إعـــــــلان

**kaza** · 27-03-2013, 06:24 AM

الظاهر دي مشكلة عامة في الصني كلها لاني حصل عندي نفس العيب وغيرت الطنابير في التوكيل وبعد 20000كم تاني حصل نفس الموضوع ياريت لو حد عندة معلومة بالنسبة لطنابير فرامل الصني يدلنا علي حل ان كان فية
ومتابع معاك اخي الكريم

**wardet** · 27-03-2013, 09:52 AM

هى العربية الشكل الجديد ولا القديم ياباشا؟؟

**jankiez** · 27-03-2013, 10:45 AM

لو الرعشة بتظهر مع الفرملة .. يبقى دي طنابير وعاوزة تتغير
ولو الرعشة بتبقى على السرعات العالية بيكون ترصيص
ولو الرعشة على السرعات القليلة احياناً بتكون الكاوتش عاوز يتغير واحياناً بتكون ترصيص

ما اعتقدش ان الرعشة لو انت ماشي من غير ما تدوس فرامل تكون طنابير

**akmm** · 27-03-2013, 10:55 AM

المشاركة الأصلية كتبت بواسطة jankiez مشاهدة المشاركة

لو الرعشة بتظهر مع الفرملة .. يبقى دي طنابير وعاوزة تتغير
ولو الرعشة بتبقى على السرعات العالية بيكون ترصيص
ولو الرعشة على السرعات القليلة احياناً بتكون الكاوتش عاوز يتغير واحياناً بتكون ترصيص

ما اعتقدش ان الرعشة لو انت ماشي من غير ما تدوس فرامل تكون طنابير

كلام منطقى ...............اكيد فيه سبب تانى

**asyl84** · 27-03-2013, 03:23 PM

طيب انا كمان عندى رعشة بعد ما بوصل لسرعة 70 وبتزيد جدا فى الـ80 ومزودتش عن كدة عربيتى 2013 الشكل القديم n16 دة يبقى عيب ترصيص والا طنابير وهل اصلا فى مشكلة طنابير فى الشكل القديم انا اعرف انة مشكلة الجديد بس ...ياريت حد يفيدنا عشان انا بكرة رايح ان شاء الله اعمل لصيانة فابقى فاهم القصة ماشية ازاى والى محتاج حاجة من هناك يقولى انا رايح اوتو ايجبت ان شاء الله

**kaza** · 28-03-2013, 10:38 AM

المشاركة الأصلية كتبت بواسطة asyl84 مشاهدة المشاركة

طيب انا كمان عندى رعشة بعد ما بوصل لسرعة 70 وبتزيد جدا فى الـ80 ومزودتش عن كدة عربيتى 2013 الشكل القديم n16 دة يبقى عيب ترصيص والا طنابير وهل اصلا فى مشكلة طنابير فى الشكل القديم انا اعرف انة مشكلة الجديد بس ...ياريت حد يفيدنا عشان انا بكرة رايح ان شاء الله اعمل لصيانة فابقى فاهم القصة ماشية ازاى والى محتاج حاجة من هناك يقولى انا رايح اوتو ايجبت ان شاء الله

صباح الخير ....الرعشة اللي حضرتك بتشكو منها زى ما ذكر العضو الجليل في مشاركتة السابقة ناتجة عن ترصيص او زوايا غير مضبوطة وبالتالي ابداء بالترصيص وشوف النتيجة
اما ما نشكو منه فهو عيب في النيسان الصني عموما تقريبا وعو سرعة تشوة سطح الديسكات الامامية مع الكبح المتكرر وخصوصا الاتوماتيك والتي بيكون استعمال الفرامل اكثر من المنيوال وللاسف العيب دة تكرر عندي اكتر من مرة علي مدي 50000كم عشرة مع الصني وماكنتش باشتكي ابدا من العيب دة مع الكروما حبيبتي رغم اني كنت باجري بيها جري السنين بس دة عيب فعلا في الصني اما باقي العربية فلا غبار عليها يكفي اقولك ان الموتور عمل 310000كم بدون ما يتفنه لاهو ولا الفيتيس بس فعلا الفرامل محتاجة تعديل اما باقراص (ديسكات اكبر وتيل فرامل بمساحة سطح اكبر من القياسية اللي نازلة من المصنع وبالتالي انا حاليا بادرس تغيير ديسكات الفرامل بالكامل شامل خزن الفرامل باي فرامل تانية سواء ميتسوبيشي او هوندا اوتويوتا بما انهم ولاد عم او نشوف لو سيستم فرامل القشفقاي او الالتيما او البلوبيرد او الماكسيما بص هاشوف المتوافر عند تجار الاستعمال اللي لية تيل في السوق وحاجرب وربنا يسهل لان دي مشكلة بتفسد استمتاعك بقيادة النيسان وبالاخص تحت تاثير الفرامل المفاجئ

**asyl84** · 28-03-2013, 10:45 PM

فعلا مشكلة ترصيص وتمت الحمد لله

**Sehsss** · 29-03-2013, 12:46 PM

ترصيص.. أو كاوتش.. أو جنط معووج

**Ahmed.TV** · 30-03-2013, 06:35 PM

اعتقد الاعضاء جابوا وقالولك على كل الحلول
ياريت تقولنا ايه اللى عملته وعملت ايه وحلتها ازاى
وتقولنا كمان امتى بتحصل الرعشة بالظبط

ومتنساش تقولنا حلتها ازاى
ولو فعلا طلعت طنابير لما بتدوس فرامل .. يبقا ممكن تخرط الطنابير بالليزر

مستنين ردك وطمنا عليك

**kaza** · 31-03-2013, 09:45 AM

المشاركة الأصلية كتبت بواسطة batman372 مشاهدة المشاركة

لو الرعشه عند الضغط على الفرامل عند سرعه 80 كم/ساعه يبقى دى جلب المقصات ... و ده كلام اكيد 100% ...

لو رعشه فقط يبقى محتاج ترصيص جيد او يوجد جنط معووج او غطاء احد الجنوط به كسر و غير ثابت ...

التيل و الطنابير ليس لها اى علاقه بالرعشه ... و بصفه عامه فى الصنى الطنابير ليس بها اى عيوب فنيه و انا عربيتى مو 2007 و عامله 58 الف كم و بها طنابير الفابريقه و غيرت فقط تيل امامى عند 45 الف كم ...

تحياتى ...

صباح الخير ياسيدي الفاضل

بص يازميلي العزيز العيب فعلا موجود وباقول لحضرتك تكرر معايا 3 مرات وكل مرة باغير الطنابير والعربية بتكون في اروع حالتها بالطنابير الجديدة الي ان تقدم شوية قول تعمل من 10 ل12 الف تبتدا تظهر وبالاخص مع السرعات العالية لما تفرمل مفاجئ وانت ماشي علي 150 او160 نرجع ناني لعنب ديبو ونخرط وبعدين اغير خالص الطانبير وزي ماقولت تكرر الموضوع اكتر من مرة وكل مرة اتبس في قرابة 1000 جم علشان الفرامل ..المهم فعلا بافكر في تعديل الفرامل للعربية لان معني عدم استواء سطح الطنابير انها بتتعرض لحرارة عالية ومابتلحقش تبرد وبتنبعج وبالتالي لو طنابير اكبر او تيل بمساحة سطح اكبر يسمح بتبريد ودرجة حرارة استعمال اقل يبقي الاداء الفرملي افضل
اما موضوع جلب المقصات فدي هتعمل معاك الغربلة سواء بتفرمل اولاء وكل ما زادت سرعتك كل ما الغربيلة تزيد ودة مش قصدي انا قصدي لما تفرمل مفاجئ علي سرعة عالية لكن علي السرعات البسيطة زي الفل ولا بتحس بغربلة ولا حاجة
الفكرة اني كنت باشوف هل حد تكرر معاه العيب وعندة خلفية علي تعديل النيسان من قبل علشان نوفر الوقت واللف والمجهود لان النيسان لسة محدش خاض في التعديل لها في مصر
عموما تحياتي وشكرا علي اهتمامك

**kaza** · 31-03-2013, 09:49 AM

المشاركة الأصلية كتبت بواسطة ahmed.tv مشاهدة المشاركة

اعتقد الاعضاء جابوا وقالولك على كل الحلول
ياريت تقولنا ايه اللى عملته وعملت ايه وحلتها ازاى
وتقولنا كمان امتى بتحصل الرعشة بالظبط

ومتنساش تقولنا حلتها ازاى
ولو فعلا طلعت طنابير لما بتدوس فرامل .. يبقا ممكن تخرط الطنابير بالليزر

مستنين ردك وطمنا عليك

صباح الخير يااحمد بيه
وياريت لو عندك حل لان مش ممكن كل 20000 اغير طنابير وتيل حرام

**bassem_foda** · 01-04-2013, 02:20 PM

الرعشه احياناً لما تظهر فى السرعات ده عيب كبالن داخليه
وده كانت عندى
مع العلم انى عملت ترصيص وغيرت المقصات

Comment

Comment

إعـــــــلان

.

رعشة في صني 2012

رعشة في صني 2012

Comment

Comment

Comment

Comment

Comment

Comment

Comment

Comment

Comment

Comment

Comment

Comment