لمبة الايرباج - نيسان الجديده

[grumby78]

السلام عليكم
معايا نيسان صني 2013 ex اتوماتيك . ركبت فرش جلد وارضيه جلد للعربيه النهارده بس حسيت لما جيت ادور وانا بستلم العربيه من السروجي ان لمبة الايرباج طولت شويه على ماطفت . دورت اولاين لقيت ناس بتشتكي من الموضوع ده بعد حل الكراسي خصوصا في نيسان . الوضع انها بتطفي لكن بعد تقريبا 6 ثواني من التدوير هل كده في مشكله ؟ ولا ده طبيعي وانا موسوس ؟ الرجاء من ملاك السياره الرد من واقع starup عندهم . لكم جزيل الشكر مقدما

[Dr_MaTrix]

اعتقد انه طبيعى تقريبا برده بتنور عندى كده اول ما نحط المفتاح ةتنور العدادات بتفضل منورة كام ثانية وتطفى

[د.محمدعبدالعال]

لو قريت الكاتالوج هتلاقي مكتوب انك اول ما بتدور العربية كل اللمبات بتطفي ولمبة الايرباج بتفضل منورة لمدة 7 ثواني وبعدين تطفي .. بس على فكرة أنا برضه مأخدتش بالي منها انها بتفضل منورة غير بعد ما عملت فرش للعربية وفكيت الكرسي .. بس اللي اعرفه ان الفيشة اللي في الكرسي خاصة بحزام الأمان

بس بعدها انا رحت عملت صيانة الألف وعملوا تشيك على الايرباج ومالقوش فيها مشاكل .. ولما سألت المهندس عن الأيرباج وعلاقتها بحزام الأمان .. قاللي لا قدر الله لو حصل أي حادث كده كده الايرباج بتاعة السائق بتتفتح لكن عشان الايرباج بتاعة الراكب الأمامي تتفتح لازم يكون لابس حزام الأمان

وربنا يسترها علينا كلنا ومانحتاجش الأيرباج خالص

[grumby78]

dr matrix و د محمد عبدالعال اشكركم جدا على الرد .. يادكتور محمد فعلا انا حصلي زيك مالحظتش ان الايرباج بيتاخر شويه الا بعد السروجي . انا قعدت ادور on line على الموضوع ده ولقيت ان كمان في حالة حدوث error في الايرباج ممكن نعمل reset للايرباج وعشان الناس تستفيد حبيت اضيفه . الموضوع ده صالح لكل عربيات نيسان اي موديل وهو كالاتي :
تدور المفتاح على وضع on وتنتظر لحد ما لمبة الايرباج تطفي اول ماتطفي تقوم مرجع المفتاح لوضع off بسرعه . 3 ثواني وتكرر الموضوع ده تاني وضع on وبعدين اول ماتطفي الايرباج لايت تطفي بسرعه . تكرر الموضوع ده 4 مرات متتاليه والمره الخامسه تدور العربيه مباشرة . وبكده نكون عملنا reset للايرباج سيستم بدون الذهاب للتوكيل . بس ده لو الايرباج سيستم مافيهوش مشكله اصلا . دمتم بصحه

[grumby78]

لينك كيفية عمل reset لايرباج كل عربات النيسان :

https://www.youtube.com/watch?v=g5UQIF3Euu0

[the_air_devil]

هي بالفعل آخر لمبة بتنطفي من لمبات الـ Startup Check ... وده عادي مافيهوش مشاكل ... المشكلة لو فضلت منورة على طول ... انما كونها تنطفي ده في حد ذاته معناه ان مافيش مشكلة ... مع الفرق اننا كلنا نجرب ونحط هي بتاخد كام ثانية علشان تنطفي ...بإذن الله احط المدة بتاعتها بالليل ....

لأن احتمال يكون حاجة حصلت أثناء تركيب الفرش , أثرت على سلك حزام الأمان وبقت مقاومته أعلى/أضعف ... وبالتالي هاتأخر إشارة التشييك بتاعت الوسائد الهوائية ... لأنها كدة كدة مش بتشتغل غير مع ربط الحزام

[grumby78]

the air devil اعتقد ان السلك اللي عند كرسي السائق مالوش علاقه بالايرباج ولكنه لعلامة ربط الحزام التحذيريه فقط . واللي قاله الدكتور محمد ان الايرباج للسائق بتفتح في حالة الحوادث لاقدر الله حتى مع عدم ربط حزام الامان للسائق بخلاف الراكب الامامي . على العموم منتظر رد حضرتك بخصوص المده اللازمه لانطفاء لمبة الايرباج بدايه من وضع المفتاح على وضع on حتى الانطفاء عندك ..

[grumby78]

السؤال هو هل ممكن يكون تأخير انطفاء لمبة الايرباج دليل مشكله ما ولا ان انطفائها عموما معناه ان كله تمام في الايرباجز؟؟

[youssef_u]

يا رجاله الفيديو ده من عربيتي ممكن تحسبوا المدة منه

Nissan Sunny 2013 start up - YouTube

[د.محمدعبدالعال]

كل اللمبات بتطفي فور تشغيل السيارة عدا لمبة الايرباج بتستمر لمدة 7 ثواني وبعدين تنطفئ وده الكلام اللي في الكاتالوج .. ومعناه ان الايرباج شغالة سليمة ..

أما الفيشة اللي تحت الكرسي دي واصلة بحزام الأمان عشان لمبة حزام الأمان وصوت التحذير .. حتى فيه ناس بتفصل الفيشة دي عشان صوت تحذير حزام الأمان مبيزعجهمش - وده غلط طبعا - بس بيظل نظام الاير باج شغال .. الغريب بقى ان المهندس في التوكيل قال ان ايرباج الراكب الأمامي مبتفتحش إلا لو رابط حزام الأمان .. مع ان الكرسي الأمامي مفيهوش فيشة ولا أي وصلة تعرف كومبيوتر العربية ان الحزام مربوط أو لا

[the_air_devil]

اللمبة بتنور عندي لمدة 3 ثواني بالظبط من لحظة مادور الموتور .. مابتنورش لو فتحت الكونتاكت بس ..

[grumby78]

اللمبه عندي بتنور فعلا بعد التشغيل لمدة 3 ثواني تقريبا وبعدين تطفي .... ولما اعمل صيانة 1000 ان شاء الله حشيك على الايرباج . شكرا رجالة نيسان

[Sehsss]

عادي جداااااا