حد فكر يركب مصدات على الإكصدام؟

[the_air_devil]

بسم الله الرحمن الرحيم

عندي سؤال يا شباب وهو ممكن يكون غريب ... فكرت في حماية العربية وقت الخطر من الهجمات المباغتة الخلفية من نوع (آسف أصلي ماخدتش بالي - ولا مش تفتح يا أخ انت اللي وقفت مرة واحدة)

وحماية العربية من قدام وقت ماحد يكسر عليك علشان ينزلك من عربيتك ويحاول يتعدى عليك ويسرقك ...

خصوصاً ان في حاجة زي كدة انا عامل حسابي اني هاخسر الاكصدام الأمامي علشان افدي بيه العربية كلها ... لكن فكرت في حل أقوى من كدة

حماية العربية من قدام وورا بمصدات حديدية قدام الاكصدام ...


هل حد من السادة ملاك الصني يقدر يفيدنا؟ وبالأخص هل حد يقدر يعمل حاجة زي كدة في الصني الجديدة ؟؟

وهل بالفعل علشان اركبه لازم يتلحم في الشاسيه ؟ يعني بشكل آخر ... وقت الخطر لا قدر الله الصدمة تأثيرها بيتنقل للشاسيه نفسه بدل الإكصدام؟


ولو فيه إمكانية الواحد يعمل حاجة زي كدة ... هل يستحسن يروح للجاهز زي اللي بيركب للجيب شيروكي والهيونداي ماتركس ولا يتعمل مخصوص؟ وفين ؟ وهل حد عنده فكرة عن التكلفة بشكل مبدأي؟؟


لكم جزيل الشكر جميعاً على قراءة الموضوع

تحياتي

[youssef_u]

متابع و معاك لو موجود ،،، بس وضعه مع المرور ؟؟

[Sehsss]

أولا.. موضوع الديفيندرات ده مخالف مروريا
ثانيا.. أشهر مكان بيعمل الموضوع ده للجيب، شارع شامبليون بوسط البلد

[abdulmoniem]

أنا نفسي أعرف حاجة واحدة .. ليه مخالف مرورياً .. الفميه مخالف .. والدفندرات مخالفة :d

هو إيه إللي مسموح .. ياريت الناس تفيدنا وتقولنا سبب المخالفة :)؟

[Sehsss]

أنا نفسي أعرف حاجة واحدة .. ليه مخالف مرورياً .. الفميه مخالف .. والدفندرات مخالفة :d

هو إيه إللي مسموح .. ياريت الناس تفيدنا وتقولنا سبب المخالفة :)؟

سبب المخالفة إن ممكن ناس تأذي بيه عربيات تانية، طبعا مش كل الناس أخلاقها كده، لكن أنا والله شفتها بعيني من كام سنة على المحور، واحد راكب لانوس رمى على عربية فرونتيرا مركبه ديفندرات، قام بتاع الفرونتيرا قعد يخبط فيه من ورا لحد ما وقعله الإكصدام وسابه ومشي

[abdulmoniem]

أه فهمت

إنتا عارف إن تلت تربع القوانين إللي في البلد دي سببها البشر إللي عايشين فيها.

يعني المعاملة والسلوك هو السبب الرئيسي في معظم القوانين والحواجز والقيود إللي بتتفرض علينا.

أبسط مثال: هنا لو اشتريت حاجة وجربتها بس .. يقولك مينفعش ترجعها حتى لو كان فيها إيه! نادراً جداً متلاقي مكان محترم يتفهم وجهة نظرك.

برة بقا: لما بشتري حاجة من أمازون وتجيلي مصر وأفتح العلبة ومتعجبنيش شكلها بكلمهم على ال live chat بيبعتولي جزء من فلوس السلعة مع اعتذار حار على الخطأ الفادح.

المشكلة فينا والله.

[Sehsss]

أه فهمت

إنتا عارف إن تلت تربع القوانين إللي في البلد دي سببها البشر إللي عايشين فيها.

يعني المعاملة والسلوك هو السبب الرئيسي في معظم القوانين والحواجز والقيود إللي بتتفرض علينا.

أبسط مثال: هنا لو اشتريت حاجة وجربتها بس .. يقولك مينفعش ترجعها حتى لو كان فيها إيه! نادراً جداً متلاقي مكان محترم يتفهم وجهة نظرك.

برة بقا: لما بشتري حاجة من أمازون وتجيلي مصر وأفتح العلبة ومتعجبنيش شكلها بكلمهم على ال live chat بيبعتولي جزء من فلوس السلعة مع اعتذار حار على الخطأ الفادح.

المشكلة فينا والله.

تماااااام.. حضرتك كده وصلت للنقطة الصحيحة، المشكلة في الاستخدام السىء

[mhf_77]

لو الشاسيه مش متخرمله فتحات عشان يركبو الديفندرات للاسف هتلحمه فى الشاسيه واعتقد الصنى زى باقى عربيات السيدان العاديه مش معمول حسابه فى الشاسيه وبيكون معمول حسابه بس فى عربيات 4x4 او الفان اوالشبيهه عندنا زى الكارينز والماتريكس

[Dr'AhmZZong]

يا سيييييييدي مش للدرجادي ..

[zambarota]

كنت زمان بسمع جمله كتيير جدا بتعجبنى

بدل ما الخواجه مش عامل حسابها يبقى متنفعش

[the_air_devil]

هو علشان الواحد بيروح بالليل على طرق ضلمة طويلة ومقطوعة ...والحمدلله ربنا قدرني ونفدت مرتين من محاولة ان حد يزنقك علشان ياخد عربيتك ... لكن باحاول اعمل حسابي علشان اتعامل بشكل أقوى من الهروب كمان ... وانا عارف كويس انها شكلها وحش وسيئ جداً وهايخلي العربية شبه النص نقل

[shady_hamdy]

مفيش حاجة صعبة هتركب و تتلحم فى نقاط قوى فى الشايسة من تحت بس شكلها هيكون شاذ جداااا

[youssef_u]

هو علشان الواحد بيروح بالليل على طرق ضلمة طويلة ومقطوعة ...والحمدلله ربنا قدرني ونفدت مرتين من محاولة ان حد يزنقك علشان ياخد عربيتك ... لكن باحاول اعمل حسابي علشان اتعامل بشكل أقوى من الهروب كمان ... وانا عارف كويس انها شكلها وحش وسيئ جداً وهايخلي العربية شبه النص نقل

حمدالله على السلامه يا باشا و ياريت تقولي الطرق دي قريبة من اكتوبر ولا فين ؟

[احمد نظمي]

اللي انا عارفه ان دا بيبقا في سيارات الشرطة ودا بيكون ليه مكان في الشاسيه وبيكون ليه فتحة في الصدام عشان يعدي منه الحديد للشاسيه
بس اكيد دا مخالف بس بصراحة نفسي اعمله لاني بشوف المطارادات الش طية بصراحة تحفه لو لاقيت حد بيعمله في مصر ياريت مش تبخل علينا ومش مهم المخالفه ههههه

[Ramy_2R]

هو ممنوع عشان خطر جدا جدا في حالة ول خبطت حد من المشاة
لأن تصميم العربيه معمول لجماية المشاه أصلا