استهلاك البنزين لصنى 2013 الشكل القديم

[اسلام الجديد]

الاستهلاك كدة طبيعى ولا زيادة اللتر بيعمل حوالى 9 كيلوا داخل القاهرة بدون تكيف والسيارة عاملة 1800 كيلو ومتوسط السرعة يكون 100 كيلو ارجوا الافادة مفصلة

[Elsebily]

الاستهلاك مبيتحسبش داخل القاهره لو حابب تعرف استهلاك العربيه الحقيقي للبنزين المفروض يكون علي طرق سريعه وسفر ومن خلال كده حضرتك هتحدد الاستهلاك عالي او لا

[wardet]

طبيعى ياباشا
بص هو المتوسط جوه وبره بيعمل معايا حوالى 10كم/لتر
انا موديل 2011

[Batman372]

الاستهلاك كدة طبيعى ولا زيادة اللتر بيعمل حوالى 9 كيلوا داخل القاهرة بدون تكيف والسيارة عاملة 1800 كيلو ومتوسط السرعة يكون 100 كيلو ارجوا الافادة مفصلة

طبيعى و يعتبر كويس فى الموديل ده ... لان فى الزحمه بيعمل 7.5 كم ...
و فى الزحمه و بتكييف ممكن يوصل ل 4.5 كم !!!
على السريع بسرعه 90/100 بدون تكييف ممكن يوصل ل 12.5 كم ...

الشكل الجديد افضل استهلاك ...
تحياتى ...

[_hema]

عايز حضرتك تحسب استهلاك البنزين صح

اعمل الاتى :



ودى وصفه مجربه لآستهلاك البنزين


سواءا كانت العربيه اوتو او عادى فيتم حساب استهلاك البنزين طبقا للموضح بعد


اولا:

فول عربيتك لحد الزور ( يعنى اما عينك تشوف البنزين) مش اول ماالمسدس يفصل الواد بتاع المحطه يقولك كدا فولت ( لان العربيه بتاخد تقريباً 3 او 4 لتر ) بعد فصل المسدس. وطبعاً حضرتك تكون مصفر عداد الرحلات


ثانياً:

تمشى فى طريق سريع بسرعه ثابته وهى (90) كم او (100) ويكون الـ ار بى ام على 2.5 او 3 ومايزدش عن كدا

وبدون تكيف لمسافه 100 كم او 150 او200 حسب طول المسافه.


ثالثاً:

تدخل اقرب محطه بنزين وتفول زى اول مره لغايه الزور وتشوف العربيه خدت كام لتر تقسموا على المسافه يطلع استهلاك السياره بالضبط
-


*اضرب الناتج الى طلع ×20 ( اى الصفحيه) يطلع العربيه بتعمل كام كيلو متر فى الـ 20 لتر

( اى الصفيحه)


مثال على ذلك


لو انت مشيت 200 كيلو متر وحطيت بنزين 15 لتر يكون 15/200 =13.33 كم


اى ان اللتر الواحد عمل 13.33 كم تقريباً


نضرب الـ 13.33× 20 لتر بنزين ( الصفيحه) =

266.67 كم تقريباً


اى ان الـ 20 لتر ( الصفيحه ) تعمل 266 كيلو متر تقريباً


( مثااال طبعاُ من مش حقيقه )


اما داخل البلد فانه لايمكن باى حال من الاحوال حساب ذلك بدقه

لان الاماكن التى تسير فيها مختلفه من ناحيه السرعه والزحام الموجود فيها ولكن احنا بنحسبها بالتقريب

وكمان داخل فيها تشغيل التكيف او لا بالاضافه الى انه قد يحتاج منك الطريق

كيك داون ان فتح الاوفر درايف



ارجو ان اكون افدت حضراتك



ولكم كل الشكر والتحيه والاحترام لكم جميعاً