استهلاك البنزين و رائحه التكييف في الصني الجديده

[gomana85]

السلام عليكم و رحمة الله و بركاته
من فضلكم انا ليا استفسارين سريعا
دلوقتي انا عامله بالعربيه 2500 كيلو تقريبا .. استهلاك البنزين مش بيتحسن يعني المتوسط من 8.5 إلي 9.5 لكل 100 كيلو مع العلم ان حركتي كلها وسط البلد و في الزحمه يعني صلاح سالم و مدينه نصر و مصر الجديده .. ده استهلاك معقول و لا مرتفع و محتاجه ارجع للتوكيل
تاني حاجه التكييف اول لما بفتحه بيبقي ريحتوا وحشه قوي و بعد دقيقتين بيتظبط . ده طبيعي ؟؟ و في حاجه ممكن اعملها تحسن الموضوع ده ؟ مع العلم اني علي طول شغاله بالهواء الداخلي مش بسحب هواء من بره و كمان حاطه معطر في العربيه .. اعمل ايه ؟؟

شكرا جزيلا
و جزاكم الله كل خير

[khalid_adel]

بالنسبه للاستهلاك فده ماشاء الله اللهم لا حسد جميل جدا لانك اكيد زي مابتقولي في زحمه ودايما التكيف شغال فده تمام اوي
اما التكيف مش عارف بس جربي مره تشغليه سخن وافتحي ازاز العربيه كله (يكون بليل) واخرجي منها طبعا

[FBIAhmed]

حضرتك لو لسا فيه اكياس بلاستيك في السياره بتاعة الفابريكه مع الشمس تعمل الرائحه دي و كمان الشحوم اللي بتبقى على المكونات الداخليه للتابلوه ممكن برضه تعمل الريحه دي فهتروح لوحدها لا تقلقي و الاستهلاك مع التكيف في وسط البلد مع الزحمه معقول جدا و هيقل طبعا لو حضرتك على طريق سريع

[m.ghanem]

السلام عليكم و رحمة الله و بركاته
من فضلكم انا ليا استفسارين سريعا
دلوقتي انا عامله بالعربيه 2500 كيلو تقريبا .. استهلاك البنزين مش بيتحسن يعني المتوسط من 8.5 إلي 9.5 لكل 100 كيلو مع العلم ان حركتي كلها وسط البلد و في الزحمه يعني صلاح سالم و مدينه نصر و مصر الجديده .. ده استهلاك معقول و لا مرتفع و محتاجه ارجع للتوكيل
تاني حاجه التكييف اول لما بفتحه بيبقي ريحتوا وحشه قوي و بعد دقيقتين بيتظبط . ده طبيعي ؟؟ و في حاجه ممكن اعملها تحسن الموضوع ده ؟ مع العلم اني علي طول شغاله بالهواء الداخلي مش بسحب هواء من بره و كمان حاطه معطر في العربيه .. اعمل ايه ؟؟

شكرا جزيلا
و جزاكم الله كل خير

اولا انت عاملة زى بالظبط فى الكليو متر
ثانيا الاستهلاك معقول لانك جوة القاهرة والزحمة
ثالثا بالنسبة للرائحة لا تضع اى شى سوى شراء
معطر اﻷى بتعلق بروائح و شراء معطر جليد اللى بركب على فتحة التكيف
وان شاء الله حتروح الرائحة

[gomana85]

انا اسفه انا كتبتها بالعكس انا قصدي ان الاستهلاك اللتر بيعمل من 8.5 ل 9.5 كيلو يعني 10.5 ل 11.5 لكل 100 كيلو اعمل ايه؟؟

[Dr_MaTrix]

انا اسفه انا كتبتها بالعكس انا قصدي ان الاستهلاك اللتر بيعمل من 8.5 ل 9.5 كيلو يعني 10.5 ل 11.5 لكل 100 كيلو اعمل ايه؟؟

والله انا شايف ان الاستهلاك كويس بالنسبة للمشى جوا البلد والزحمة

[د.محمدعبدالعال]

حضرتك ابقي اقفلي الهوايات بعد استخدام التكييف عشان التراب ميتراكمش على الفتحات الداخلية للهوايات وده ممكن يسبب ريحة وحشة في اول الاستخدام تروح بعد تحرك التراب من مكانه .. خاصة ان ذرات التراب في التكييف بتلزق في البلاستيك بتاع التابلوه شوية

[john55]

الزحمه غول للبنزين انا معايا اكسنت2012 ساعات بيوصل 11 او12 جوا البلد لكن بصراحه علي الطرق السريعه بيوصل 7مع التكيف فدا الطبيعي العربيات دي تصممها علشان تجري لكن نعمل ايه في مصر بقت العربيات فيها السلحفاه اسرع منها وشكرا

[Dr'AhmZZong]

عادي جدا الموضوع مش مستاهل ده أنا عندي الصني القديمة لو فيها computer بنزين كان حسبلي 40 لتر كل 100 كيلو ههههههههههه هههههههه

احمدوا ربنااااااااااا :)

[gomana85]

شكرا جزيلا، طمنتوني