هو مينفعش المرايات تضم مع الريموت؟

[youssef_u]

التوكيل مش جايب اكسسوارات ولما بنقوله طيب هنركب من بره يقولك هتخرج من الضمان! طيب نعمل ايه

[M.Elgergawy]

قمت بشراء قطعة ضم مرايات لعربيتى الكارينز ....أنا مركب وحدات رفع زجاج بس خفت أستخدمها لضم المرايات
amazon.com: Automatical mirror folding system car electric system security system: Everything else
لما توصل من الشحن و أركبها ها أعرفكم الأخبار

سلام

يعني حضرتك عندك مرايات ضم أصلا
ولا جايب القطعة دي عشان تقفل مع الريموت

[abdulmoniem]

أنا فاكر إن الواحد ممكن يعملها في التوكيل من غير ميركب حاجة ..

دلوقتي لو رحت للتوكيل هيقلي لو عملتها برة هتخرج من الضمان! حاجة تزهق الحقيقة

[dodyam]

إحنا مشكلتنا الحقيقية في العربية النيو صني دلوقتي .. هي نقص الإكسسوارات .. وبصراحة أنا مش بحب أركب حاجة برة

التوكيل كل مسأله يقولي لسة مفيش حاجة جت

يعني مثلاً:
* قفل الإزاز والمرايات أوتوماتيك مع الريموت
* إشارات المرايات
* dvd بكاميرا ورا
* النواكل إللي بتبقى على عتب البيبان وعلى بدالات البنزين والفرامل .. والشبابيك والذي منه
* النواكل إللي بتتحط على الشبكة من قدام وعلى الشنطة من ورا

حاجات كتير الواحد نفسه يعملها والتوكيل محجمه!

وفى حاجات تانية ناقصة زى دلايات العجل
و كمان فلتر التكييف وده مهم جدا

[abdulmoniem]

وفى حاجات تانية ناقصة زى دلايات العجل
و كمان فلتر التكييف وده مهم جدا

أيوة صح .. أنا نسيت دول

في حاجات موجودة برة الواحد ممكن يشوفها

لكن المشكلة في الشحن بقا .. والسعر الغالي إللي هيجي بيه ده غير لما تيجي تركبه والمصنعية والذي منه

[assmy]

وصلت قطعة الضم للمرايات ممكن المساعدة فى طريقة التوصيل لأنى بأحب أبقا فاهم مع الكهربائى ,


أنا مش فاهم السلوك Grey, white, Orange, Brown تتقطع بالكامل ولا تتوصل بسلوك القطعة بس
و ليكو الحلاوة

[assmy]

يعني حضرتك عندك مرايات ضم أصلا
ولا جايب القطعة دي عشان تقفل مع الريموت

عندى مرايات ضم و عاوز أشغلها مع الريموت, قطعة الضم و صلت و ممكن مساعدة أفهم وصلات السلوك

[m.ghanem]

سهل خالص الوحدة دة عاملة زى اشارة كهربائية بتروح لعمل الاشياء
بمعنى لعمل اى جزء فى العربية لازم يكون هناك طرفين
واحد سالب والاخر موجب
طب لو فرضنا المرايا واخده السالب على طرف على طول يبقى ناقصها الموجب
الموجب دة بيجى من وحدة الرفع
او زر المرايه
يبقى ناقص شى واحد هو لو الجزء بيعمل عاملين
زى المراية غلق او فتح يبقى لازم كدة يكون عندنا 3 اطراف هم
واح سالب للعملين واخر موجب لغلقها واخر موجب لفتحها
ودول من وحدة الرفع
ويبقى هناك شى اخير هى وحدة الرفع هتجيب الموجب من اين
طبعا من اى كهرباء للعربية
طب عمل الريموت هنا فين عشان ينضم اليه المرايات
الريموت هنا يعمل على غلق الابواب او فتحها فقط ودة احنا عاوزينة يدخل معه المريات
يبقى اشارة الابواب الموجبه لغلقة مثلا نركب عليها طرف المريات الموجب لغلقها ايضا
والعكس فى الفتح وكدة يبقى الابواب تفتح معها المرايات وتغلق ومعها المرايات
كدة انت فهمت النظرية ولا معرفتش اوصلها

اما باقى التلجرام والوان السلوك اللى انت شايفها فية بيشرح كل سلك رايح فين على الرسمة وهو ايضا عملة
مثلا
البرتقالى والبنى رايحين على موجب المرايات فى الغلق والفتح
الاحمر كهرباء داخلة لوحدة الرفع عشان بعد كدة ترسلها للمريات
الازرق والاخضر ابواب فتح وغلق عشان يشغل معهم المريات

فاهم معايا كدة ولا اية اصلى انا غاوى زيك بس عمرى ما اشتغلت بيدى بس احب لما حد يعمل حاجة فى العربية ابق فاهم وشكرا لك

[a_arazik]

الف مبرررررررررررررررررررررووووووووووووووووووووووك

[mohsunny2009]

حضرتك تركب وحده ضم للمرايات

[assmy]

الحمد لله تم التركيب لقطعة ضم المرايات
شوفو الفيديو (رفع الزجاج و ضم المرايات)
[youtube]https://www.youtube.com/watch?v=89tIzZw45TU[/youtube]

[mr_twist]

مليون مبروك انا بس ليا استفسار كل الكلام ده علي نيسان القديمه ولا الجديده ....... انا معايا ٢٠١١ سوبر صالون وروحت لبكهربائي عشان اخلي المرايات تقفل مع السنتر البيه راح فاكك الزرار وقصقص الاسلاك وبعد كده راح قايلي ماينفعش عشان الزرار بتاع النيسان ٣ تكات مش زي باقي العربيات ومن ساعتها وانا مخنوق منها انا عايز افهم قصة وحدات الرفع دي و احاول افهمهاله ........ اصل انا مبحبش حد يقصقصلي في العربيه بعد كده يقفل ويقولي مش عارف ما ذنب الاسلاك هههههههههههههههه

[assmy]

مليون مبروك انا بس ليا استفسار كل الكلام ده علي نيسان القديمه ولا الجديده ....... انا معايا ٢٠١١ سوبر صالون وروحت لبكهربائي عشان اخلي المرايات تقفل مع السنتر البيه راح فاكك الزرار وقصقص الاسلاك وبعد كده راح قايلي ماينفعش عشان الزرار بتاع النيسان ٣ تكات مش زي باقي العربيات ومن ساعتها وانا مخنوق منها انا عايز افهم قصة وحدات الرفع دي و احاول افهمهاله ........ اصل انا مبحبش حد يقصقصلي في العربيه بعد كده يقفل ويقولي مش عارف ما ذنب الاسلاك هههههههههههههههه

كله بيعتمد على الكهربائى أول كهربائى ركب وحدات رفع الزجاج و مرضاش يركب و حدة الضم للمرايات
تانى كهربائى لقيته بيجهز 2 كتاوت واحد فتح و التانى قفل للمرايات و قلى أنا بركبهم كده علطول بدون وحدة ضم . بس أنا شرحت ليه سلوك و حدة الضم و ركبها فى 5 دقائق

[Walid_M]

الحمد لله تم التركيب لقطعة ضم المرايات
شوفو الفيديو (رفع الزجاج و ضم المرايات)
[youtube]https://www.youtube.com/watch?v=89tizzw45tu[/youtube]

ألف مبروك ...
وياريت حضرتك تدينا شويفة تفاصيل أكثر عن الموضوع ده زي التركيب والسعر والكلام ده

تحياتي ...

[assmy]

ألف مبروك ...
وياريت حضرتك تدينا شويفة تفاصيل أكثر عن الموضوع ده زي التركيب والسعر والكلام ده

تحياتي ...

قطعة الضم من Amazon
Amazon.com: Automatical Mirror Folding System Car Electric System Security System: Everything Else
فى حدود 42EGP و الشحن و الجمرك تقريبا 100 جنية
التركيب + تركيب 2 لمبة فى الفوانيس 30 جنيه و لم أهتم بالفصال معاه عشان أول تعاون معاه
يوجد قطعة ضم عبارة عن جاكات فقط بدون قطع سلوك و لكن غالية 481EGP حسب نوع العربية
New Side Mirror Auto Lock Folding System Modules for Elantra MD or Avante MD | eBay