تيل الفرامل

[zidane 10]

السلام عليكم

يا شباب لو سمحتم تيل الفرامل عندي بيصفر من وقت ما اشتريته

وانا كنت جبت الاسباني

فانتوا تنصحوني بايه انا عاوز اجيب نوع مش بيصفر وكنت سمعت عن نوع اسمه الجولد

فكنت حابب اسمع ارائكم

ولو عاوز اشد فرامل اليد عشان ضعيفه فالموضوع بسيط ولا ايه

العربيه صني موديل 2009 اوتو 65 الف كيلو

ولكم جزيل الشكر

[zidane 10]

ولو سمحتم معلش كان النور الواطي اللي قدام

فيه لمبه منه اتحرقت مني من فتره

وجبت واحده ب 15 جنيه تقريبا

وباظت تاني دلوقتي

مكملتش شهر او شهر ونص

فهل النوع ده وحش

ولا العيب في ايه كده ؟

تحياتي

[Land_Cruiser]

السلام عليكم

يا شباب لو سمحتم تيل الفرامل عندي بيصفر من وقت ما اشتريته

وانا كنت جبت الاسباني

فانتوا تنصحوني بايه انا عاوز اجيب نوع مش بيصفر وكنت سمعت عن نوع اسمه الجولد

فكنت حابب اسمع ارائكم

ولو عاوز اشد فرامل اليد عشان ضعيفه فالموضوع بسيط ولا ايه

العربيه صني موديل 2009 اوتو 65 الف كيلو

ولكم جزيل الشكر

في الاول حاول تنضف التيل احتمال يكون عليه تراب هو اللي بيعمل صوت الصفاره و مع التنظيف الصوت يروح و تنتهي المشكله.لما تغير التيل اشتري الأصلي بتاعها من التوكيل او من موزع معتمد زي محمد جابر مثلا و ركبه حتي عند حد بره لو مش عايز تركبه في التوكيل علشان تبقي مطمن و ما تجربش انواع في موضوع الفرامل ده بالذات لان الموضوع خطير و من الحاجات اللي ما ينفعش نوفر فيها زيه زي الكاوتش كده لان ده من عوامل الامان في العربيه

[wardet]

التيل الاصلي احسن ياباشا
هتحافظ على طنابيرك وفراملك هتبقى متأمنة
هو تقريبا ب 330 جنيه بس بيعيش اكتر من المضروب

[maged george]

نصيحة بلاش الاسباني انا كنت جبته وكان بيصفر من تاني يوم وقعد 10000 كم بعدها بوظ الطنابير وبعدين غيرت التيل وجبت الاصلي وغيرت الطنابير بس في ناس شكرت في الجولد بس عاوز رايي لو العربية اتو هات الاصلي هيقعد معاك لغاية 60000 فعن تجربة هتلاقيه ارخص انا بقولك تجربة 130000 كم وربنا يوفقك.

[Sehsss]

غير التيل بأصلي، وغير اللمبات بأصلي مشكلتك هاتتحل!!!!!

[zidane 10]

الف شكر يا شباب :))