افضل طريقةلتنظيف العربية من الخارج

[gha]

السلام عليكم الأخوة الافاضل ..انا بصراحة محتارة فى افضل طريقة للتنظيف اليومى والاسبوعى للعربية من الخارج خصوصا ان لونها اسود..فيه ناس بتقول بلاش خالص الفوطة الزفرة وناس تانية بتقول لازم تكون زفرة وإلا العربية مش ها تنظف وناس تقول لازم بالمياه وناس تقول المياه تخلى البرومة تضرب فيها وبلاش الخرطوم .... دا غير ان البواب بيعمل اللى هو شايفه............... بصراحة عايزة حد يقولى خطوات صح بحيث تحافظ على لون ولمعة الدهان ومن غير الباروما ما توصل ليها مع مراعاة اللون الاسود والتراب الرهيب اللى بنعانى منه فى كل مكان..عربيتى القديمة كان لونها مريحنى الى حد ما ..اما الاسود رغم انه جميل لكن واضح ان مشاكله كتير .

[hossam_elwani]

الغسيل بالخرطوم بدون ضغط ميه عالى اوى وتستخدم معاه شامبو واكس وادعيلى انا بعمل كده كل اسبوعين ومريح نفسى

بشرط مابجبش فوطه وامسح بيها على الناشف ابدااااااا

المسح على الناشف بحسه زى التجريح فى جلدى

يعنى من الغسله للغسله ودمتم

[amrwael12]

السلام عليكم الأخوة الافاضل ..انا بصراحة محتارة فى افضل طريقة للتنظيف اليومى والاسبوعى للعربية من الخارج خصوصا ان لونها اسود..فيه ناس بتقول بلاش خالص الفوطة الزفرة وناس تانية بتقول لازم تكون زفرة وإلا العربية مش ها تنظف وناس تقول لازم بالمياه وناس تقول المياه تخلى البرومة تضرب فيها وبلاش الخرطوم .... دا غير ان البواب بيعمل اللى هو شايفه............... بصراحة عايزة حد يقولى خطوات صح بحيث تحافظ على لون ولمعة الدهان ومن غير الباروما ما توصل ليها مع مراعاة اللون الاسود والتراب الرهيب اللى بنعانى منه فى كل مكان..عربيتى القديمة كان لونها مريحنى الى حد ما ..اما الاسود رغم انه جميل لكن واضح ان مشاكله كتير .

الصراحة انا كمان معايا لون اسود لكن انا يوميا بمسحها مرة الصبح بفوتة زفرة بتبقى ايه فابريكة
و بتفضل اه تلم تراب بس بليل بتفضل تمام اوى
و بغسلها مرة كل اسبوعين

[mmnagy]

مساء الفل يا باشا
انا عربيتى فضى فلو ملمعتهاش بتبقى جربانه
انا اول حاجة بشيل التراب بديل القطه علشان ميسنفرش البويه
وجبت فوطه microfibers من كرفور بتخليها فوله
قبلها كنت بعتمد على الفوطة الزفرة
ولو انت غاوى فى فوط اسمها جلد غزال غليه شويه بس تحفة

[dr.hazem]

هو افضل شئ للحفاظ على الدهان هو البوليش كل 6 شهور والواكس كل 3 شهور
البوليش للمعه والواكس للوقايه
ولو اتحط عالعربية واكس ممكن تتمسح كل يوم بفوطه مش زفره انما ميكرو فايبر والغسيل مره اسبوعيا بالميه مع الشامبو المخصص لعربيات وسلامتكم...


تحياتي

[m.ghanem]

لذيذ قوى اننا بنقول لبنت اذاى تغسل العربية
شكل الشباب بيغسل كويس فى البيت
لا انا بهزر معكم وزى اخوكم الكبير
بصى بقا يا ستى تجيبى استون وتلمعى الاظافر قصدى العجل
لا بهرج
ناتى اولا اللون ثم الصاج ثم اللمعان ةالتنظيف
بالنسبة للون الاسود يعتبر سيد الالون طبعا وقمة الشيكة هى الاسود والسوارية يفضل يكون اسود
يبقى اختيارك كان موفق بس حاله الجو هى اللى عاملة مشكلة
ثانيا الصاج طبعا الصاج معالج ضد عوامل الجو المختلفة واهمهم الرطوبة
بس مشكلة البرومة او تاكل الصاج امتى لما يبقا هناك سطح معرض لهذة العوامل
بمعنى وجود خدش او احتكاك ظهر الصاج
ياتى دور المياة هل هذة الاشياء موجودة عندك بمعنى ظهور اى جزء من الصاج
لو لا يبقى اغسلى كل يوم ولا يهمك
ولو اة يبقى بردة اغسلى كل يوم ولا يهمك
ولكن لازم تنشفى مكان وصول المياة للصاج جيدا مثل عمل الاستشوار لتجفيف الشعر
وهنا ياتى دور الفوطة يبقى نتكلم عن نوعين الزفرة والفوطة التى تنشفى بها
الفوطة زفرة اما لا لا يهم المهم هل هى خشنه ام ملساء لان بشرة اللون الاسود يظهر فيها اى احتكاك فى البواية
وكذلك فوطة التنشيف بعض الفوط ملساء واحسنهم جلد الغزال
لانها مستوى الاحتكاك اقل فيها
اعتقد كدة اتكلمنا فى جميع النقط
وعلى فكرة انا عمرى ما غسلت عربيتى وبجد بس دة معلومات عامة

اواعى ح يفتكر حاجة تانى بجد انا بغسل عربيتى كل شهر تقريبا فى البنزينة
ومحافظ على الغطاء والمسح عند واحد بيمسحه بفوطة بس فوطة بتاعت الحمام لان اللون عندى برونزى لا يهم كل ما تكلمت عنه

اسف لاطالة واى كلام كان تهريج بس لمجرد الداعبة
وشكرا لكم

[أحمد عبدالله]

هو افضل شئ للحفاظ على الدهان هو البوليش كل 6 شهور والواكس كل 3 شهور
البوليش للمعه والواكس للوقايه
ولو اتحط عالعربية واكس ممكن تتمسح كل يوم بفوطه مش زفره انما ميكرو فايبر والغسيل مره اسبوعيا بالميه مع الشامبو المخصص لعربيات وسلامتكم...


تحياتي

طيب ما هى افضل الانواع من البوليش والواكس وهل بعملها فى البنزينة ولا فين

[أحمد عبدالله]

ولو انت غاوى فى فوط اسمها جلد غزال غليه شويه بس تحفة

منين وبكام

[د.محمدعبدالعال]

أفضل حاجة عشان متبهدليش نفسك هاتي الفرشة اللي بتكون بيد وخلي أي حد في البنزينة يزفرهالك .. هتريحك الصبح في تنظيف العربية .. ولو فيه بواب ابقي اديله بقشيش شهري وخليه يمسح العربية كل يوم ويغسل الكاوتشات وريحي نفسك ..

[dr.hazem]

طيب ما هى افضل الانواع من البوليش والواكس وهل بعملها فى البنزينة ولا فين

افضل الانواع هو turtle لكنه قليل شويه
وفي number 7 ممتاز جدا ومتوفر
واما عن المكان فاما تتعب عليه وتعمله بنفسك يدوي....
او بتشتري جهاز بوليشر ب 250 جنيه وده سريع وهيخلي العربية كلها سوا واحد بس محتاج تتفرج على فيديوهات عشان تتعلم ازاي تستخدمه..
او محلات الكار كير...
او بعض البنزينات بس هيكلفك....


تحياتي

Sent from my LT18i using Forum Runner

[youssef_u]

بص يا باشا انا مشمع العربية و بمسحها بفوطه مبلوله بس للاسف بدأ يظهر عندي الدوائر اللي في البويه ،، نصيحة خرطوم ميه عادي و صابون و اديله

[el diesel]

شكرا لكل الشباب اللى ردوا فى الموضوع وبجد استفدت منكم واكيد صاحبة الموضوع استفادت

[gha]

شكرا لكم جميعا على حسن تعاونكم...وحقيقى استفدت من كلامكم.....جزاكم الله كل خير

[gha]

أفضل حاجة عشان متبهدليش نفسك هاتي الفرشة اللي بتكون بيد وخلي أي حد في البنزينة يزفرهالك .. هتريحك الصبح في تنظيف العربية .. ولو فيه بواب ابقي اديله بقشيش شهري وخليه يمسح العربية كل يوم ويغسل الكاوتشات وريحي نفسك ..

فى الحقيقة انا بسوق من أكتر من عشرين سنة ..وعربياتى ديما كانت الوان فاتحة واول مرة اشترى اسود....وبالفعل طول عمرى البواب هو اللى بيغسلها وينضفها...والمشكلة انه طبعا بيستخدم خرطوم مياه شديد..واثر على اخر عربية كانت معايا...وكمان بيمسح بالفوطة الزفرة ودى انا عرفت انها بتطفى لمعة اللون الأسود مع مرور الوقت لإن طبيعى الجاز بيزيل لمعة الدهان ....وهو مصر ان دى الطريقة الصح فا حبيت استفيد من خبرة السادة الافاضل فى المنتدى
...و هو له راتب شهرى للعناية بالعربيات .....وبالمناسبة فيه فرش زفرة بيد جاهزة ...وشكرا لرد حضرتك على الموضوع .

[gha]

لذيذ قوى اننا بنقول لبنت اذاى تغسل العربية
شكل الشباب بيغسل كويس فى البيت
لا انا بهزر معكم وزى اخوكم الكبير
بصى بقا يا ستى تجيبى استون وتلمعى الاظافر قصدى العجل
لا بهرج
ناتى اولا اللون ثم الصاج ثم اللمعان ةالتنظيف
بالنسبة للون الاسود يعتبر سيد الالون طبعا وقمة الشيكة هى الاسود والسوارية يفضل يكون اسود
يبقى اختيارك كان موفق بس حاله الجو هى اللى عاملة مشكلة
ثانيا الصاج طبعا الصاج معالج ضد عوامل الجو المختلفة واهمهم الرطوبة
بس مشكلة البرومة او تاكل الصاج امتى لما يبقا هناك سطح معرض لهذة العوامل
بمعنى وجود خدش او احتكاك ظهر الصاج
ياتى دور المياة هل هذة الاشياء موجودة عندك بمعنى ظهور اى جزء من الصاج
لو لا يبقى اغسلى كل يوم ولا يهمك
ولو اة يبقى بردة اغسلى كل يوم ولا يهمك
ولكن لازم تنشفى مكان وصول المياة للصاج جيدا مثل عمل الاستشوار لتجفيف الشعر
وهنا ياتى دور الفوطة يبقى نتكلم عن نوعين الزفرة والفوطة التى تنشفى بها
الفوطة زفرة اما لا لا يهم المهم هل هى خشنه ام ملساء لان بشرة اللون الاسود يظهر فيها اى احتكاك فى البواية
وكذلك فوطة التنشيف بعض الفوط ملساء واحسنهم جلد الغزال
لانها مستوى الاحتكاك اقل فيها
اعتقد كدة اتكلمنا فى جميع النقط
وعلى فكرة انا عمرى ما غسلت عربيتى وبجد بس دة معلومات عامة

اواعى ح يفتكر حاجة تانى بجد انا بغسل عربيتى كل شهر تقريبا فى البنزينة
ومحافظ على الغطاء والمسح عند واحد بيمسحه بفوطة بس فوطة بتاعت الحمام لان اللون عندى برونزى لا يهم كل ما تكلمت عنه

اسف لاطالة واى كلام كان تهريج بس لمجرد الداعبة
وشكرا لكم

شكرا على نصايح حضرتك...لكن بعض "الدعابات" على حد تعبيرك غير مناسبة