ملاحظة على الفتيس الاوتوماتيك و لفرامل

[Yosef_azab]

السلام عليكم
عندي ملاحظة على الفتيس ، انا اول مره اركب عربية اوتوماتيك فمش عارف ده عادي ولا لا ،لاحظت ان لما بضع الفتيس على وضع parking و بعد كده انقل ل drive بيحصل زي رجة جامدة في العربية و مش بتحصل لو اني عملت العملية دي و انا رافع فرامل اليد !!
بالنسبة للفرامل لما بضغط فرامل جامد بحس ان العربية بتزحف بشكل متقطع فهل ده عادي ولا كده في حاجة في العربية؟
و شكراً

[youssef_u]

العربية طبيعي بيبقا فيها نطة لما تنقل سواء فرامل اليد مرفوعه ولا لا و بتختلف حسب قوة الضغط عالفرامل و ياريت حضرتك توضح نوع العربية ايه....

بالنسبه ان العربية بتزحف بشكل متقطع فده الabs و طبيعي انها تعمل كده

[zambarota]

السلام عليكم
عندي ملاحظة على الفتيس ، انا اول مره اركب عربية اوتوماتيك فمش عارف ده عادي ولا لا ،لاحظت ان لما بضع الفتيس على وضع parking و بعد كده انقل ل drive بيحصل زي رجة جامدة في العربية و مش بتحصل لو اني عملت العملية دي و انا رافع فرامل اليد !!
بالنسبة للفرامل لما بضغط فرامل جامد بحس ان العربية بتزحف بشكل متقطع فهل ده عادي ولا كده في حاجة في العربية؟
و شكراً

السلام عليكم ورحمه الله

بالنسبه لموضوع الفتيس حضرتك ممكن قبل متجيب العربيه على الوضع p تجيب الوضع N وتشد فرامل اليد وبعدها تجيب العربيه على الوضع p مش هاتلاقى الرجه دي خالص ان شاء الله

[Yosef_azab]

العربية نيسان صني الشكل الجديد
معلش أصل دي أول مشاركة ليا
وشكرا على الإجابة

[Sehsss]

بالنسبة للفرامل.. لما بتدوس جامد الـ abs بيشتغل بشكل متقطع منعا لزحف السيارة

[amrrashed]

الرجة دي كانت يتحصل في الفيتارا بتاعتي بس الميكانيكي قالي في سلك الاوتوماتيك عايز يتغير عموما معتقدش الموضوع عندك كدة .... بس قولي انت اول ما بتجيب ال n بتكبس بنزين ولا بتسيب الغيار لما يعشق والعربية تتحرك