بينصح بشده تغيير زيت العربيه الزيرو أول 1000 كم..مهما إتقال إن العربية متلينه أو أي حاجه تانيه..

شكرا ع الشرح الوافى دا

[HaNo_ELBeh]

الصح إنك تغيره.لسببين:-
1-لأن الموتور الجديد بيطبع لفتره قد تصل ل 2000 كم أو 3000 كم.
والموتو لو إفترضنا إنه متلين في المصنع بيكون مجرد موتور..
أما الموتور لما يكون في عربيه و راكب عليه الفتيس و العربيه بتمشي وبيكون عليها load حقيقيى من مقاومة هواء و إحتكاك و فرامل وخلافه..ده بيكون مرحله أخرى من التليين الواقعي.
2- حوالي 80% من العربيات الجديده الزيت اللي موجود فيها بيكون زيت تخزين..للحفاظ على أجزاء المحرك الداخليه.
لأن العربيه معرضه إنها تتركن مده أكتر من ست شهور.
وزي محنا عارفين إن الزيوت المستخدمه في المحركات بتتغير كل 5000 كم أو تلت شهور
أو _________________________________10000 كم او ست شهور.
فبالتالي زيت التخزين عمره أطول..وإن ضعفت قدرته و كفاءته في دوره الرئيسي كزيت.
للأسباب دي..
بينصح بشده تغيير زيت العربيه الزيرو أول 1000 كم..مهما إتقال إن العربية متلينه أو أي حاجه تانيه..

الله ينور عليك يا استاذ محمد
واعتقد ان زى ماحضرتك قولت ان 80% من العربيات الجديده الزيت اللى فيها بيبقى زيت مخصص فى حاله تخزين العربيه لاكتر من 6 شهور
وبعدين كده او كده اوتوايجيبت عمله الصيانه والزيت والفلتر مجانى انتا مش خسران حاجه روح اوتوايجيبت

[ahmed1981]

راجع الكتالوج

-
-
-

[أحمد كمال]

و اسوا الظرروف ايه

هتخسر زيت ب 250 و لا 300 و فلتر ب 50 لو التغيير عالفاضي


بس لو التغيير مش عالفاضي ....... و ما غيرتش ........ هتخسر اداء محرك و سيارة جديدة بعشرات الالاف

[Sehsss]

لازم تغيره طبعا

[Karim_Monir]

طبعا لازم يتغير عشان بياخد مكونات تطبيع الموتور الجديد
ملحوظة
ماينفعش تحط غير زيت تخليقي او تحط زيت معدني عشان هاتجيب اجل الموتور
ثانيا صلاحية زيوت التخليقية سنة من تاريخ فتح العبوة حتي لو ما مشيتش كيلوميتر واحد

[wardet]

شكرا يا جماعة على النصيحة الغالية

[Eng_Designer]

شباب حاليا العربية لسه زيرو وعملت حوالي 1300 كيلو وقدامى حوالي 100 او 150 ع ما اوصل للتوكيلهل ازود زيت من اى عربية تانية فيرنا تاكسي مثلا بتاع صديق ليا شوية ؟ عشان مبقاش قلقان
ولا اتوكل ع الله واسافر ؟
مقياس الزيت كان بين العلامتين f/l
وتقريبا كدا المفروض انه مظبوط لو ع علامة l يبقى قليل ولو اقل يبقى خراب :)
ولو ع f يبقى تمام اكتر من f اعتقد انه زيادة ولازم ينقص
مظبوط كدا :)

[د.محمدعبدالعال]

شباب حاليا العربية لسه زيرو وعملت حوالي 1300 كيلو وقدامى حوالي 100 او 150 ع ما اوصل للتوكيلهل ازود زيت من اى عربية تانية فيرنا تاكسي مثلا بتاع صديق ليا شوية ؟ عشان مبقاش قلقان
ولا اتوكل ع الله واسافر ؟
مقياس الزيت كان بين العلامتين f/l
وتقريبا كدا المفروض انه مظبوط لو ع علامة l يبقى قليل ولو اقل يبقى خراب :)
ولو ع f يبقى تمام اكتر من f اعتقد انه زيادة ولازم ينقص
مظبوط كدا :)

لا يا باشا اتكل على الله وروح التوكيل على طول ومتزودش زيت من أي نوع .. وان شاء الله هتحس بفرق كبير بعد تغيير الزيت .. هتلاقي صوت العربية بقى اهدى وسحبها بقى افضل

[Amr_Moh]

No
don't top up ur oil

[Sehsss]

شباب حاليا العربية لسه زيرو وعملت حوالي 1300 كيلو وقدامى حوالي 100 او 150 ع ما اوصل للتوكيلهل ازود زيت من اى عربية تانية فيرنا تاكسي مثلا بتاع صديق ليا شوية ؟ عشان مبقاش قلقان
ولا اتوكل ع الله واسافر ؟
مقياس الزيت كان بين العلامتين f/l
وتقريبا كدا المفروض انه مظبوط لو ع علامة l يبقى قليل ولو اقل يبقى خراب :)
ولو ع f يبقى تمام اكتر من f اعتقد انه زيادة ولازم ينقص
مظبوط كدا :)

لا طبعا ما تزودش حاجة، لو على 100 كيلو فقط بسيطة، بس حاول ما تزودش عن كده

[Mohab555]

طبعا الزيت لازم يتغير بعد اول 1000 علشان بيكون زيت تخزين و فتره التليين من الفترات المهمه جدا و دى بتوصل ممكن ل 5000 كم على حسب طريقه السواقه و بعدها بيكون افضل اداء و استهلاك للبنزين لان التليين خلص و الاجزاء طبعت على بعض تمام
و ارشح لك انواع الزيوت دى :
1- لكوى مولى توب تك 4100 ( لو لقيته )
2- فالفولين
3- شل الترا

و بلاش من الزيت التوتال بتاع التوكيل مش لطيف خالص

[أحمد كمال]

ما تزودش ........ بلاش افتكاسات :)

و بعدين العربية جديدة يعني مش بتاكل زيت فمش هيقل بسبب سفريتك