ملاك تيدا هاتشباك بفتحة سقف ارجو الدخول للأهمية

[centon]

السلام عليكم ورحمة الله وبركاته

جماعه انا حبيت اعمل موضوع ده بعد مالقيت ان فيه كذا واحد اشتكى من موضوع ده وحبيت اانا نجمع كلنا هنا ونشوف حل مع شركة نيسان

لملاك تيدا هاتشباك بفتحة سقف

هل اشتريت عربية جديدة و عند صيانة 1000 او 5000 لقت زنة او تزييق غريبة فى التابلوه على المطبات ؟
عندك زنة فى شنطة ؟
عندك مشكلة فى فتحة سقف تزييق على المطبات والحفر ؟
بتعانى من اصوات غريبة فى فيبر جوه عربيتك وانت ماشى ؟

طيب
و بعدين

أنا لاحظت ان فيه ناس هنا مش عدد قليل بيشتكى من مشاكل ديه خصوصا التابلوه وفتحة السقف
وفيه ناس زى بردو غيرو بطاحات ولسه المشكلة موجودة
الظاهر كدا ان مشكلة يا عيب صناعه يا عيب تقفيل
و برده مش من المنطقى ان واحد يشترى عربية ب 131 الف و يلاقى فيها مشكلة زى دى اكيد واحد هضايق خصوصا
ان مشكلة مش فى عربية واحدة مشكلة انها ف كذا عربية علما ان موديل عربيتى 2012
كل هدفى من الموضوع ااننا نجمع اكبر قدر من اللى بيعانى من المشكلة ونصعدها لنيسان لسببين مش اكتر
اولا علشان طبعا يحلو المشكلة دى لينا ولما نببقى عدد كبير ياخدو بعين الاعتبار وياخد اهميه
ثانيا علشان لو طلعت مشكلة دى عيب صناعه او تقفيل يتلاشوها فى الموديلات الجاية علشان اسم نيسان



ومع احترامى الكامل لشركة نيسان فانا شايف ان تقفيل التيدا المكسيكى
ينقصه بعض من عوامل الجودة وياريت اسمع راى الشباب هنا ونتفعال فى موضوع ده
وتقبلو تحياتى

[Dr_MaTrix]

بص انا ما ركبتش التيدا الا فى المعرض ........بس التقفيل كان باين انه ممتاز الصراحة بس مش هعرف احكم زى واحد معاه العربية.........بالتوفيق باذن الله فى حل المشكلة

[mabdelghany]

السلام عليكم ورحمة الله وبركاته

جماعه انا حبيت اعمل موضوع ده بعد مالقيت ان فيه كذا واحد اشتكى من موضوع ده وحبيت اانا نجمع كلنا هنا ونشوف حل مع شركة نيسان

لملاك تيدا هاتشباك بفتحة سقف

هل اشتريت عربية جديدة و عند صيانة 1000 او 5000 لقت زنة او تزييق غريبة فى التابلوه على المطبات ؟
عندك زنة فى شنطة ؟
عندك مشكلة فى فتحة سقف تزييق على المطبات والحفر ؟
بتعانى من اصوات غريبة فى فيبر جوه عربيتك وانت ماشى ؟

طيب
و بعدين

أنا لاحظت ان فيه ناس هنا مش عدد قليل بيشتكى من مشاكل ديه خصوصا التابلوه وفتحة السقف
وفيه ناس زى بردو غيرو بطاحات ولسه المشكلة موجودة
الظاهر كدا ان مشكلة يا عيب صناعه يا عيب تقفيل
و برده مش من المنطقى ان واحد يشترى عربية ب 131 الف و يلاقى فيها مشكلة زى دى اكيد واحد هضايق خصوصا
ان مشكلة مش فى عربية واحدة مشكلة انها ف كذا عربية علما ان موديل عربيتى 2012
كل هدفى من الموضوع ااننا نجمع اكبر قدر من اللى بيعانى من المشكلة ونصعدها لنيسان لسببين مش اكتر
اولا علشان طبعا يحلو المشكلة دى لينا ولما نببقى عدد كبير ياخدو بعين الاعتبار وياخد اهميه
ثانيا علشان لو طلعت مشكلة دى عيب صناعه او تقفيل يتلاشوها فى الموديلات الجاية علشان اسم نيسان



ومع احترامى الكامل لشركة نيسان فانا شايف ان تقفيل التيدا المكسيكى
ينقصه بعض من عوامل الجودة وياريت اسمع راى الشباب هنا ونتفعال فى موضوع ده
وتقبلو تحياتى

معاك في كل كلمة وأؤيدك بشده
انا معايا 2011 وكل اللي قلته عندي

[jojojojo]

للاسف ده عيب التيدا الكامله وع فكره المشكله ديه في كل عربيات التيدا اللي في مصر او بره مصر انا كنت في الخليج ولقيت كل التيدا الكامله فيها نفس المشكله اصوات التزييق ديه ولو حضرتك شوفت حد معاه تيدا مش الكمله هتلاقيها زي الفل ومفهاش اي حاجه وده العجيب في الموضوع

[sherifzein78]

هو انا معايا 2013 وفيه صوت تزيق بسيط فى التبلوه بس بسيط اوى لما تقفل الكاست والزجاج بس غير كده مفيش مشكله
وانا شايف ان السبب دا نتجيه ان تابلوه التيدا مقسم كذا قطعه مش قطعه واحده علشان يبقى فى سهوله فى الصيانه بس عموما انا معاكو فى موضوع الشكوى

[Dr'AhmZZong]

للاسف حتى التيدا الياباني كان فيها نفس التزييق ..

و هي مشكلة متفاوتة بين مالكين و مالكين من حيث قوة التزييق !

بس ديه مشكلة بسيطة و إن شاء الله ليها حل ..

[Sehsss]

المشكلة في إن التابلوه مقسم 3 أجزاء، هو ده اللي بيعمل الصوت

[Ramy Rateb]

طب معلش هل الصنى منتشر فيها نفس موضوع التزييق فى التابلوه لأنى ملاحظ صوت زنة عندى فى التابلوه

[youssef_u]

طب معلش هل الصنى منتشر فيها نفس موضوع التزييق فى التابلوه لأنى ملاحظ صوت زنة عندى فى التابلوه

بدأت اسمع صوت زنه خفيف هموت واحدد هو فين و شاكك من الحجات اللي في درج التابلوه

[د.محمدعبدالعال]

بدأت اسمع صوت زنه خفيف هموت واحدد هو فين و شاكك من الحجات اللي في درج التابلوه

أنا كمان لاحظت النهاردة بس ان فيه صوت زنة في التابلوه .. زي ما يكون السماعات شغالة .. احتمال يكون عشان كان فيه سي دي في الكاسيت .. رغم اني ماكنتش مشغله بس ما جاش في بالي وانا في العربية .. هجرب بكرة اشيل السي دي واشوف لسه الزنة موجودة ولا لأ

[Omar_4ever]

المشكلة مش في المكسيكي
انا معايا 2006 ياباني خليجي اول دفعة
وصوت التزييق في التابلوه موجود ، بيروح وبيجي ساعات

[mido_fn]

انا معاك يا فندم لاني فعلا بسمع كل الي قلته ده بالتمام ويمكن زيادة عليك صوت غريب من الفرامل لما بكون ماشي 120 فما فوق وافرمل كان صوت مولد كهربا بيقف وصوت تكة حديد لما بكون لافف الدريكسيون وبرجع لوضعه الطبيعي يا اما وانا راجع او وانا طالع قدام والتوكيل قالي بطاحات ولما تتغير هيوح واديها اتغيرت ومفيش اي فرق
فعلا في عيوب كبيرة في التقفيل والي هما مش عاوزين يعترفوا بيها اكيد لما الضمان يخلص هنبدا نعاني من سلسلة التغيرات
انا 2012 برده مكملتش معايا 7 شهور يا ريت ناخد خطوة فعلية ونتفق كلنا علي يوم نروح للتوكيل فيه

[beshoyyy]

تحياتي للجميع
هل المشاكل دية تعيب شراء السيارة علشان انا حاجز تيدا بقالي 3 شهور و مفروض استلم الايام دية فمحتاج راي الناس في حد ندم انة اشترى تيدا
و هل تقارن بالكوري اللي بنفس السعر ولا هي افضل منها
شكرا

[Nashaat Rady]

انا معاية الفئة التانية او زوجتي بالاصح.

و واضح ان انا وداني فيها حاجة، و لازم اروح اكشف...

انا الحمد لله مش بسمع حاجة الحمد لله حتي الآن. ٥٠٠٠كم... بمكن قدام شوية ابتدي اسمع مع كتر المطبات و خلافه، الله اعلم.

بس أي حاجة في شنطة العربية بيبقي صوتها واضح عشان ده هاتش باك زي ما قلنا..

بس عامتاً، تقفيل التيدا سواء الياباني او المكسيكي فقير سيكا و لكنه افضل من حاجات كتير تانية برده.

لكن انا مش شايف أنها مش مشكلة ولا حاجة قدام حاجات كتير قوي العربية ده بتديهالك، يكفي الامان.

تحياتي