مشكلة في النيسان صني 2010

[magicalsingle]

سلام عليكم

انا عندي مشكلة في النيسان الصني 2010 اوتو... بدأت انه الكهربا كانت واطية جدا و العربية ترجف و هي واقفة و سحبها كان تقيل جدا...
رحت عند كهربائي قالي ننظف الانجكتورز و كده و نضفها و رفع الكهربا شوية و اتظبطت يومين رجعت تاني رجعتله شافها و ظبطها شوية و مشيت اسبوع و رجعت تاني...
و المشكلة انها دلوقتي مش بتسحب. يعني ابقى بجري و مرة واحدة ايقى كأني مش دايس على البنزين اصلا. ال ار بي ام يبقى على 800 و العربية متسحبش. و ممكن تبطل كمان. و لازم ادوس جامد تروح مسقطة نقلتيين عشان تسحب تاني. زيت الفتيس مضبوط و لسه مغير زيت موبيل 10000... و مش عارف اعمل ايه بصراحة. العربية لسه معدية ال 22500 كيلو بس. ف يا ريت لو اي حد يقدر يساعدني في الموضوع ده اعرف ايه المشكلة ؟ شكرا جدا ليكو

[Dr'AhmZZong]

اكشف على اهم 3 حاجات دلوقتي :

1 . طلبمة البنزين ..

2 . كل الحساسات و الفلاتر ..

3 . ضفيرة الكهربا ..

[the_air_devil]

أعتقد حضرتك محتاج تروح التوكيل تكشف على ضفيرة الكهرباء ... وده هايأكده لو لقيت الآر بي إم وانت واقف بيتنطط لوحده طالع نازل ومش مظبوط

[blazer]

اتاكد من طرمبة البنزين لو العربيه اوقات تسحب واوقات متسحبش

[magicalsingle]

كل الحساسات و الفلاتر كشفت عليهم كويسين. و ضفيرة الكهرباء محدش قربلها من ساعة ما جبت العربية... بس انا هحجز في التوكيل عشان اتاكد من المشكلة و اشوف هيحصل ايه

[kokowasfy]

حساس الايدل بنسبة 90 % كانت عندى المشكلة دى روح التوكيل خليهم يكشفولك علية

[miceg]

خليك في التوكيل لان حرام بجد
حد يقعد يفتحلك فالعربية والعربية تعتبر جديدة

[Mostafa Hessen]

بالتوفيق
وياريت تقولنا السبب ايه اذا عرفت

[Sehsss]

شوف في التوكيل هايقولوا إيه، وهي غالبا طلمبة البنزين الموتور بتاعها ضعف

[magicalsingle]

يا جماعة انا متشكر ليكو كلكوا على الاهتمام و انا فعلا رحت التوكيل الي في الدراسة بصراحة الخدمة رائعة. اول حاجة قالولي تنظيف البوابات. و بعد ما نظفتها المشكلة استمرت و رجعتلهم قالولي دي ضفيرة الكهربا فيها عيب تصنيع و لازم تتغير... و اتغيرت على التوكيل و استلمتها النهاردة بس و ممشتش بيها كتير بس لغاية دلوقتي انا رحظت انهم ركبو كذا سنسور جديد عند الموتور و غيروا توصيلات كتير قدام عند الموتور او ورا في الشنطة... ربنا يسهل و تكون كده تمام. بس بجد الخدمة كويسة جدا هناك و محترمين جدا...