خبر عاجل...تيل فرامل نيسان صنى٢٠١٣

[zambarota]

السلام عليكم ورحمه الله


طبعا فى ناس كتير اشتكت من صوت الصفاره فى التيل وان التيل الهندي رديئ الى ما بعد ذلك

فى بادره طيبه من شركه نيسان قامت الشركه بتغير خامه التيل فى السيارات الجديده

وايضا فى حاله تغير التيل سواء فى الضمان او تحميل العميل التكلفه يتم تغيير التيل الهندي باخر افضل منه بمراحه وليس نفس خامه ونوع التيل

وقامت نيسان ايجيبت ببادره طيبه اخرى وهو تغيير التيل فى الضمان للعملاء اقل من ١٠الاف كم على حسب حاله التيل وتقدير مركز الصيانه لحاله التيل

والله المستعان

[Land_Cruiser]

تسلم ايدك على الخبر الحلو دة.يا ريت حضرتك توضح هو الكلام ده هيحصل مع اى موزع معتمد لنيسان و لا مع موزع معين منهم للافاده؟

[S O P H O S]

والله خبر كويس

[zambarota]

تسلم ايدك على الخبر الحلو دة.يا ريت حضرتك توضح هو الكلام ده هيحصل مع اى موزع معتمد لنيسان و لا مع موزع معين منهم للافاده؟

حضرتك تقصد اى مركز صيانه على فهمي للسؤال

هى نيسان ايجيبت تلقت كثير من الشكاوي سواء من العملاء او من مراكز الصيانه المعتمده ليها

وقامت بالبت فى الشكاوي حتى ان فى ناس معانا رجعتلها فلوس التيل وناس غيرت التيل فى الضمان

وطبعا انا الحمد لله غيرته فى الضمان بس تحت رعايه السبع

ومن اقل من شهر افادت لكل مراكز الصيانه وليس مركز صيانه معين بهذه البادره

[zangry]

كتر خيرهم والله :d

[malta]

خبر جميل و ممكن نعرف نوعية التيل يعنى هندى ولا يابانى وشكرا

[zambarota]

خبر جميل و ممكن نعرف نوعية التيل يعنى هندى ولا يابانى وشكرا

هو الى انا عرفته واتأكدت منه ان التيل الى هايتركب مش هندي لكن نوعيته ايه لسه معنديش المعلومه

[toty_305]

-ناس طيبين قوي يا خال

[youssef_u]

ايوووووووه بقا ..... ينفع ابوظ بتاعي و اروح اركب الجديد ؟ :d

[ahmed452003]

انا لسة مكلم نيسان ايجبت خدمة مابعد البيع واكدلي ان الخبر مش صحيح!!!!!!!!!!!!!!!!
وجربوا بنفسكوا واتصلوا واتأكدوااااااا

[canner]

الف شكر على الخبر و على العموم اللى بيحصل بيثبتلى النظرية اللى كونتها عن نيسان يوم بعد يوم

[hatahet]

انا عندى ؤال بس يا رجالة و اعذرونى شوية انا لسا جديد فى العربيت ☺ هل لكل عربية تيل فرامل خاص بيها ليه ابعاد معينة و كدا و لا فى عربيات التيل بتاعها واحد يعنى مثلا تيل الفرنا يركب للاكسنت ولا لكل موديل تيل خاص بيه ؟؟؟ وهل ممكن التيل يتعمله خراطة و يبقى فى مقاس تيل اخر ولا انا بتكلم فى مستحييل ؟؟
و شكراا مقدما

[Land_Cruiser]

حضرتك تقصد اى مركز صيانه على فهمي للسؤال

هى نيسان ايجيبت تلقت كثير من الشكاوي سواء من العملاء او من مراكز الصيانه المعتمده ليها

وقامت بالبت فى الشكاوي حتى ان فى ناس معانا رجعتلها فلوس التيل وناس غيرت التيل فى الضمان

وطبعا انا الحمد لله غيرته فى الضمان بس تحت رعايه السبع

ومن اقل من شهر افادت لكل مراكز الصيانه وليس مركز صيانه معين بهذه البادره

ايوه يا فندم يعني الكلام ده هيطبق في السبع و اوتو ايجيبت و مودرن موتورز و لا مش فيهم كلهم علشان الناس تعرف بس أزاي تستفيد من العرض ده

[Land_Cruiser]

انا عندى ؤال بس يا رجالة و اعذرونى شوية انا لسا جديد فى العربيت ☺ هل لكل عربية تيل فرامل خاص بيها ليه ابعاد معينة و كدا و لا فى عربيات التيل بتاعها واحد يعنى مثلا تيل الفرنا يركب للاكسنت ولا لكل موديل تيل خاص بيه ؟؟؟ وهل ممكن التيل يتعمله خراطة و يبقى فى مقاس تيل اخر ولا انا بتكلم فى مستحييل ؟؟
و شكراا مقدما

الطبيعي ان كل موديل له التيل الخاص به و هو مرتبط ارتباط وثيق بالطنبوره لانه بيمسك في الطنبوره علشان يوقف العربيه و ان كانت بتبقي هناك بعض الاستثناءات فممكن تلاقي موديلين شغالين بنفس مقاس الطنابير و بالتالي التيل كمان بس زي ما قلت لحضرتك مش ده الطبيعي و الموضوع ده اللي بيكتشفه اللي عنده عربيه مش لاقي لها قطع غيار فيبدأ يوفق لها قطع غيار من عربيات تانيه بنفس المقاس لان معندوش حل تاني . طبعا المفروض الناس تجيب التيل الأصلي بتاع العربيه و ما تحاولش توفر لا فيه و لا في الكاوتش لان ده امان السائق و اللي معاه و ده مفيهوش هزار

[hfshaaban]

الكلام دة مش صح وانا لسة مكلم نيسان ايجيبت 16244 وقالولى الكلام دة غير صحيح وسيتم مراجعة مركز السبع عن نوع التيل الغير اصلى الذى يستخدمونة، وكلمت كمان اوتو ايجيبت ماعندهومش اى خبر عن تغيير نوعية التيل وممكن تتاكدوا بنفسكوا