إعـــــــلان

Collapse

.

,
See more
See less

ثــــبــــــات التيــــــــدا ؟؟؟ !!!

Collapse
X
 
  • Filter
  • الوقت
  • Show
Clear All
new posts

  • ثــــبــــــات التيــــــــدا ؟؟؟ !!!

    يا ريت يا جماعة حد يقولى الكلام الأكيد والنهائى فى ثبات التيدا

    , وعلشان يكون الكلام محدد فهل ثباتها قبل 130-140 ك
    (ودى سرعه كافية جدا ) بيكون زى

    جين 2 الماليزى - والفيات اللينيا الإيطالى - وأوبل كورسا

    الألمانى ولا أقل منهم رغم إنهم تقريبا فئة سعرية واحدة
    ماعدا الجين 2 أرخص بس فيه مشاكل فى تقفيلها المصرى والفرامل غير مجمع على إنها كويسة وكمان تكييفها ليه صوت مسموع ولكن ثباتها رائع


    نوضح أكتر وبإختصار التيدا لازقة فى الأرض وثابتة قوى
    ولا أقل من
    العربيات المكتوبة

    وممكن لسهولة الإجابة للأعضاء الكرام نقسمها للآتى :-

    ممتازة
    ......... ( ثباتها زى العربيات المكتوبة )
    جيدة ......... ( أقل حاجة بسيطة ومش هتحس بالفرق )
    متوسطة
    ......... ( فيه فرق بس متزنة على الطريق )


    ويا ريت نحسم الموضوع ده

    وطبعا أنتم عارفين أهمية الثبات لواحد لسه هيشترى أول عربية يسوقها فى حياته
    خاصة وإن الهاندلينج يعتمد على الثبات ويعتبر أهم حاجة بالنسبالى فى العربية ولأعضاء غيرى بيفضلوا الأوروبى لهذا السبب
    والتيدا العربية اليابانى الوحيدة فى الرنج ده اللى ممكن تتقارن بالأوروبى أو الجين 2 ( علشان أقدر أستفيد من مزايا اعتماديتها العالية وتوكيلها الكويس وقطع غيارها وبقية مواصفتها المجمع عليها من الكل - ناقص بس موضوع الثبات )

    رجاء أخير يا ريت الإجابة تبقى عن تجربة علشان دى شهادة ونصيحة بتقدمة لأخوك ومسئول عنها أمام الله
    وزى ما نبينا عليه الصلاة والسلام قال وعلمنا " لا يؤمن أحدكم حتى يحب لأخيه ما يحب لنفسه " ومحدش منكم يحب يدفع فى عربية الفلوس دى كلها وبعدين يحس بندم أو إنه خسران فيها وكان ممكن يجيب الأحسن

    الفقير إلى عفو ربه محمد عبد المجيد

  • #2
    متابع

    Comment


    • #3
      بدون تحيز إليك رائي.....

      التيدا في منتهي الثبات عند السرعات اللي انت طالبها....

      و لكن مثلها مثل جميع السيارات و أعني جميع السيارات، يجب الحذر في الطرق و الشوارع المصرية الجميلة...

      و أعني بذلك الآتي، مطبات هوا، نقر، حفر، ملفات عجيبة الشكل و اللون و خلافه...

      لا تطلب من أي سيارة ان تكون ثابتة مع العوامل دي...

      مثال: و هنا في المنتدي، عضو يقول الآتي: السيارة الفلانية ثباتها ضعيف جدا، تخيل كان ماشي علي ١٩٠ و مطب هوا خلي العربية تعوم و اتقلب و مات. ده عربيات تعبانة.

      كان تعليقي بسيط " والله ما انا رادد"

      بالنسبة للسيارات الأخري، لم أجربها قط.

      لكنها في النهاية سيارة خفيفة نسبياً - ١١٦٠ كج فارغة و ١٥٥٠ كج محملة للـhb.

      ولكن تصميم نظام التعليق ممتاز و بيتغلب علي خفة الوزن و كمان الإطارات اللي بتنزل بيها مناسبة علي حجمها و لا انصح التعريض

      تحياتي

      Comment


      • #4
        Nashaat Rady

        ممكن حضرتك تقولنا يعني إيه مطب هوا؟

        ساعات لما ببقى ماشي بسرعة عالية بس مش أوي على 120 مثلاً وفي هوا جامد وفي طريق صحراوي مفتوح .. بحس إن العربية ممكن تتمرجح مني ... أو بحس بكدة فعلاً

        عربيتي نيسان صني الجديدة 2013 .. سوبر صالون .. هل ده يعتبر مطب هوا؟ ومعلش لو سؤالي برة الموضوع

        Comment


        • #5
          أنا هلخص كلامي فيه جملة العربية معيا بقالها سنة ... ثابتة على أي سرعة لو مفيش هوا " رياح " لو فيه رياح بتبقى مرجيح بس كده

          Comment


          • #6
            المشاركة الأصلية كتبت بواسطة fouady مشاهدة المشاركة
            أنا هلخص كلامي فيه جملة العربية معيا بقالها سنة ... ثابتة على أي سرعة لو مفيش هوا " رياح " لو فيه رياح بتبقى مرجيح بس كده
            نيسان صني كدة برضه إللي معايا 2013 الشكل الجديد

            حضرتك ده طبيعي ؟ ولا لازم يتعالج بحاجة؟

            Comment


            • #7
              جيدة ..

              Comment


              • #8
                المشاركة الأصلية كتبت بواسطة abdulmoniem مشاهدة المشاركة
                nashaat rady

                ممكن حضرتك تقولنا يعني إيه مطب هوا؟

                ساعات لما ببقى ماشي بسرعة عالية بس مش أوي على 120 مثلاً وفي هوا جامد وفي طريق صحراوي مفتوح .. بحس إن العربية ممكن تتمرجح مني ... أو بحس بكدة فعلاً

                عربيتي نيسان صني الجديدة 2013 .. سوبر صالون .. هل ده يعتبر مطب هوا؟ ومعلش لو سؤالي برة الموضوع
                المطبات الهوائية في الدنيا كلها موجودة في الهواء و هو للطائرات و يحدث نتيجة اختلاف الكثافات.

                لكن، المصريين طبعاً جبابرة، اخترعوا مطبات هواء علي الارض كمان و هي كالآتي:

                ببساطه جزء اوطي من جزء في الطريق بمعنى اما الطريق يكون مستوي وانت ماشي عادي واذا فجأة تلاقي نفسك هوووووب نزلت لتحت كدا وطلعت تاني، كأنك في مراجيح مولد النبي او كأنك سايق في طاسة الطعمية بتاعة الشبراوي.

                هو متوفر ومنتشر بشكل كبير جدا وخطورته بتكون على الطرق السريعه اكبر وبالذات في الملفات لان العربيه ممكن تعوم منه

                بصوره اوضح الطريق فجأه بينزل عن مستواه بكل نعومة حوالي من 5سم الي ١٥ و ساعات ٢٠سم كمان و انت و نصيبك.

                و الدائري ابسط مثال.

                Comment


                • #9
                  المشاركة الأصلية كتبت بواسطة nashaat rady مشاهدة المشاركة
                  المطبات الهوائية في الدنيا كلها موجودة في الهواء و هو للطائرات و يحدث نتيجة اختلاف الكثافات.

                  لكن، المصريين طبعاً جبابرة، اخترعوا مطبات هواء علي الارض كمان و هي كالآتي:

                  ببساطه جزء اوطي من جزء في الطريق بمعنى اما الطريق يكون مستوي وانت ماشي عادي واذا فجأة تلاقي نفسك هوووووب نزلت لتحت كدا وطلعت تاني، كأنك في مراجيح مولد النبي او كأنك سايق في طاسة الطعمية بتاعة الشبراوي.

                  هو متوفر ومنتشر بشكل كبير جدا وخطورته بتكون على الطرق السريعه اكبر وبالذات في الملفات لان العربيه ممكن تعوم منه

                  بصوره اوضح الطريق فجأه بينزل عن مستواه بكل نعومة حوالي من 5سم الي ١٥ و ساعات ٢٠سم كمان و انت و نصيبك.

                  و الدائري ابسط مثال.
                  أه بعدي على الحاجات دي كتير .. وبطير في الهوا :d

                  Comment


                  • #10
                    المشاركة الأصلية كتبت بواسطة dr'ahmzzong مشاهدة المشاركة
                    جيدة ..
                    خير الكلام ما قل ودل
                    جيدة( أقل حاجة بسيطة ومش هتحس بالفرق )
                    شكرا لحضرتك
                    الفقير إلى عفو ربه محمد عبد المجيد

                    Comment


                    • #11
                      المشاركة الأصلية كتبت بواسطة Nashaat Rady مشاهدة المشاركة
                      بدون تحيز إليك رائي.....

                      التيدا في منتهي الثبات عند السرعات اللي انت طالبها....

                      بالنسبة للسيارات الأخري، لم أجربها قط.

                      لكنها في النهاية سيارة خفيفة نسبياً - ١١٦٠ كج فارغة و ١٥٥٠ كج محملة للـhb.

                      ولكن تصميم نظام التعليق ممتاز و بيتغلب علي خفة الوزن و كمان الإطارات اللي بتنزل بيها مناسبة علي حجمها و لا انصح التعريض

                      تحياتي


                      أنا بشكرك جدا لنشاطك فى المنتدى واهتمامك وامانتك فى الرد وده سمت أغلب الأعضاء الكرام زيك واللى المنتدى بيعتمد عليهم

                      بس عايز أوضح إن سمعة العربيات اللى أنا كاتبها فى الثبات عالية جدا وعندك الجين 2 نفس نظام تعليق المرسيدس
                      - Double Wishbone - الخلفى مستقل وسعرها أقل
                      وتخيل الاسبرانزا النيفى الجديدة Multi-Link ووزنها 1280 كيلو واللى اشتراها بيشكر فى ثباتها , وحتى الإمجراند 7 نفس الوزن وواخده أربعة من خمسة فى اختبارات الأمان الاوروبية
                      طبعا أنا لا يمكن أشترى صينى لأن عارف اعتمادية الموتور منخفضة بعد 100 ألف كيلو إذا كملهم

                      أما ثبات اللينيا والكورسا مفيش خلاف عليهم ووزنهم تقيل برضو وكلهم نفس ثمن التيدا تقريبا وشكلهم أحلى بس الشكل مشمهم أهم حاجة العربية نفسها

                      فالسؤال والتردد سببه زى ما وضحت إن العربيات المكتوبة ثمنها أقل أو نفس الرينج ولكن وزن وثبات ونظام تعليق أحسن بس مشاكلها فى التوكيل وقطع الغيار واعادة البيع

                      أما التيدا فثباتها هو مشكلتها الوحيدة وأى حاجة تانية ( ماتور - اعتمادية - وسع - كماليات - توكيل ... إلج ) كله كويس

                      وأكيد الواحد عايز يكسب كل حاجة مقابل الثمن الكبير اللى هيدفعه 140 ألف تقريبا , غير إن عربية بالثمن ده بصراحة كان لازم يكلفو نفسهم بخامات أثقل ونظام تعلق أحسن ويعرضوا الكوتش شويه ( من 195 لــ 205 ) وتبقى كده عربية وهم
                      , وهيه دى أصلا الحاجات المكلفة لأن تكنولوجيا الموتور تكلفتها بتكون مرة واحده قبل التصنيع

                      , وكمان مش مستحيل ده يحصل لو عملنا مقارنة بالعربيات الصينى المكتوبة ( من ناحية الوزن والتعليق فقططط ) ورغم كده أرخص النص لأن مش معقولة الصين هتغش فى الوزن أو التعليق بس مشاكلها فى حاجات تانية

                      واللى مزود الطينة بلة وحيرة إنى إذا لم أحسم أفضلية ثبات التيدا
                      يبقى لازم أدخل السيتروين سى إليزيه والبيجو 301 فى دماغى وأعمل مقارنة معاهم لأنهم نفس الوزن الخفيف نسبيا ونفس المزايا الأخرى فى الوسع والتقفيل والموتور والكماليا وخلافه

                      يا رب حضرتك والكل
                      يكون فهمنى وعرف سبب سؤالى وكتابتى للمشاركة دى وعلى فكرة أظن إن السوق والمنافسة هيفرضوا على نيسان وغيرها تعديل المسائل دى
                      الفقير إلى عفو ربه محمد عبد المجيد

                      Comment


                      • #12
                        المشاركة الأصلية كتبت بواسطة fouady مشاهدة المشاركة
                        أنا هلخص كلامي فيه جملة العربية معيا بقالها سنة ... ثابتة على أي سرعة لو مفيش هوا " رياح " لو فيه رياح بتبقى مرجيح بس كده
                        المختصر المفيد
                        شكرا لحضرتك
                        الفقير إلى عفو ربه محمد عبد المجيد

                        Comment


                        • #13
                          وحابب برضوا أنقل رد العضو المحترم ma8rabye فى مشاركته بالتقرير المصور عن التيدا كالآتى :

                          اكيد مش زي الالمانى كتقل ... بس احسن من اللانسر البومة بكتييييييييييير فى الوزن والملفات جدا .. واحسن من الاوبترا كمان انا مجربها على ١٥٠ واعدت العب بالدركسيون بتلم نفسها جامد اوى... بس مش فى تقل الالمانى .. ومجربتش الفيات صراحة او الجين تو
                          الفقير إلى عفو ربه محمد عبد المجيد

                          Comment


                          • #14
                            التيدا ثابته لاحد 165 بعد كده خطر

                            Comment


                            • #15
                              المشاركة الأصلية كتبت بواسطة sherifzein78 مشاهدة المشاركة
                              التيدا ثابته لاحد 165 بعد كده خطر
                              لحظة واحدة :d اشمعنه 165؟ تحديدا يعني!؟

                              عموما هى مش ثابته ولا حتى لـ130 وعامت مني على الدائري علي 120 !


                              العضو صاحب الموضوع لو عايز عربية ثابتة بلاش تيدا خالص وخليك في الفيات لينيا عربية ممتازة وثباتها
                              ممتاز

                              Comment

                              Working...
                              X