تم بحمد الله رش الفبرة وظهور مشكلة اخري

[elmoski]

اسف علي التاخير نظرا لظروف الشغل...
المهم انا صاحب مضوع الفبرة اللي اتقشرت في عربيتي النيو صني و الحمد لله تم رشها علي الضمان في مركز احمد مرعي اسكندرية...

ولكن للاسف الواحد مش عارف يستمتع بالعربية نظرا لظهور مشكلة في سنتر الباب اليمين الامامي وهي انه مش بيستجيب للريموت اطلاقا ولازم اقفلة من جوة العربية مانيوال المهم حجزت تاني في مركز مر عي وقبل الموعد بيوم اشتغل السنتر و بقي طبيعي لوحدة....فقلت خلاص جايز حاجة كانت معلقة او كدة.... وعدي كام يوم كدة وكان لازم اروح علشان استلم الفبرة و اركبها بعد ماترشت المهم ونا رايح المركز الصبح لاقيت السنتر علق تاني فقلت كويس لان انا كدة كدة رايح المركز فهقولهم عليها.. اللي يغيظ اني
لما وصلت و المهندس بيبص قام رجع تاني و اشتغل..فقالي هاتلي العربية والسنتر قاطع يا باشا علشان اعرف اطلع العيب... يا تري ممكن ده يكون عيب ايه؟ علما باني مغسلتش العربية بمية او كدة

[mhf_77]

المهندس اللى قاللك كده بيتلكك ومش عايز يشتغل
لما السنتر بيعلق فى احد الابواب بيبقى المسوجر من جوه متعلق على سنه ( متشعبط) عشان كده بيلبس ويقفل ساعات وساعات تانيه بيهرب قولو فك ام فبرة الباب ( البطانه) وشبطو كويس (بيتو ) فى المجرى بتاعه يااسطه
قولو يااسطه ده ميستحقش لقب مهندس
الموضوع ده قرف اللى جابونى فى النيو اكسنت اللى كانت معايا ( لأن غبور باشا هو اللى بيركبه فى مصر) ومش هكمل

[a_arazik]

الف مبروك ..... بتوع التوكيل كلهم كدة بيتلككوا مبيتعبوش نفسهم

[Habd]

المهندس اللى قاللك كده بيتلكك ومش عايز يشتغل
لما السنتر بيعلق فى احد الابواب بيبقى المسوجر من جوه متعلق على سنه ( متشعبط) عشان كده بيلبس ويقفل ساعات وساعات تانيه بيهرب قولو فك ام فبرة الباب ( البطانه) وشبطو كويس (بيتو ) فى المجرى بتاعه يااسطه
قولو يااسطه ده ميستحقش لقب مهندس
الموضوع ده قرف اللى جابونى فى النيو اكسنت اللى كانت معايا ( لأن غبور باشا هو اللى بيركبه فى مصر) ومش هكمل

فعلا بيتلكك و ممكن يكون العيب ف سلك الكهرباء اللى بيتحكم ف لوك الباب مش عارف ده ف الصنى و لا لا لان حصلت معايا ف الاكسنت فعلا لان هبور بيه بيركب السنتر ف مصر و التقفيل المصرى سكة لا مؤاخذة كان السلك خارج من الباب و داقر ف سن الباب من تحت كان جدى اللى يرحمه يسند عالباب جامد فيجيبه لتحت بوزنه كله و هو فاتح الباب عالاخر فزى ما يكون السلك مشدود ع سكينه فالاول كان بيعلق زى عندك لما السلك كان نص نص و بعدين فصل خالص و حسبى الله عالتقفيل السلك حتى مش مطوله او مغطيه بشيكارتون حتى الموضوع مياخدش 5 دقايق

[youssef_u]

الف مبروك رش الفبرة و زي ما الاعضاء قالولك حل مشكلة السنتر

[HaNo_ELBeh]

ألف مبروك حل مشكله الفيبرا واعتقد ان مشكله السنتر بسيطه