عن نيسان صنى الشكل القديم

[a7med7mdy]

السلام عليكم انا الحمدلله استلمت الصني الشكل القديم بعد معاناة بس الحمدلله وبقيت نيساناوي فلو سمحتوا تنصحوني اعمل ايه وكمان عايز اعرف ايه الحاجات اللي ممكن تخرج العربية من الضمان ولو ركبت سماعات ورا او غيرت اللي قدام العربية تخرج من الضمان ولا ايه وكمان لو غيرت الكاسيت يخرج العربية من الضمان وشكرا ليكم واسف جدا ع تعبكم

[miceg]

اولا منور قسم نيسان
ويسعدتنا انضمامك للقسم
بالنسبة لعنوان الموضوع بيتكلم عن الصني القديم والمحتى بيتكلم عن الجديد
برجاء إرسال رسالة للادارة تفيد بتعديل عنوان الموضوع
بالنسبة للضمان
اي لعب فضفيرة الكهرباء بتخرج الضفيرة من الضمان
زي السماعات - الزينون - وحدات الرفع .............. الخ
وألافضل انك لو عاوز تعمل حاجة زي كده انك تتعامل مع الوكيل وافضل واحد فموضوع الاكسسوارات هو مودرن موتورز ابو رواش
باقي العربية بقا :- اي لعب عامة او تركيب قطع غيار بره التوكيل بيخرج جزء جزء .
اعتقد ان السماعات لا تخرج الضفيرة من الضمان لقيام كثير من الاعضاء بتعديل سماعات الصني الجميلة جولدي 50 وات :d
تحياتي واهلا بيك مرة ثانية

[a7med7mdy]

انا اسف جدا انا اقصد ان انا اشتريت الشكل القديم

[a7med7mdy]

طب وهل تغير الكاسيت يخرج العربية من الضمان وكمان ف حاجة تاني هو استهلاك البنزين بيبان من اول 1000 ولا ايه

[youssef_u]

الف مبروك عالعربية ربنا يباركلك فيها ،،،، تقريبا ممكن تغير كل حاجة بس يكون في التوكيل عشان تحافظ عالضمان

[miceg]

طب وهل تغير الكاسيت يخرج العربية من الضمان وكمان ف حاجة تاني هو استهلاك البنزين بيبان من اول 1000 ولا ايه

الكاسيت لا يخرج اي شىء من الضمان
بالنسبة لاستهلاك البنزين بيختلف لغايت ال 5000 كيلو

[a7med7mdy]

وفي حاجة كمان انا شتريت العربية من اتو ايجيبت تنصحوني بقي اروح مركز الخدمة بتاعهم ولا اروح مودرن موتورز

[miceg]

أي مركز خدمة قريب منك ممكن تروحله
لكن الاكسسوارات مودرن موتورز متميز جدااااااااا
الصيانات الهامة جدا يفضل اوتو إيجيبت
الصيانات العادية ممكن مودرن وممكن السبع حسب أيهما أقرب لحضرتك
طبعا الصيانات الهامة مثل صيانة ال 20 الف - 40 -60-80 -100
وعشان انا عارف ان الاسئلة هتراودك من هنا لغايت الاسبوع الجاي
بقدملك أكبر توبيك في تاريخ القسم فيه كل حاجة تقدر تساعد وترد على استفساراتك وهتاخد خبرة كبيره جدااااا

http://www.nilemotors.net/Nile/163656-a.html

تحياتي ليك

[Ramy Rateb]

الف مبروك على العربية و ربنا يرزقك خيرها.. هو حضرتك كنت حاجز العربية و لا اشترتها أوفر برايس ؟

[_hema]

طب وهل تغير الكاسيت يخرج العربية من الضمان وكمان ف حاجة تاني هو استهلاك البنزين بيبان من اول 1000 ولا ايه

تغيير الكاسيت لايخرج السياره من الضمان بس لو اتلعب فى ضقيره الكهرباء ده ممكن يخرج العربيه من ضمان الكهرباء

اما عن الاستهلاك خلال الـ1000 الاولى لن تسطيع حسابه

عايز حضرتك تحسب استهلاك البنزين صح

اعمل الاتى :



ودى وصفه مجربه لآستهلاك البنزين


سواءا كانت العربيه اوتو او عادى فيتم حساب استهلاك البنزين طبقا للموضح بعد


اولا:

فول عربيتك لحد الزور ( يعنى اما عينك تشوف البنزين) مش اول ماالمسدس يفصل الواد بتاع المحطه يقولك كدا فولت ( لان العربيه بتاخد تقريباً 3 او 4 لتر ) بعد فصل المسدس. وطبعاً حضرتك تكون مصفر عداد الرحلات


ثانياً:

تمشى فى طريق سريع بسرعه ثابته وهى (90) كم او (100) ويكون الـ ار بى ام على 2.5 او 3 ومايزدش عن كدا

وبدون تكيف لمسافه 100 كم او 150 او200 حسب طول المسافه.


ثالثاً:

تدخل اقرب محطه بنزين وتفول زى اول مره لغايه الزور وتشوف العربيه خدت كام لتر تقسموا على المسافه يطلع استهلاك السياره بالضبط
-


*اضرب الناتج الى طلع ×20 ( اى الصفحيه) يطلع العربيه بتعمل كام كيلو متر فى الـ 20 لتر

( اى الصفيحه)


مثال على ذلك


لو انت مشيت 200 كيلو متر وحطيت بنزين 15 لتر يكون 15/200 =13.33 كم


اى ان اللتر الواحد عمل 13.33 كم تقريباً


نضرب الـ 13.33× 20 لتر بنزين ( الصفيحه) =

266.67 كم تقريباً


اى ان الـ 20 لتر ( الصفيحه ) تعمل 266 كيلو متر تقريباً


( مثااال طبعاُ من مش حقيقه )


اما داخل البلد فانه لايمكن باى حال من الاحوال حساب ذلك بدقه

لان الاماكن التى تسير فيها مختلفه من ناحيه السرعه والزحام الموجود فيها ولكن احنا بنحسبها بالتقريب

وكمان داخل فيها تشغيل التكيف او لا بالاضافه الى انه قد يحتاج منك الطريق

كيك داون ان فتح الاوفر درايف



ارجو ان اكون افدت حضراتك

[Dr'AhmZZong]

غير يا باشا الكاسيت و السماعات عادي إن شاء الله مفيش أي حاجة ..

[Sehsss]

ألف مبروووووووك، والأعضاء ما شاء الله قاموا بالواجب

[amrlilo]

طب بالنسبه للصنى 2014 الشكل القديم نازل من غير سماعات خلفيه السماعات فى البيبان الاماميه فقط فلو ركبت سماعات مش هخرج من الضمان و لازم عشان اركب سماعات اقص فى الفبر او الصاج ...ارجو الافاده و شكرا

[كمزى]

الف مليون مبروك واختيار موفق جدا جدا جدا وربنا يديك خيرها ويكفيك شرها مكان السماعات الخلفية موجود بالتوصيلات الكهربائية والف مليون مبروك
مع تحيات نيسناوى مبتدا من شهرين تقريبا

[amrlilo]

متشكر جدا على الافاده......يعنى انا لو جيت اركب سمعات مش هقص فى حاجه