هي البطارية ممكن تفضى من استخدام الولاعة؟

[abdulmoniem]

هو أنا دلوقتي لو وصلت الشاحن على بطارية العربية .. ومكنتش العربية دايرة

وسبت الشاحن في العربية وأخدت الموبايل معايا وركنت

هل ده ممكن يفضي البطارية؟ ده أول سؤال

التاني بقا .. هل ينفع أشحن الموبايل والعربية مبطلة خالص عن طريق الولاعة؟ وهل ده ممكن يفضي البطارية؟

[nomercy22]

ماينفعش تشحن الموبايل والكونتاكت مقفول

[hatahet]

اصلا لو المفتاح فالكونتاكت وعلى وضع accessories فالولاعة و الماكنة بتاهة الزجاج الكهربى و المريات الكهربة مش هتشتغل

[esam_ayad]

لو قفلت الكونتاكت وشلت المفتاح يبقي خلاص مافيش كهربا هاتوصل للشاحن.
انا عندي زميلي بقالو تلات سنين حاطط جهاز الإف إم موديوليتر اللي بتوصله بفلاشه ويشغل أغاني وماشالهوش ولا مره من التلات سنين والبطاريه شغاله عادي.
بس أنا عن نفسي مابحبش اسيب حاجه في مكان الولاعه احتياطياً.

[Land_Cruiser]

قفل الكونتاكت خالص يعني قطع الكهربا عن العربيه و بالتالي الشاحن مش هيبقي ليه اي دعوه بالبطارية . لو الكونتاكت مفتوح تكه واحده و نور التابلوه منور الحاله دي الشاحن ينفع يشحن بس انصحك ما تسيبش الكونتاكت علي الحاله دي كتير لانه ممكن يتحرق لاقدر الله. ابسط حاجه حضرتك تعملها علشان تتأكد من الموضوع بنفسك ان حضرتك تجرب بالموبايل و توصله و تشوف هيشحن امتي لكي يطمئن قلبك

[rotanamasoud]

حسب نظام العربيه بس معظم الموديلات بتخلى الولاعه بره الكونتاك لانها تستخدم فى الطوارء
ان البطاريه تفضى مستحيل لانك بتشحن بطاريه لم تصل الى 0.1 امبير من بطاريه اقل شيئ 55 امبير

[abdulmoniem]

جزاكم الله خيراً على كل الردود

اصلا لو المفتاح فالكونتاكت وعلى وضع accessories فالولاعة و الماكنة بتاهة الزجاج الكهربى و المريات الكهربة مش هتشتغل

أنا جربت الشاحن على وضع ال acc وكمان المرايات وبتبقى شغالة ..

قفل الكونتاكت خالص يعني قطع الكهربا عن العربيه و بالتالي الشاحن مش هيبقي ليه اي دعوه بالبطارية . لو الكونتاكت مفتوح تكه واحده و نور التابلوه منور الحاله دي الشاحن ينفع يشحن بس انصحك ما تسيبش الكونتاكت علي الحاله دي كتير لانه ممكن يتحرق لاقدر الله. ابسط حاجه حضرتك تعملها علشان تتأكد من الموضوع بنفسك ان حضرتك تجرب بالموبايل و توصله و تشوف هيشحن امتي لكي يطمئن قلبك

الشاحن بيشتغل مع ال acc فيما فوق .. لما بقفل الكونتاكت بيقفل الشاحن

حسب نظام العربيه بس معظم الموديلات بتخلى الولاعه بره الكونتاك لانها تستخدم فى الطوارء
ان البطاريه تفضى مستحيل لانك بتشحن بطاريه لم تصل الى 0.1 امبير من بطاريه اقل شيئ 55 امبير

الشاحن طلع بيحتاج إني أشغله على ال acc يعني لازم أكون عامل تكة واحدة للمفتاح