تأخر تسليم نيسان سوبر صالون

[أسامه على]

مساء الخير ياجماعة الخير أنا شاكر لكم مشاركاتكم ومجهوداتكم الفعالة التى هى مفيدة جدا وأنا شخصيا إستفدت منها كثير ولى إستفسار هنا
أنا حاجز سيارة نيسان سوبر صالون منذ فترة منذ شهر يناير وقالو لى التسليم فى حد أقصى 3شهور وطبعا عدوا خلاص ولم أستلم حتى تاريخه وعند الإتصال والمتابعة الرد الوحيد لسه ربنا يسهل وهكذا
هل هناك أحد عنده معلومة عن سبب تأخير تسليم سيارات سوبر صالون الشكل الجديد وهل هناك مشاكل فى التصنيع هى سبب التأخير ؟؟؟؟؟؟ ولكم جزيل الشكر.

[miceg]

مين اللي قالولك ؟
برجاء ذكر اسم المعرض
للاستفاده من تجارب الاعضاء

[saint2011]

هو حضرتك حاجز مع مين موزع معتمد ولا معرض عادى

[أسامه على]

موزع معتمد طبعا ياجماعة طبعا ماهو إنتوا أكيد عارفين إن المعرض العادى بيضع أوفر برايز وبيسلم فورى

[youssef_u]

انا حجزت السوبرصالون اول يوم نزلت فيه واستلمت بعد ٣ شهور ونص

[youssef_u]

انا حجزت السوبرصالون اول يوم نزلت فيه واستلمت بعد ٣ شهور ونص

[youssef_u]

انا حجزت السوبرصالون اول يوم نزلت فيه واستلمت بعد ٣ شهور ونص

[Ahmed.TV]

هو اولا كل تاخيرة وفيها خيرة
وطالما حضرتك صابر كدا .. فا ان شاء الله خير

بس بردوا كدا انت اتاخرت اوى .. لان من يناير لدلوقتى كتير

اللى بيحجز صنى الجديدة بالكتير لو اتاخر بيكون شهرين

وياريت تقولنا اسم المعرض يمكن نساعد

[vergelmer]

انا حاجز سوبر صالون يوم 4/1/2013 و لحد النهاردة لسة ما استلمتش و الواحد زهق من الحج - انا خلاص جالى الضغط

و الكلام الاخير بيوقولوا بعد شم النسيم
و انا بايع عربيتى بقالى اسبوع و كلام زى اه الورق قرب يجى - كلمنى يوم الاثنين - ان شاء الله حوفرهالك بس المصنع بيعمل جرد
بعد شم النسيم و التأخير مش من عندنا و ان فى اربع حالات يس هما اللى عندهم المشكلة ديه و انا واحد منهم
حسبى الله و نعم الوكيل
المهم كان فى مشاركة من احد الاعضاء انه عقبال ما خلص اجراءات القرض كان دورة خلاص عدى وقالولوا استنى 3 شهور تانى - و المندب المبجل اللى باعلى قالى لا هيا بالكتير اسبوع على يوم الثلاثاء بالكتير- قلت خلاص بدل ما يضيع عليا الدور انا ابتدى ابيع عبيتى و ازبط نفسى علشان ما اتاخرش-و بعدين طلع الموضوع ان حافضل 3 اسابيع بزمر ماشى على رجليا
و يا عالم العربية حتوصل بعد شم النسيم ولا لاء
من الاخر مع الاحترام لقسم نيسان و المنتدى المحترم اللى كان اكبر دافع انى اشترى النسيان الصنى و مجموعة الاعضاء المحترمين بالمشاركات المفيدة جداً
انا فعلا نادمان - بس معلش انا اللى غلطان
و دة اللينك بتاع اول موضوع ليا

http://www.nilemotors.net/Nile/349960-4-1-2013-a.html

[amr011111]

هوه طالما بقالك 3 شهور ونص مستنى يبقى مش فارقه لما تستنى شهر كمان بدل ما تضيع عليك المده اللى فاتت
بس الغريب ان الصنى فى المعارض بره مرطرطه واستلام فورى وبدون اوفر برايس واحيانا بتاخدها اقل من سعر الوكيل. بس بصراحه حاجز من يناير ولما تيجى تستلم الله اعلم اللون هيبقى متوفر ولا والفتره اللى فاتت ديه لو حصل زياده فى سعر العربيه تتحمله فكان الاحسن تخدها من اى معرض كبير

[vergelmer]

كان لازم اتحمل ثمن الاوفر برايس و اخلص نفسى ساعتها -
اهو الواحد قال يوفر و فى الاخر ما هى جت على دماغى
من الاخر الواحد اتعلم - هيين قرشك و لا تهين نفسك
بفلوسى حمل و شيل - انا اية اللى خلانى معذب نفسى و كل شوية لاء بكرة اصل لسة الورق ماجاش
ده فى جرد و لسة ماوصليتش
و تكسيات و مرمطة لاء و كمان الجو بقى حر

[amr011111]

كان لازم اتحمل ثمن الاوفر برايس و اخلص نفسى ساعتها -
اهو الواحد قال يوفر و فى الاخر ما هى جت على دماغى
من الاخر الواحد اتعلم - هيين قرشك و لا تهين نفسك
بفلوسى حمل و شيل - انا اية اللى خلانى معذب نفسى و كل شوية لاء بكرة اصل لسة الورق ماجاش
ده فى جرد و لسة ماوصليتش
و تكسيات و مرمطة لاء و كمان الجو بقى حر

من الاخر اطلع على اى معرض وساعة الشراء بيتعمل معاك خصم كمان اقل من الوكيل

[Dr'AhmZZong]

إن شاء الله حضرتك كله هيتحل ..