عملت حادثه.. الحمد لله علي كل شيء

[dr_ahmed_kaf]

ألف سلامة على والدتك و ربنا يشفيها و حمدا لله على سلامتك و الحمد لله إنها جت على أد كدة. بالنسبة للعربية أنا رأيي تعمل مقايسة بالتوكيل و تشتري الحاجات اللي لازم تتغير و تعملها عند حد كويس برة التوكيل هتخلص أسرع و بكلفة أقل بكتير و فى مراكز برة التوكيل نضيفة جدا و شغلهم ممتاز. و ربنا يعينك و يشفي والدتك و يعوض عليك.

[hatemfox2005]

الف سلامه وربنا يعوض عليك

[jojojojo]

قدر الله وما شاء فعل وربنا يقوم والدتك بالسلامه يارب ورب ضاره نافعه ودرس ده علمك انك بعد كده تمشي علي مهلك وان شاء الله والدتك تقوم بالسلامه ويشيفيها يارب والعربيه برضه ترجع زي الاول واحسن ان شاء الله بس هوه السؤال الايرباج مفتحش معاك

[mem]

الف حمد الله على سلامتكما
والحمد لله انها جت على اد كده وقدر الله وما شاء فعل
ويارب الشفاء العاجل لوالده حضرتك وتقوم بالف سلامه باذن الله
وبالنسبه للتصليح انا ممكن اساعد حضرتك فيه انا كنت عامل موضوع هنا
كانت عربيه صديق لى عملت حادثه وكان متامن عليها وطلعت مقايسه التوكيل 90 الف جنيه فالمبلغ
مبالغ فيه جدااا
فرفضنا عملها بالتوكيل وقررنا نعملها بره وبعد سؤال توصلت لناس متخصصه
والحمد لله العربيه خلصت وفاضل فنش بسيط والعربيه رجعت زى الاول بالظبط
ولا كان حصل فيها اى حاجه
وده رابط الموضوع بتاعى

http://www.nilemotors.net/Nile/338839-90.html

[eng-aggour]

قدر الله وما شاء فعل وربنا يقوم والدتك بالسلامه يارب ورب ضاره نافعه ودرس ده علمك انك بعد كده تمشي علي مهلك وان شاء الله والدتك تقوم بالسلامه ويشيفيها يارب والعربيه برضه ترجع زي الاول واحسن ان شاء الله بس هوه السؤال الايرباج مفتحش معاك

ما هو ده اللي هيجنني يا باشا ...ان الايرباج مفتحش ...لا بتاعي ولا بتاع والدتي

[youssef_u]

ما هو ده اللي هيجنني يا باشا ...ان الايرباج مفتحش ...لا بتاعي ولا بتاع والدتي

تلاقي الخبطة موصلتش للحساس بتاعه ، وخلي بالك الايرباج الواحد ممكن تمنه يوصل ١٦ الف جنيه

[eng-aggour]

دي الصور :

/imageshack.us/photo/my-images/580/photo0572i.jpg
/imageshack.us/photo/my-images/705/photo0574m.jpg
/imageshack.us/photo/my-images/837/photo0573o.jpg

[lanos2004]

ربنا يشفى والدتك ان شاء الله

[Sehsss]

شكرا يا باشا علي الرد ...
ممكن اعرف ليه شغل السمكره والدوكو افضل بره ؟؟؟؟

العفو..
التوكيل بيفك ويركب وحتى لو بيعمل سمكرة الصنايعية عنده بيبقوا دون المستوى عكس بره

[youssef_u]

دي الصور للتسهيل عالاعضاء بعد اذن صاحب الصور و الموضوع

[khaled.elameer]

اللهم اشفى والدتك شفاءاً لا يغادر سقما و فداك إن شاء الله

[محمد ابراهيم 1]

الحمد لله على السلامة والنجاة وقدر الله وما شاء فعل وربنا يتم شفاء الوادلة على خير وسلام

[Eng.Peter]

الف سلامة على والدتك

[gold_777]

الحمد لله على سلامتك
وربنا يشفى والدتك
ولكن لا تحمل نفسك ذنب اللى حصل للست الولاده
ربنا مقدر لها ذلك
ومش مشكله السياره
والله العظيم أهم حاجه فى الدنيا والى شى نعمة الصحه
طبعا بعد نعمة الاسلام
فلا تحز ن
أنا والله أول يوم جبت فيه السياره خبطت من الأكصدام والرفرفرف
عادى أنا قولت الحمد لله فى ألف داهيه الحديد يغور
أهم حاجه أنا سليم
أنت ممكن تجيب 100 عربيه لكن لا قدر الله لو شى حصل فى جسمك مش هيتعوض

[MITSUKERO]

السلام عليكم :
انا اسمي كريم ومعايا صني الجديده
عملت حادثه والحمد لله .. والدتي بس هيا اللي دراعها اتكسر (ودي حاجه انا مش قادر اسامح نفسي عليها وهعيش بالذنب ده طول حياتي )
انا كنت عايز اقول حاجتين بالضبط ....رجاء .... واستفسار
الرجاء : مش هقول في التاني السلامه والقصه دي كلنا عارفينها بس كل اللي هقوله ان مكنتش خايف علي نفسك خاف علي اللي معاك في العربيه لان هتحس بشعور ذنب سيء سيء
انا مش هحكي القصه بالتفاصيل بس هقول بسرعه كده اللي حصل :
هو طبيعي انهم اما يعملو مطب علي طريق في حته ضلمه يحطو كاوتش ترله كبير كده علي المطب ....

انت حافظ الطريق تقريبا حته حته والله يا جماعه تقريبا عارف كل الحفر اللي علي الطريق وطبات الهوا كمان
المهم انا دخلت في الكاوتش ده ومعرفتش افاديه لان كانت فيه عربيه سابقاني علي اليمين (اللي هو مفيهوش الكاوتش ) والمشكله ان اليي ادامي ده كان ماشي بسرعه ولا بيدي حتي انتظار ولا لحقت حتي اشوف لمبة الفرامل ولا المطب ولا الكاوتش .... المهم هيا كذا حاجه كده حصلت مع بعض وطبعا انا المخطيء بدون اي تبرير لان السرعه العاليه دي يا جماعه مبتلحقش تعمل معاها حاجه حتي لو كنت معلم في السواقه ...علي فكره انا كنت معدي ال100 بحاجه بسيطه ....المهم مش هكذب وهقول اني فاكر حاجه لاني فعلا مش فاكر حاجه بعد ما شوفت الكاوتش ...كابوس اقرب للخيال او الحلم من الواقع .... المهم انا دخلت في الحتت الخرسانه اللي فاصله الطريق رايح جاي وتقريبا المطب والكاوتش رفع العربيه فدخلت فيه بزاويه كده ...تقريبا الكواتش بتاع العربيه هو اللي شال الخبطه الاولانيه لان لسه معلم علي بلوكات الخرسانه دي وبعدين العربيه راحت علي يمين الطريق ودخلت في شجره برضه من قدام من عند الفانوس كده لغاية الاشاره اللي في جنب العربيه ودي الخبطه اللي كسرت دراع والدتي ....
الاستفسار : دلوقتي انا اعمل ايه في العربيه .... (انا مش مامن علي العربيه)
اللي السمكري قالهولي ان المقصات اتكسرت والعفشه طبعا من مساعدين وكبالن و كمان الرفارف والعجل طبعا والكرتير اخرم بس قالي الماكينه متلمستش ولا الكمبيوتر والبطاريه والنور كمان كان شغال والزجاج شغال ...(العربيه علي فكره تانتها شغاله لغاية اما الناس بطلتها لما خرجتني ...
انا هحاول اصور العربيه واوريها للناس اللي هنا بس اما افوق الاول لان لسه والدتي هتعمل عمليه في اليومين الجايين
السؤال بقي ...هل قطع غيار الصني الشكل الجديد موجوده بره التوكيل ولا جوه التوكيل واصلح العربيه فين
يا ريت الناس تقولي اعمل ايه لان انا اول مره اعمل حادثه ومعرفش جامد في العربيات
؟؟؟سبحان الله انا لسه كنت عامل للعربيه صيانة الالف كيلو (مستلم العربيه في اخر شهر 12 اللي فات)
الحمد لله علي كل شيء
ارجوكم الدعاء لوالدتي بالشفاء

ربنا يشفي والدتك بجد شعور صعب

متزعلشي نفسك و ربنا يسهل و تصلحها

الحادث كان فين ؟ معلش سؤال غريب بس اظن اني شوفت حادث اخوه في المنوفية عربية صني سودة عند قرية اسمها شنوان ؟ كنت معدي من هناك و نفس الحادث بتاعك بالظبط

لو كده قولي و انا اقولك علي كذا صنايعي كويس في المكان اللي هناك و ربنا يعوضك خير