مشاركة بقالها حوالى 6 سنوات

[m.ghanem]

مساء الفل عليكم

حبيت نفك شوية من وجع الدماغ والكلام على العربيات
حد حاول مرة يروح اخر صفحة فى منتدى نيسان ويشوف فيها اية

طبعا القليل

انا شخصيا حاولت اقر فى المشاركات من الاول ووصلت لصفحة 20 وتعبت
روحت دخلت على اخر صفحة وقلت اشوف فيها اية وعجبنى الموضوع دة
بص الناس كانت بتكلم على اية من 6 سنوات
http://www.nilemotors.net/Nile/135-a.html

الاهم فى الموضوع اننا بنفكر حتى انا فى موضوع وساعات نعملة موضوع
وناس تشارك فيه ونلاقى ان الموضوع متكرر تانى وناس اخرى اتكلمت فيه
وتلاقى صفحات كثيرة ومواضيع متكررة اكثر من مرة

الحل السهل لنا هو ان الادارة تشيل المواضيع المتكررة ... بس دة مش حل عشان فى ناس شاركت فى الموضوع ومنتظرة ممكن رد

طب الحل اية
اننا قبل ما نعمل مشاركة نعمل حاجة بسيطة قوى
نبحث فى المنتدى عن كلمة او جملة حول الموضوع اللى عاوز تشارك فيه
وهتلاقيك حاجة من اتننين ليس لهم ثالث

اما تلغى فكرة كتابة الموضوع لان الرد الى انت عاوز لاقيتة موجود فى مشاركة سابقة
وتشارك فى الموضوع الموجود القديم وخلاص

اما متلاقيش شئ وتكتب الموضوع ودة تكون الفائدة الكبرى

مجرد راى قد تجدونة مقنع او انسوا الموضوع كلة
بس على فكرة الموضوع دة متكرر بس انا جيبتة بطريقة اخرى

وشكرا لحسن استماعكم
قصدى قراتكم

[kar!m]

و الله قلت الكلام ده كذا مره .. بس للأسف الناس بتدخل تسأل على اللي هي عاوزاه من غير ما تدور.

[gha]

احيانا بتكون المواضيع القديمة مغلقة ولا يسمح بإضافة رد فيها وبتالى نضطر لكتابة الموضوع مرة اخرى

[the_air_devil]

حضرتك فعلاً كلامك صح 100%

ببساطة, لو حد أخد من وقته نص ساعة أو ساعة وفضل يقلب في المواضيع القديمة هايطلع منها متخصص ميكانيكا وسمكرة وعفشة ومحترف نيسان وأستاذ دكتور في عربيته , لكن كل واحد بيستسهل ويطلب ويسأل ومستني الكل يجاوبه في التو واللحظة , في حين اننا كلنا بشر وكلنا عندنا أشغال وده كله تطوع وخدمة لوجه الله بنساعد بيها بعض , وفي الآخر تلاقي ناس بتزعل وناس تقوللك 30 مشاهدة لحد دلوقتي وماحدش رد عليا !! ... الواحد فعلاً بيتعامل مع قسم نيسان على انه مكتبة شاملة للصيانة والحفاظ على العربية مش بس للصني ممكن ناس كتير يستفيدوا منه وبالفعل انا كنت مستفيد من القسم ده من قبل ما حتى اجيب العربية


ذكرك الله بالخير زي ماذكرتنا بالخير

تحياتي

[m.ghanem]

حضرتك فعلاً كلامك صح 100%

ببساطة, لو حد أخد من وقته نص ساعة أو ساعة وفضل يقلب في المواضيع القديمة هايطلع منها متخصص ميكانيكا وسمكرة وعفشة ومحترف نيسان وأستاذ دكتور في عربيته , لكن كل واحد بيستسهل ويطلب ويسأل ومستني الكل يجاوبه في التو واللحظة , في حين اننا كلنا بشر وكلنا عندنا أشغال وده كله تطوع وخدمة لوجه الله بنساعد بيها بعض , وفي الآخر تلاقي ناس بتزعل وناس تقوللك 30 مشاهدة لحد دلوقتي وماحدش رد عليا !! ... الواحد فعلاً بيتعامل مع قسم نيسان على انه مكتبة شاملة للصيانة والحفاظ على العربية مش بس للصني ممكن ناس كتير يستفيدوا منه وبالفعل انا كنت مستفيد من القسم ده من قبل ما حتى اجيب العربية


ذكرك الله بالخير زي ماذكرتنا بالخير

تحياتي

الله يكرمك يا باشا
وكلامك فعلا ان الموضوع متبادل نستفيد ونفيد وكلة تطوع

بس الاهم ليثبت صدق كلامى
انى عملت هذة المشاركة مرتين ومحدش اخذ باله وانا كنت قاصد وهتلاقى ناس هتكتب رد هنا وهناك
وشكرا لك على الرد الجميل