مساعدة عاجلة فى الصنى الجديدة

[welo77]

يا جماعة الخير انا معايا صنى الجديدة عامل بيها تقريبا 1500 كم عملت صيانة الالف فى اوتو ايجبت ابو رواش المهم انى ركنتها يوم الاربعاء بليل زى الفل مفيش اى مشاكل. اليوم صباحا طالع بالعربية لقيت صوت تخبيط وتزييق جامد تحت رجلى انا مش عارف ده ممكن يكون ايه؟؟؟وايه الى ممكن اعمله؟ انا كنت رايح مشوار رجعت تانى وخفت امشى بيها كده؟؟؟

[youssef_u]

لاااااازم ترجع للتوكيل و امشي على مهلك و ممكن كمان تكلمهم لو ينفع يجيبولك ونش

[Sehsss]

كلم التوكيل فورا علشان ممكن تكون حاجة مفكوكة ولو مشيت بيها لا قدر الله تعمل مشكلة

[welo77]

يا جماعة انا متشكر جدا لرددوتكم . انا روحت لعفشجى جنب البيت وكشف على العربية وقالى ان العفشة تقريبا سايبة وربطها والحمد لله المشكلة اتحلت.شاكر جدا لسرعة ردودكم

[alex pharmacy]

عفشة سايبة في عربية زيرو عاملة 1500 كيلو ؟؟؟؟ لا وصيانة الالف المفروض فيها تربيط عفشة ؟؟؟ ايه التهريج ده !!!

[youssef_u]

يا جماعة انا متشكر جدا لرددوتكم . انا روحت لعفشجى جنب البيت وكشف على العربية وقالى ان العفشة تقريبا سايبة وربطها والحمد لله المشكلة اتحلت.شاكر جدا لسرعة ردودكم

ازاي بعد صيانة الالف تبقا العفشة سايبة اتصل بيهم و قدم شكوى و لو تقدر تروحلهم احسن روح ده اسمه استهتار ده ، افترض حضرتك عملت حادثة لا قدر الله بسبب الموضوع ده

[welo77]

ازاي بعد صيانة الالف تبقا العفشة سايبة اتصل بيهم و قدم شكوى و لو تقدر تروحلهم احسن روح ده اسمه استهتار ده ، افترض حضرتك عملت حادثة لا قدر الله بسبب الموضوع ده

والله عندك حق . بس تفتكر لما اروحلهم هيعملوا حاجة؟؟للاسف انا فقدت الثقة تماما فى كل توكيلات نيسان.على فكرة صيانة الالف مش اول صيانة انا ليه تجربة مع السبع اسوء من كده لما اعلنوا ان فيه صيانة مجانية للصنى الجديدة روحت للسبع وكنت عامل 500 كم فقط قالولى هناك الصيانة عبارة عن الكشف الكلى عن تقريبا اربع حجات منهم العفشة وكمان زيت وفلتر مجانى هتاخدهم معاك ولما تيجى صيانة الالف نغير الزيت قلت ماشى .وتابعت العربية دخلت الورشة العامل فتح الشنطة وحطلى الزيت والفلتر و خد العربية ولف الناحية التانية والعربية اتغسلت وطلعت بس كده وانا شايف قدامى كل حاجة محدش قالى بعد العربية ما طلعت سلمهالى مهندس الاستقبال قلتله محدش عمل حاجة فى العربية قالى انا هشوف مع مهندس الورشة وبعد كده مشفتوش تانى . واتصلت بنيسان واشتكيت والسبع نفسهم اتصلو ا بيه تانى عشان يشوفوا اخبار الصيانة قلت كل الى نفسى فيه وبعدين قلت لا فى صيانة الالف لازم اروح اوتوايجبت مش مهم المشوار الاهم الحفاظ على العربية .وديه كانت النتيجة يمكن علشان انا لما روحت المرتين كان فيه عروض وزحمة الله اعلم بس ده عمره ما كان مبرر

[youssef_u]

والله عندك حق . بس تفتكر لما اروحلهم هيعملوا حاجة؟؟للاسف انا فقدت الثقة تماما فى كل توكيلات نيسان.على فكرة صيانة الالف مش اول صيانة انا ليه تجربة مع السبع اسوء من كده لما اعلنوا ان فيه صيانة مجانية للصنى الجديدة روحت للسبع وكنت عامل 500 كم فقط قالولى هناك الصيانة عبارة عن الكشف الكلى عن تقريبا اربع حجات منهم العفشة وكمان زيت وفلتر مجانى هتاخدهم معاك ولما تيجى صيانة الالف نغير الزيت قلت ماشى .وتابعت العربية دخلت الورشة العامل فتح الشنطة وحطلى الزيت والفلتر و خد العربية ولف الناحية التانية والعربية اتغسلت وطلعت بس كده وانا شايف قدامى كل حاجة محدش قالى بعد العربية ما طلعت سلمهالى مهندس الاستقبال قلتله محدش عمل حاجة فى العربية قالى انا هشوف مع مهندس الورشة وبعد كده مشفتوش تانى . واتصلت بنيسان واشتكيت والسبع نفسهم اتصلو ا بيه تانى عشان يشوفوا اخبار الصيانة قلت كل الى نفسى فيه وبعدين قلت لا فى صيانة الالف لازم اروح اوتوايجبت مش مهم المشوار الاهم الحفاظ على العربية .وديه كانت النتيجة يمكن علشان انا لما روحت المرتين كان فيه عروض وزحمة الله اعلم بس ده عمره ما كان مبرر

انا عايز حضرتك تشتكي وتكبر الموضوع لان شكلهم دلوقتي بقوا متساهلين و مفيش رقابة عالورش زي الاول ، ممكن لو حضرتك كبرت الموضوع يصحوا تاني و ياخدوا بالهم ،،، الحمدلله طلعت حاجة بسيطة و العربية سليمه بس ممكن واحد غيرك يعمل حادثة بسبب الاستهتار ده .

[د.محمدعبدالعال]

اتصل على الرقم ده 16244 .. ده خدمة عملاء نيسان ايجيبت .. وقدم شكوى وخد رقم الشكوى .. ويا ريت حد من نيسان تيم يخاطب أوتو ايجيبت لأن واضح قوي ان مستواهم تدنى في الفترة الأخيرة وتكرار الشكاوى من أكتر من عضو معناه انهم مبقوش مهتمين زي الأول .. لأن إذا كان فيه أعضاء كتير في المنتدى هنا اشتكوا أكيد فيه كتير عملاء من مالكي نيسان ومش أعضاء في المنتدى هنا عندهم شكاوى أخرى ...

[saint2011]

هو فيه أيه يا جماعة أتو إيجيبت جرى فيها ايه ليه الناس لما تنجح مبتعرفش تحافظ على النجاح ده والكيرف يهبط للمستوى ده أزاى عربية زيرو ماشية وعفشتها مفكوكة يا 100 خسارة على أتو إيجيبت

[canner]

اتمنى من الله تعالى ان يوجد فى اوتو ايجيبت خاصة و نبسان عامة رقابة صارمة حتى لا يتدنى المستوى و خاصة ان النجاح و الاقبال الشديد بيضر صاحبه مش بينفعه

[welo77]

انا كلمت نيسان وقدمت شكوى وهم قالو انهم هيكلمونى تانى علشان اتابع معاهم واخد رقم الشكوى. الله المستعان احنا بنعمل الى علينا علشان الموضوع ده ميتكررش تانى مع اى حد فى المستقبل ان شاء الله