تكلفه الحجز فى اوتو ايجيبت للكشف على العربيه

[theblackpirate]

السلام عليكم كنت عايز اعرف تكلفه الحجز فى اوتو ايجيبت عشان عايز اكشف على العربيه عشان فى صوت غريب بسمعه زى ميكون حاجه بتحك فى الارض فكنت عايز اعرف الكشف ده بيكون بكام علما ان العربيه فى الضمان

[KoKyKa]

مفيش حاجة اسمها تكلفة حجز

انت. بس بتتصل و هما بيدوك معااد و بتدفع حق المصنعيات

بس مش كده

بس عموما فئ مراكز كتيرة غير أوتو إيجبت. ممكن تكلمهم

[theblackpirate]

متشكر جدا على رد حضرتك

[m.ghanem]

باشا
ولا مصنعية ولا فلوس حجز انت زى ما الاخ بلغك تتصل وتقول لهم انى
عندى مشكلة فى كذا وعاوز اشيك عليها
ولو المشكلة طلعت بسبب العربية يبقا كل حاجة فى الضمان

انا كان عندى الولاعة لا تعمل من اول ما استلمت العربية
وبلغت التوكيل وشافوها وطلع العيب من القلب وغيروه بى108 فى الضمان
احنا اشترينا العربية بضمان ودفعنا فلوسة مع ثمن العربية
ودة حقك على الشركة ما دام العيب عيبهم وليس منك وليس اشياء خارج الضمان

ارجو ان اكون وضحت لحضرتك حقك فى الضمان

[theblackpirate]

انا النهرده روحت فعلا والناس هناك محترمه فعلا هو صحيح انا خدت العربيه بنفس العيب اللى كان فيها بس لما رجعتلهم تانى صلحوه بس برضو محترمين وركبولى صاجه التيل الخلفى اللى اندهشت من سعرها بصراحه انها ب4600 جنيه من غير ميقولوا حاجه وربطولى صاجه الشكمان اللى كانت سبب الصوت الغريب اللى بسمعه وانا ماشى على سرعات هاديه هو عامه توكيل جميل اوتو ايجيبت مشكلته الوحيده المشوار