صوت تكتكة لما بعمل إشارة

[abdulmoniem]

السلام عليكم ورحمة الله وبركاته يا رجالة

دلوقتي أنا لاحظت صوت كنت عايز أسألكم عليه

لما باجي ألف .. بدي إشارة عادي ..

وأول لما مبدأ ألف الدريكسيون عشان ألف بسمع كذا تكة .. الأولى عالية عن الباقيين .. حوالي 3 تكات أو 4 .. معرفش دي إيه دي!

لكن لو مش عامل إشارة مفيش حاجة بتحصل!

ممكن حد يفيدني في الموضوع ده؟

عربيتي نيسان صني 2013 سوبر صالون الشكل الجديد

[د.محمدعبدالعال]

متابع

[HaNo_ELBeh]

السلام عليكم ورحمة الله وبركاته يا رجالة

دلوقتي أنا لاحظت صوت كنت عايز أسألكم عليه

لما باجي ألف .. بدي إشارة عادي ..

وأول لما مبدأ ألف الدريكسيون عشان ألف بسمع كذا تكة .. الأولى عالية عن الباقيين .. حوالي 3 تكات أو 4 .. معرفش دي إيه دي!

لكن لو مش عامل إشارة مفيش حاجة بتحصل!

ممكن حد يفيدني في الموضوع ده؟

عربيتي نيسان صني 2013 سوبر صالون الشكل الجديد

اعتقد ياباشا ان حضرتك بتلف الدركسيون عكس عمود الاشارة وده طبيعى هتسمع صوت تكتكه عاليه شويه لاغيت الدركسيون مايلف وياخد وضعه الطبيعى

فى انتظار راى الخبراء

[the_air_devil]

ده شئ طبيعي جداً جداً وبيحصل في كل العربيات , أهم حاجة يكون الصوت بيبدأ مع تكتكة الإشارة وينتهي بعد ماتقفلها .... انما باطمنك انه طبيعي للغاية

[dr.hazem]

اعتقد ياباشا ان حضرتك بتلف الدركسيون عكس عمود الاشارة وده طبيعى هتسمع صوت تكتكه عاليه شويه لاغيت الدركسيون مايلف وياخد وضعه الطبيعى

فى انتظار راى الخبراء

بالظبط كده...

Sent from my SE Arc S using Forum Runner

[khalid_adel]

اهم حاجه تكون الاشاره بتقفل لوحدها بعد ماتعدل الدركسيون
ووجود التكتكه دي يدل انها كده حتقفل اول ما تعدل الدركسيون اطمن ده طبيعي

[abdulmoniem]

طيب الحمد لله ..

أنا بقول مثلاً إني عايز ألف شمال .. فبنزل الإشارة لتحت

وألف بالدريكسيون شمال.. أبدع أسمع تك .. وبعد شوية .. تك .. تك (طول منا بحرك الدريكسيون)

ولما ببقى وضعي الطبيعي الإشارة بترد للوضع العادي تاني..

زمان مكنتش بحس إني بسمع الصوت ده .. مش عارف ليه لاحظته دلوقتي!

[youssef_u]

طبيعي جدا و موجود عندي و حتى لما ترجع الدركسيون في اخر تكة الاشاره هتقفل لوحدها

[Sehsss]

عادي جدا وفي أغلب العربيات