عاوز خبير من صقور نيسان

[m.ghanem]

السلام عليكم
عندى نيسان صنى الشكل الجديد 2013
المهم عملت لحد الان 2500 كيلو
بدت الحظ اشياء عاوز افهمها
اولا
لما افول العربية فى الاول كنت اقر على عاد البنزين 600كيلو
لحد ما افول تانى
الان اجد 390 ثم 400ثم450وتانى يوم اجد 530 ودة حصل بعد صيانة الالف
ودة الاخر ولم ارى 600دة مرة اخرى
حد يعرف السبب

ثانيا
المطبات اجدان العربية بتدب كان العفشة فيها حاجة
دة عيب اية بقا هل هو كاوتش المساعد

ثالثا واخيرا
عندما اصل لسرعة110وعربية تمر جنبى بحس بهزة
هل هذا عادى وهل احد يشركنى الرائ

عيب بقا اكتشفتة فيها وهو
نصف قطر الدوران كبير يعنى لو مكان ضيق وبتلف بالعربية لازم يبقى على مرتين وراء وادام تانى
وشكرا لكم

[mohamed2015]

السلام عليكم

انا عندى العداد بعد التفويلة بيدني 470 بس فعلا نصف قطر الدوران رخم و بالنسبة لزقت السيارة التي تعدي من جنبك بردو عربيتي نفس المشكلة في ناس قالت لازم تغير الكاوتش

[zambarota]

اخي الكريم السلام عليكم ورحمه الله

بالنسبه لقراءه العداد ممكن حضرتك لما تفول العربيه تقوم مصفر عداد متوسط الاستهلاك

بالنسبه للدب فى العربيه ممكن تروح ترفع العربيه وتكشف على العفشه والافضل انه يكون فى التوكيل

بالنسبه ان العربيه بتتهز لما بتوصل 110 كم اعتقد انها بتتهز فقط لما تكون مقطوره او اوتوبيس معدي جنب الواحد

انا بيحصل عندي كده لما اكون ماشى 120 ويعدي جنبي مقطوره او اتوبيس

وانا النهارده عندك فى اسماعيليه مفيش اى عزومه كده

[m.ghanem]

اخي الكريم السلام عليكم ورحمه الله

بالنسبه لقراءه العداد ممكن حضرتك لما تفول العربيه تقوم مصفر عداد متوسط الاستهلاك

بالنسبه للدب فى العربيه ممكن تروح ترفع العربيه وتكشف على العفشه والافضل انه يكون فى التوكيل

بالنسبه ان العربيه بتتهز لما بتوصل 110 كم اعتقد انها بتتهز فقط لما تكون مقطوره او اوتوبيس معدي جنب الواحد

انا بيحصل عندي كده لما اكون ماشى 120 ويعدي جنبي مقطوره او اتوبيس

وانا النهارده عندك فى اسماعيليه مفيش اى عزومه كده

واللى يرجع
هههههههه

[Dr'AhmZZong]

موضوع computer البنزين ده حاول متركز معاه قوي عشان متتعبش و يجيلك العصبي هههههههههههه ..

الدبدبة ديه اكشف على ضغط الكاوتش الاول و بعد كده روح التوكيل يكشفوا عليها ..

احمد ربنا إنك بتحس بهذة بس كويس إن العربية مطارتش ههههههههههههه ههههههههههه

[youssef_u]

عندي نفس الدبة بسبب نوع الكاوتش ،،، و اتاكد ان الضغط مظبوط لان بتاعتي كان على ٥٠ اول ما استلمت

[ART_tv90]

بالنسبه للعداد بيحسب على اخر سرعه حضرتك مشيت بيها ال 100 كيلو متر الاخيره .. والبنزين المتبقى يمشيك 450 كم مثلا او 5000 على حسب اخر سرعه انت مشيت عليها وهى بالطبع متغيره وغير ثابته فبالتالى القراءه بتتغير وهذا ليس عيب بل ميزه .
اما المطبات فهى فعلا ناشفه شويه ويمكن يكون من الكاوتش .
العربيه ثابته جدا لحد سرعه 120 وكل العربيات الجديده بتهتز عند مرورك بجوار مقطوره او اتوبيس .
فعلا نصف قطر الدوران .. لازم لو بتلف فى مكان ضيق لازم تلف على مرتين

[Sehsss]

بالنسبة للدبدبة زي ما قال الأعضاء اضبط ضغط الكاوتش وياريت عند بريدجستون، وعموما بعد 5 آلاف أو 10 كيلومتر العفشة هاتختلف تماما.. تحياتي

[m.ghanem]

الف شكر لكم جميعا