زهقت من الصني

[miceg]

السلام عليكم ورحمه الله
أخواني الاعضاء
انا معايا صني 2010 اوتو والعربية مش عاملة مشاكل نهائي
لما كان موضوع الثبات ركبت عمود إتزان والدنيا أحسن بكثير لدرجه اني بنسا نفسي وباخد منحنيات عالطريق بسرعة 150 و 160 هي مش منحنيات خطيرة للدرجة
بس كعربية إعتمادية مبقاش فيها مشكلة
مشكلتي ان استخدامي فوق العادة يعني تقريبا ال 4 شهور ألاخيرة عديت ال 10 الاف كيلو
لاني بسافر كتير
تعليقي على السيارة انها مش واكلة مع المطبات والنقر بتاعتنا فالشارع المصري
وانا من النوع لما باكل مطب حتى لو صغير بتعصب لان صوت هبدة العربية مستفز
انا سوقت لانسر 2013 اوتو عفشة رياضية حسيت اني راكب عربية لعبه مافيش إحساس بالمطبات نهائي
وسؤالي هو الصني اكس صالون كلها كدة ولا انا عندي حاجة غلط فالعربية
معروض عليا تويوتا كوولا بتاعت صاحبي مودي 2008
بس طالب فيها كتير عشان عزيزة عليه
وبصراحه فالوقت ده الواحد مش عاوز يدفع فلوس وخلاص

وسؤالي هو ايه شعور ملاك الصني الجديدة والقديمة مع الموضوع ده
مستني ارائكم
تحياتي
خالد محمود

[Dr'AhmZZong]

للاسف هي الصني كلها كده حتى السوبر صالون !!


لو الكورولا 2008 اللي مش فتيس mmt و حلوة و ضامنها توكل على الله ..

[Dr_MaTrix]

الصنى الجديدة انعم من القديمة وده بشهادة واحد صاحبى معاه القديمة سوبر صالون ...والتويوتا طبعا عربية ممتازة بس اللى اعرفه ان كان فى مشكلة فى الفتيس

[Optiplex]

استازى الفاضل شكواك من العفشة فقط لا من العربية و دة انا شايفة من حاجة تخليك تغير عربيتك و ياريت تراجع على ضبط الهوا و ميزدش عن 30 كل اسبوع خصوصا فى الصيف الرقم بيزيد بسرعة و لو مش عجبك الهواء شوف النيتروجين بص نصيحة لو هاتغير لمجرد المطبات بلاشش و اكيد هاتبقى اهون من السيراتوو و احب اوضحللك معايا الا نسر و العفشة عادية مش ناعمة قوى و لا حاجة بس لما ضغط الهوا بيزيد طبعا بترزع يعنى عادى ما تحطش فى دمااغك ربنا يباركللك فيها

[S O P H O S]

الكورولا فتيس ايه لو جنوب افريقي
يبقي الصني متفرطش فيها

[Elsebily]

نفس المشكله عندي بحس بترزيع في المطبات والمشكله اني لما بيكون حد راكب معايا ويحس بالترزيع بيفتكر اني العيب مني بس مع احترامي لحضرتك الحوار ده مخلنيش افكر اني اغير العربيه لاني بصراحه العربيه اعتماديه وموضوع تغيير العربيه ده بيدخلك في دوامه تانيه وهي العربيه التانيه هتكون حالتها كويسه ولا لا ولو طلعت فيها مشاكل او عملتلك مشاكل هتلاقي نفسك ندمان فالاحسن خليك في اللي معاك مادام مفيش مشاكل وفي الغالب حوارات البدل وتدخيل العربيات في بعض دي بتكون فيها خساره مش قليله

[zambarota]

بعد الموضوع ده هاتدخل تنام طبعا وتحلم انك بتركب عربيات كتير غير الصنى

تنزل من العربيه دي وتركب العربيه دي وتقوه ياه ايه الحلاوه دي

وبعد كده تصحى من النوم وتنزل تركب عربيتك وتقول

وحشتينى اوي وتحضن الدريكسيون شويه وتدور وتمشى وانت سعيد

يوميات مالك سياره صني

[eslam3344]

انا داخل عشان احط مشاركه واحده بس المشكله لا هي فينا ولا في عربيتنا المشكله في الطرق انا عايز واحد يجيبلي طريق واحد في البلد دي من غير نقره انا واحد من الناس قربت ابيع العربيه واركب ميكروباصات بسبب الدائري اللي بيبتدي من الصحراوي الي يدان لبنان انا بجد خلاص جبت اخري وكل يوم اقول الحته دي فيها نقره بكره اجي من اليمين اجي بكره امشي يمين الاقي حفره اقول لا الشمال ارحم وهنا الاقي فاصل منيل اقول بكره هقف خالص واخده علي سرعة 5كم/س اجي اقف الاقي واحد جي من ورا طياره ولو وقفت هيشلني والطرق كلـــــــــــــــــــــــــهـــــــــــــــــا كده طب هنعمل ايه اوعي تفكر تبيع عربيتك عشان العفشه وفي النهايه احب اقولك

يا عزيزي كلنا هذا الرجل

[Sehsss]

للأسف كل الصني الشكل القديم كده، أنا رأيي ما تحطش في بالك وما تركزش هاتستريح

[wardet]

هى الطرق اللى وحشة
وممكن يكون نوع الكاوتش هو اللى ناشف
فبيدى احساس زيادة بالمطبات
انا عربيتى 2011 سوبر صالون حاسس بنفس الترزيع
بس قلت لو هغير هجيب ايه؟؟
دلوقت حرام تدفع فلوس فى حاجة اغلى من سعرها الاصلى 10 الاف جنيه
ولو هشوف مستعمل فعربيتى اللى معايا من الزيرو اولى
لانى مضمنش المستعمل يكون صاحبها عامل فيها ايه
من راي ما دام مش بتشتكى منها فى حاجات تانية خليها
العربية دى بجد مش هتتعوض
انا والدى معايا بومة 2013 بحس زى ما انت قلت عربية لعبة
اه ناعمة بس مش بحس بالثبات نهائياًَ
مع انى قبل ما اجيب الصنى كنت هموت واركب لانسر

[خالد عادل]

غير الهوا بنيتروجين واظبط الضغط وهتلاقي الدنيا احسن ... لو جبت حاجة انعم هتشتكي من ان بطن العربية بيحك في المطبات .. نعمل اية شوارعنا كدة

[SonaSteel]

ههههههههههههههههههههههههههههههههههههههههههه
صاحبي قاعد جنبي اهو باخد رأيه

بيقولي اقلك
"اشتري يابني سيراتو علشان تحس بالنعمة اللي انت فيها "
ههههههههههههههههههههه

هو معاه سيراتو 2009 هاي لاين :))

[Dr_MaTrix]

ههههههههههههههههههههههههههههههههههههههههههه
صاحبي قاعد جنبي اهو باخد رأيه

بيقولي اقلك
"اشتري يابني سيراتو علشان تحس بالنعمة اللي انت فيها "
ههههههههههههههههههههه

هو معاه سيراتو 2009 هاي لاين :))

ههههههههههههههههههههه للدرجة دى!!!!!!!!!!!!!

[m.ghanem]

على راى المثل انسا الدنيا ورايح بالك
زى ما قال لك الصديق اول يد احسن من المستعمل
بالنسبة للطرق احسن طريق شوفتة طريق المطار الداخلى
امشى مع الطائرات بس مش عارف ازاى هتراوح
ههههههه
كبر وشغل الكاست على الاخر وانت لا تحس بالطرق
رائ لا تغير وانتظر الفرج باذن الله

[miceg]

للاسف هي الصني كلها كده حتى السوبر صالون !!


لو الكورولا 2008 اللي مش فتيس mmt و حلوة و ضامنها توكل على الله ..

الف شكر ياحاج أحمد على مرورك الكريم

الصنى الجديدة انعم من القديمة وده بشهادة واحد صاحبى معاه القديمة سوبر صالون ...والتويوتا طبعا عربية ممتازة بس اللى اعرفه ان كان فى مشكلة فى الفتيس

فعلا ناس كتير واخده بالها من النقطة دي شكرا لأاهتمامك ودك

استازى الفاضل شكواك من العفشة فقط لا من العربية و دة انا شايفة من حاجة تخليك تغير عربيتك و ياريت تراجع على ضبط الهوا و ميزدش عن 30 كل اسبوع خصوصا فى الصيف الرقم بيزيد بسرعة و لو مش عجبك الهواء شوف النيتروجين بص نصيحة لو هاتغير لمجرد المطبات بلاشش و اكيد هاتبقى اهون من السيراتوو و احب اوضحللك معايا الا نسر و العفشة عادية مش ناعمة قوى و لا حاجة بس لما ضغط الهوا بيزيد طبعا بترزع يعنى عادى ما تحطش فى دمااغك ربنا يباركللك فيها

كلامك كله صح ولما بظبط ضغط الهواء اكيد الموضوع بيبقا أحسن

الكورولا فتيس ايه لو جنوب افريقي
يبقي الصني متفرطش فيها

بارك الله فيك فعلا المعلومة دي ناس كيت عارفاهاااااااا

نفس المشكله عندي بحس بترزيع في المطبات والمشكله اني لما بيكون حد راكب معايا ويحس بالترزيع بيفتكر اني العيب مني بس مع احترامي لحضرتك الحوار ده مخلنيش افكر اني اغير العربيه لاني بصراحه العربيه اعتماديه وموضوع تغيير العربيه ده بيدخلك في دوامه تانيه وهي العربيه التانيه هتكون حالتها كويسه ولا لا ولو طلعت فيها مشاكل او عملتلك مشاكل هتلاقي نفسك ندمان فالاحسن خليك في اللي معاك مادام مفيش مشاكل وفي الغالب حوارات البدل وتدخيل العربيات في بعض دي بتكون فيها خساره مش قليله

نورت التوبيك وعلى رأيك موضوع البدل خسارته كبيره لو مكنش فالفلوس ممكن يبقا في الحالة البديلة