صوت غريب في القاشقاي

[Mezox]

السلام عليكم يا شباب , أنا لسه مستلم قاشقاي جديد لسه مكملتش 150 كم

المهم في صوت تزييق كده بسمعه لما اكسر الدركسيون علي الاخر و العربية واقفة , يعني مثلا لو كسرت يمين علي الاخر بسمعه في العجلة اليمين و لما بكسر شمال علي الاخر بسمعة في العجلة الشمال , و هو مبيظهرش غير و العربية واقفة , و الصوت مش علي يعني لو قافل الشباك ماسمعوش لكن لو فاتح اسمعه , تفتكروا ممكن يبقي إيه

[Amr_Moh]

الكوتش؟؟

[Mezox]

لا مش صوت الكاوتش

[Mezox]

هو زي مايكون تكتكة

[MoRo12]

دا صوت الفرامل المفروض متلفش الدركسبون و انت واقف ولو عايز تتاكد هات العربية على n وجرب مش هاتسمع حاجة

[Mezox]

لا شايل رجلي من علي الفرامل و منزل فرامل اليد كمان وجايب ن

[م. حاتم السباعي]

اولا الف مبروك لحضرتك

و ان شاء الله نتشرف بيك بأنضمامك لنا في رابة ملاك القشقاي قريبا

و ممكن حضرتك تحجز في اي مركز قريب منك و تذهب سريعا للاطمئنان و توضح لمهندس الاستقبال الصوت جيدا و ان شاء الله تطلع حاجة بسيطة و تطمئننا

[eslam3344]

احب اضم صوتي للاستاذ حاتم حاول انت تسرع للكشف علي السياره في التوكيل وان شاء الله بسيطه وربنا يباركلك فيها ويكفيك شرها يا رب

[youssef_u]

لو الصوت وحضرتك دايس فرامل ده طبيعي غير كده يستحسن تحجز في اي مركز صيانة عشان لو لا قدر الله في حاجة يلحقولها من دلوقتي

[Mezox]

أنا بفكر استني لحد صيانة ال 1000

[Dr'AhmZZong]

إن شاء الله خييييييييير ..

اعمل 600 أو 700 كيلو و روح على طول ..

[Mezox]

أنا ناوي أعمل كده إن شاء الله , و إن شاء الله تكون حاجه بسيطه