أسعار نيسان بعد القرار الجمهوري

[hazem_8868]

يا تري يا جماعة حد عنده معلومات عن أسعار نسيان ممكن تكون ازاي بعد القرار الجمهوري الجديد ؟؟؟؟؟
.. ياريت يا جماعة الكلام يكون عن دراية علشان انا شفت حوارات كتير قوي و اراء كتير و الواحد عاوز يعرف راسة من رجليه ..

و ياريت برجاء الإلتزام باداب الحوار و شكرا

[the_air_devil]

أي بيانات تطلع النهاردة هاتكون سابقة لأوانها , علشان الأسباب التالية:

1- القرار صدر بالليل امبارح , ولسة لم ينشر بالجريدة الرسمية , والمفروض انه بيتم العمل بيه تاني يوم من إصدار الجريدة الرسمية

2- ماحدش يعرف نسبة المكون المصري في إنتاج مصنع نيسان مصر إلا مسئولو تكاليف الإنتاج في المصنع, وده هاياخد منهم فترة علشان اتخاذ قرار تسعير جديد بناءً على المعلومات الجديدة.

3- فيه طلبيات تم التعاقد عليها بالفعل طبعاً من مدخلات الإنتاج وقطع الغيار الأجنبية الداخلة في التصنيع (هندي بقى ولا ياباني حسب مكان تصنيعها في نيسان) , ودي هاتدخل بجمارك وبالدولار , وبالتالي هاتستمر أسعارها مرتفعة علشان ارتفاع الدولار , مش هايفرق فيها النسبة الهزيلة للتخفيض الجمركي , لأن كدة كدة العربية مش منتجة محلياً 100% , وبالتالي نسبة تأثير القرار مش هاتكون كبيرة في ظل ارتفاع الدولار .

4- فيه عوامل تانية مؤثرة في اتخاذ قرار التسعير , منها سعر البديل في السوق المصري (كيا - هيونداي - إلخ .... ) , ومنها مدى تحكم الموزعين في الـ OverPricing , وكمان ارتفاع أسعار العربيات المستعملة , علشان كدة هايكون الدافع لتخفيض السعر يا إما تنافسي وتسويقي , يا يكون مافيش دافع ويكون التخفيض هزيل


كل المعطيات دي قابلة للصواب والخطأ , وممكن تأثر في السعر الجديد أو لأ ... وممكن الشركة تاخد قرار استمرار التسعير بالسعر الحالي علشان هايكون فيه تخفيض بعد فترة , أو علشان يعوضوا تكاليف الضمان اللي ارتفعت مع استبدال أجزاء كتير في عربيات كتير وكانت داخلة على 5% من إجمالي سعر كل عربية ... الله أعلم بما في الغيب

[khaabas]

أي بيانات تطلع النهاردة هاتكون سابقة لأوانها , علشان الأسباب التالية:

1- القرار صدر بالليل امبارح , ولسة لم ينشر بالجريدة الرسمية , والمفروض انه بيتم العمل بيه تاني يوم من إصدار الجريدة الرسمية

2- ماحدش يعرف نسبة المكون المصري في إنتاج مصنع نيسان مصر إلا مسئولو تكاليف الإنتاج في المصنع, وده هاياخد منهم فترة علشان اتخاذ قرار تسعير جديد بناءً على المعلومات الجديدة.

3- فيه طلبيات تم التعاقد عليها بالفعل طبعاً من مدخلات الإنتاج وقطع الغيار الأجنبية الداخلة في التصنيع (هندي بقى ولا ياباني حسب مكان تصنيعها في نيسان) , ودي هاتدخل بجمارك وبالدولار , وبالتالي هاتستمر أسعارها مرتفعة علشان ارتفاع الدولار , مش هايفرق فيها النسبة الهزيلة للتخفيض الجمركي , لأن كدة كدة العربية مش منتجة محلياً 100% , وبالتالي نسبة تأثير القرار مش هاتكون كبيرة في ظل ارتفاع الدولار .

4- فيه عوامل تانية مؤثرة في اتخاذ قرار التسعير , منها سعر البديل في السوق المصري (كيا - هيونداي - إلخ .... ) , ومنها مدى تحكم الموزعين في الـ overpricing , وكمان ارتفاع أسعار العربيات المستعملة , علشان كدة هايكون الدافع لتخفيض السعر يا إما تنافسي وتسويقي , يا يكون مافيش دافع ويكون التخفيض هزيل


كل المعطيات دي قابلة للصواب والخطأ , وممكن تأثر في السعر الجديد أو لأ ... وممكن الشركة تاخد قرار استمرار التسعير بالسعر الحالي علشان هايكون فيه تخفيض بعد فترة , أو علشان يعوضوا تكاليف الضمان اللي ارتفعت مع استبدال أجزاء كتير في عربيات كتير وكانت داخلة على 5% من إجمالي سعر كل عربية ... الله أعلم بما في الغيب

كلام موضوعى من واحد فاهم الف شكر ليك على التحليل الموضوعى الرائع

[mohd_hussain]

السلام عليكم
حد يصحح لي ربما اكون مخطيء اللي فهمته من القرار انه علي السيارات التي تعمل بالغاز والسيارات الكهربائية ...!

[HaNo_ELBeh]

حضرتك بتتكلم عن تخفيض الضريبه الجمركيه!!
معلش اصل كل يوم فى احداث جديده الواحد مش ملاحق على كل الضرب ده

[HaNo_ELBeh]

عاجل تخفيض ضريبة الوارد المقررة على السيارات بنسبة 25%

[shady_hamdy]

على الكلام المضروض الصنى لانها تجميع محل سعرها يقل جدا

[mahmoudelazab]

بص يا شباب التخفيض هيكون نسبة 25 في المية من القيمة الجمركية للمكون المستورد يعني لو العربية فيها مكون مستورد ب 30000 جنيه و كان علية ضريبة 40في المية بقت 30في المية. يبقي الفرق في السعر حوالي 3000جنية

[mahmoudelazab]

الكلام ده بالتقريب انا ما أعرفش نسبة المكون قد أيه بس هو تقريبا في حدود ال60% من ثمن العربية النت بدون أرباح وضرائب يطلع كده تقريبا و فرضت الضريبةزي ضرايب العربية الكاملة ال أقل من 1600سيسي هو غالبا أقل من كده يعني توقعي أخرها ترخص 3000جنيه

[jojojojo]

يا جماعه هي في حاجه في البلد بترخص انا اتوقع زياده في الاسعار في بدايه الصيف زي كل سنه عشان الناس اللي جايه من الخارج بتحب تشتري في التوقيت ده حسبي الله ونعم الوكيل

[S O P H O S]

متفق معاك
من امته شئ يرخص عندنا ..

[a7med7mdy]

انا سمعت ان الجمارك حتقل علي عربيات التي تعمل بالغاز والكهربا مش بالبنزين

[a7med7mdy]

«موسى»: قرار الرئاسة بخفض الجمارك على السيارات الهجينة «صائب» - بوابة الشروق

[د.اشرف هنداوى]

يا فرحة ما تمت -- خدها تفسير القرار و راح

[Land_Cruiser]

نسبه المكونات المحلية في السياره اللي بتتجمع محليا بتكون ٤٠٪ و دي اللي بنشوفها في الزجاج و الفرش و الكاسيت و السماعات و أجزاء من العفشه .. الخ و المكونات المستورده بتبقي ال ٦٠٪ اللي فاضلين و دول اللي هيعمل عليهم التخفيض الجمركي و هو بيستوردهم من بره .. انا مش متوقع في اي اسعار هتنزل . كنا شفناها قبل كده في السيارات الاوروبيه اللي نظريا المفروض قيمه الجمارك عليها تنزل ١٠٪ كل سنه في حين ان في الواقع سعرها بيغلي احيانا زياده عن العربيات العاديه اللي ليس عليها تخفيض جمركي كمان