أسئلة عن الفتيس

[abdulmoniem]

السلام عليكم ورحمة الله وبركاته

دلوقتي يا رجالة عربيتي نيسان صني سوبر صالون 2013 الشكل الجديد

وكنت إمبارح قلت أعمل تجربة وأمشي على 2 في الفتيس .. مشيت شوية .. وبعدين قلت أمشي على 1 .. فجأة لقيت صوت الماتور علي جامد وال rpm عدت ال 3500 ..

ممكن حد يفهمني الفرق بين الإتنين دول إيه تحديداً؟

[elmoski]

الفيتيس علي 2 معناه ان العربية بتمشي اول وتاني بس ومش هتنقل علي التالت و الفيتيس علي 1 ده معناه انك ماشي اول بس والعربية مش هتنقل علي التاني وده بيستخدم لوطالع علي مطلع عالي وغلط انك تمشي عليه بدون داعي علشان ده جهد علي الموتور علي الفاضي

[abdulmoniem]

طيب معنى كدة إن ده أو ده .. بيستخدموا لو عايز عزم شديد؟

[M.Al-Hefnawy]

بالظبط كده عاوز عزم في مطلع تديها 1 أو 2.

[hany63]

بالظبط كده عاوز عزم في مطلع تديها 1 أو 2.

اه بس يكون في بداية الطلعه احسن لو العربيه واخده سرعه و طالعه مطلع و حطتيها على 1 هتطير الفتيس

[islamnasser10]

1 معناه العربية هتفضل ماشيه علي الغيار الاول بس
2 معناه العربية هتنقل لحد الغيار التاني بس
وهكذا

[abdulmoniem]

جزاكم الله خيراً

[Sehsss]

تمام كده زي ما قال الشباب

[toty_305]

-نصيحه لا تستخدم في الجري و الشد كأنه Steptronic حفاظا على الفتيس

[zambarota]

اخى الكريم السلام عليكم ورحمه الله وبركاته

الكلام ده من كاتلوج العربيه

الغيار الاول اخره ٥٥كم

الغيار الثانى ١٠٠كم

ومكتوب ملحوظه مهمه

(لاتعمد الى التحويل الى اوضاع التروس عندما تتجاوز سرعه السياره الحدود التاليه والا فقد يحدث تسريع زائد للمحرك ويتسبب فى تلف المحرك)

والسرعات المذكوره هى السرعات الى قولت عليها فوق

فخلى بالك مينفعش تنقل وانت ماشى على التانى وواخد سرعه للغيار الاول