بقالى 93 يوم حاجز ........ فعلا زهقت

[D.Tarek]

بسم الله الرحمن الرحيم

زمان كنت فاكر لما الواحد يعوز يشتري عربية يروح المعرض كده ويتفرج زي الأفلام ويقولك يابيه وياباشا
وفي الآخر تنقي العربية اللى تعجبك وتاخدها وتروح
الحقيقة طلعت عكس كده تماما انت تروح تحجز ولو مش عاجبك الباب يفوت جمل وشروط في الأسعار وتوقيت الاستلام ذل بصراحه
الحمد لله ربنا كرمني وحجزت صني n16 موديل 2013
ده كان يوم الأربعاء 30/1/2013
وكانت لشركة قالتلي هتستلم خلال شهرين ونصف الى ثلاثة أشهر
في هذه الفترة ارتفع سعر السيارة من 95ألف الى97 ألف وقلت ماشي
دلوقتي الثلاثة أشهر عدوا ومفيش أي خبر عن العربية وأنا بصراحة زهقت
كل ما أكلم الشركة أو المندوب يقولوا لي ربنا يسهل لما دورك ييجي زي ما أكون في طابور العيش
ربنا يصلح حال البلد كل حاجه فيها صعبه حتى لو هتشتري عربية

لو حد من حضراتكم يقدر يساعدني ويقوللي أعل ايه أكون شاكر جدا
لأني مش حاسس بأي اهتمام وحاسس اني تليفوني ليهم تحصيل حاصل وملهوش لزمه
علما بأني حاجز في أوتو ايجيبت وانا من سوهاج يعني ماقدرش كل شوية أعدي عليهم

معلش حبيت أفضفض شويه شكرا لكل أعضاء القسم المحترمين

[M I D O]

بص يا باشا انت غلط كنت روحت اي معرض هتدفع اوفر برايس الفين تلاتة (( الي زادو بعدين )) وكنت استلمت عربيتك وانت واقف واخدتها وروحت كل الشركات بتاخر تسليم العملاء عشان بيسلمو للمعارض تبيع باوفر برايس نصيحة لو التسليم اتاخر شوف في اي معرض فرق السعر كام لو الف ولا الفين هاتها من اي معرض و انجز نفسك

[D.Tarek]

بص يا باشا انت غلط كنت روحت اي معرض هتدفع اوفر برايس الفين تلاتة (( الي زادو بعدين )) وكنت استلمت عربيتك وانت واقف واخدتها وروحت كل الشركات بتاخر تسليم العملاء عشان بيسلمو للمعارض تبيع باوفر برايس نصيحة لو التسليم اتاخر شوف في اي معرض فرق السعر كام لو الف ولا الفين هاتها من اي معرض و انجز نفسك

أنا فعلا عملت كده قبل ما أحجز بس أقل عرض وصلت له كان أزيد من ثمن السيارة ب 10 الاف جنيه وده بصراحة مبلغ كبير يخليني ممكن أستنى 3 شهور
عوما شكرا على مرورك وردك الكريم

[Ramy Rateb]

أنا كنت زي حضرتك حاجز لمدة كبيرة و عدت المدة اللى كنا متفقين عليها و برضه كل ما أكلم المعرض يقولى لسه .. فعملت التالى:
١- قدمت شكوى لنيسان مصر (١٦٢٤٤) و طالبتهم بمخاطبة المعرض لتحديد ميعاد استلام للعربية .. و فضلت متابع لهم كل يومين تلاتة .. للأسف كانت الأستجابة بطيئة.
٢- قدمت بعدها شكوى لنيسان الشرق الاوسط على الميل customercare@nissan-me.ae
و كتبت فيها اللى حصل من المعرض و رقم الشكوى الاولى فى نيسان مصر .. و بعدها بأسبوع المعرض كلمنى عشان استلم العربية .. و مندوب من شركة نيسان مصر كلمنى و ساب لى رقم تليفونه عشان لو حصل حاجة من المعرض اكلمه على طول.

معلش الموضوع متعب و هيأخد وقت معاك .. يمكن ربنا شايل لك الأحسن أو بيفادى حاجة وحشة عنك.
و بالتوفيق إن شاء الله

[D.Tarek]

أنا كنت زي حضرتك حاجز لمدة كبيرة و عدت المدة اللى كنا متفقين عليها و برضه كل ما أكلم المعرض يقولى لسه .. فعملت التالى:
١- قدمت شكوى لنيسان مصر (١٦٢٤٤) و طالبتهم بمخاطبة المعرض لتحديد ميعاد استلام للعربية .. و فضلت متابع لهم كل يومين تلاتة .. للأسف كانت الأستجابة بطيئة.
٢- قدمت بعدها شكوى لنيسان الشرق الاوسط على الميل customercare@nissan-me.ae
و كتبت فيها اللى حصل من المعرض و رقم الشكوى الاولى فى نيسان مصر .. و بعدها بأسبوع المعرض كلمنى عشان استلم العربية .. و مندوب من شركة نيسان مصر كلمنى و ساب لى رقم تليفونه عشان لو حصل حاجة من المعرض اكلمه على طول.

معلش الموضوع متعب و هيأخد وقت معاك .. يمكن ربنا شايل لك الأحسن أو بيفادى حاجة وحشة عنك.
و بالتوفيق إن شاء الله

شكرا جزيلا لك
سوف اتبع الخطوات بالترتيب
وربنا يقدم اللى فيه الخير

[KoKyKa]

و الله حاجة تفرح لما تلاقى أن ليك دعم. واهتمام من الشركة الأم اللى برة و عرفت تتابع فرعها اللى فئ مصر


بس ليه بنعمل فئ بعض كده ليه لازم كل حاجة تيجئ من برة

عموما أن بشجع فيك إصرارك على شراء العربية لأنها تستأهل مع انى معايا الشكل القديم بس أتمنى أن الشكل الجديد يرفع رأسنا زئ القديم.

[D.Tarek]

و الله حاجة تفرح لما تلاقى أن ليك دعم. واهتمام من الشركة الأم اللى برة و عرفت تتابع فرعها اللى فئ مصر


بس ليه بنعمل فئ بعض كده ليه لازم كل حاجة تيجئ من برة

عموما أن بشجع فيك إصرارك على شراء العربية لأنها تستأهل مع انى معايا الشكل القديم بس أتمنى أن الشكل الجديد يرفع رأسنا زئ القديم.

هي فعلا أحسن اختيار في الفئة السعرية دي
شكرا لمرورك الكريم

[vergelmer]

انا بقالى 4شهور بالتمام و الكمال و لسة ما اسلمتش
يمكن بعد شم النسيم

[amr011111]

يا جماعه انا كنت حاجز التيدا من الوكيل وطبعا مكتوب على الايصال ان سعر السياره على حسب ميعاد الاستلام
روحت جبتها من معرض كبير بره واقل من سعر الوكيل كمان
الصنى بره ماليه الدنيا فى المعارض معتقدش الاوفر برايس يوصل 10 الاف
طالما موجوده بكثره

[m.ghanem]

يا جماعه انا كنت حاجز التيدا من الوكيل وطبعا مكتوب على الايصال ان سعر السياره على حسب ميعاد الاستلام
روحت جبتها من معرض كبير بره واقل من سعر الوكيل كمان
الصنى بره ماليه الدنيا فى المعارض معتقدش الاوفر برايس يوصل 10 الاف
طالما موجوده بكثره

اولا هو فعلا سعرها بيترواح برة فى الزيادة من 4000 الى 6000 وتصل احيانا 10000 حسب كل معرض وتواجدها عندهم
حسب ما بلغك الصديق اعمل شكوى فى شركة نيسان الام
عشان ممكن بعض التوكيلات منتظرة الزيادة عشان يكسبوا من العميل

انا حصلت معى فى الزيادة الاخيرة ودفعت حوالى 5000 جنية فى اثناء الانتظار ولو كنت اشترتها من برة اول ما قﻵت الشراء كان الفرق فى سمير ريان حوالى 5000 معلش كله بمعياد
المهم انك لا تزهق اخى بس مش تسكت عن حقك

اما عن السعر على حسب يوم التعاقد
كل المعارض بتعمل كدة
بالتوفيق وان شاء الله الدولار يثبت لحد ما تاخذ عربيتك

[د.محمدعبدالعال]

النيو صني السوبر صالون في التوكيل ب 117 ألف وعند سمير ريان بالأوفر برايس ب 121 ألف

[m.ghanem]

النيو صني السوبر صالون في التوكيل ب 117 ألف وعند سمير ريان بالأوفر برايس ب 121 ألف

بعد اذنك يا دكتور
بعد كل هذا الوقت دة من لانتظار
خلية مع التوكيل
ويستفيد بى5000 جنية
دة رائى وهو الاختيار الاول والاخير لية طبعا
وشكرا

[toty_305]

-و لسه حضرتك هتنتظر تغيير التيل و ال Brake disks في الضمان و حاجات كتير فهم يكسبون حضرتك صفه الصبر

-لازم ننظر للمواضيع من زوايا مختلفه

[Yosef_azab]

أنا رأي تفضل مع التوكيل وتعمل زي الأخ الكريم ماقال لك تعمل شكوى
أنا جبتها من حوالي 6 شهور ودفعت أفر بريس في التوكيل 108 وهي كانت لو استنيت بـ 100
وندمت كتير إني عملت كده لان لو كنت استنيت الكام شهر دول كنت جبتها بـ 104 بس الحمدلله
غير كده أنا كنت عايز أجيب السوبر صالون وماكانتش لسة نزلت ولما سألت في التوكيل الراجل الله يسامحه قال لي لأ ده لسة قدامها بتاع شهرين تلاتة على مايفتحوا باب الحجز بتاعها واتفاجئت إنها نزلت بعدها بـأسبوع بالضبط
بس كنت خلاص جبت العربية فـأنا قصدي إنك متستعجلش وافضل وراهم وأكيد هانت اللي يخليك تستني 3 شهور يخليك تستنى شوية كمان وإن شاء الله تلاقيها جت بسرعة

[D.Tarek]

انا بقالى 4شهور بالتمام و الكمال و لسة ما اسلمتش
يمكن بعد شم النسيم

شكلها هترسى على كده

يا جماعه انا كنت حاجز التيدا من الوكيل وطبعا مكتوب على الايصال ان سعر السياره على حسب ميعاد الاستلام
روحت جبتها من معرض كبير بره واقل من سعر الوكيل كمان
الصنى بره ماليه الدنيا فى المعارض معتقدش الاوفر برايس يوصل 10 الاف
طالما موجوده بكثره

أقل سعر وصاتله كان over price حوالي 10000 جنيه

اولا هو فعلا سعرها بيترواح برة فى الزيادة من 4000 الى 6000 وتصل احيانا 10000 حسب كل معرض وتواجدها عندهم
حسب ما بلغك الصديق اعمل شكوى فى شركة نيسان الام
عشان ممكن بعض التوكيلات منتظرة الزيادة عشان يكسبوا من العميل

انا حصلت معى فى الزيادة الاخيرة ودفعت حوالى 5000 جنية فى اثناء الانتظار ولو كنت اشترتها من برة اول ما قﻵت الشراء كان الفرق فى سمير ريان حوالى 5000 معلش كله بمعياد
المهم انك لا تزهق اخى بس مش تسكت عن حقك

اما عن السعر على حسب يوم التعاقد
كل المعارض بتعمل كدة
بالتوفيق وان شاء الله الدولار يثبت لحد ما تاخذ عربيتك

ان شاء الله مش هسكت وراهم وراهم

النيو صني السوبر صالون في التوكيل ب 117 ألف وعند سمير ريان بالأوفر برايس ب 121 ألف

انا حاجز صني N16 اللى هي الشكل القديم

بعد اذنك يا دكتور
بعد كل هذا الوقت دة من لانتظار
خلية مع التوكيل
ويستفيد بى5000 جنية
دة رائى وهو الاختيار الاول والاخير لية طبعا
وشكرا

معاك في رأيك ياباشا هكمل معاه للآخر وربنا يقدم اللى فيه الخير

-و لسه حضرتك هتنتظر تغيير التيل و ال Brake disks في الضمان و حاجات كتير فهم يكسبون حضرتك صفه الصبر
ربنا يستر

-لازم ننظر للمواضيع من زوايا مختلفه

أنا رأي تفضل مع التوكيل وتعمل زي الأخ الكريم ماقال لك تعمل شكوى
أنا جبتها من حوالي 6 شهور ودفعت أفر بريس في التوكيل 108 وهي كانت لو استنيت بـ 100
وندمت كتير إني عملت كده لان لو كنت استنيت الكام شهر دول كنت جبتها بـ 104 بس الحمدلله
غير كده أنا كنت عايز أجيب السوبر صالون وماكانتش لسة نزلت ولما سألت في التوكيل الراجل الله يسامحه قال لي لأ ده لسة قدامها بتاع شهرين تلاتة على مايفتحوا باب الحجز بتاعها واتفاجئت إنها نزلت بعدها بـأسبوع بالضبط
بس كنت خلاص جبت العربية فـأنا قصدي إنك متستعجلش وافضل وراهم وأكيد هانت اللي يخليك تستني 3 شهور يخليك تستنى شوية كمان وإن شاء الله تلاقيها جت بسرعة

ربنا يبارك لك فيها ويرزقك خيرها ويكفيك شرها الحمد لله على كل شيء.... وانا معاهم للآخر

شكرا لكم جميعالردودكم الجميله رفعت من معنوياتي وزادت من اصراري على العربية كفايه الاقي اهتمام من ناس حلوين كده زيكم ... ربنا يبارك فيكم