النور العالي للتيدا 2013 ضعيف

[karemshen]

شباب انا العربيه معايا عامله 1000 كيلو
بس من ساعت ما جبتها وانا حاسس ان النور العالي بتاعها ضعيف قووووي
يعني هو ما شاء الله يرمى مسافه بعيده وينور في ظهر العربيات اللي قدامى على مسافات حلو جدا
بس الطريق نفسه بقى (الاسفلت يعني ) مبيبقاش فيه قوة اضاءة زي النور الواطي
وخصوصا انا على الصحراوي والطريق مظلم ومفيش الحاجز الاسمنتى اللي بين الطريقين
وجيه واحد عكسي فاتح النور العالي بتاعه بحس انى مش شايف حاجه خالص وبضطر احيانا اني اهدى السرعه لغاية اما يعدي عشان اضمن انى اشوف طريقى
هو حد عنده مشكلة النور بتاعة التيدا دي ولا انا انا بس
وهل ليها حل

حاجه تانيه ياريت تقولولي عليها بردوا
انا السخان بتاع الزجاج الخلفي (التكثيف بتاع الزجاج الخلفى) وانا راجع على الطريق بالليل بردوا بيبقى الزجاج مشبر حاجه بسيطه قوووي
فتحته كذا مره مبلاقيهوش بيعمل حاجه غير حاجه بسيطه جدا فوق وتحت كل سلك وباقي الزجاج لا يحدث شئ
فايه نظامه معاكو بردوا

[youssef_u]

حاول تشوف رجلاش النور و موضوع السخان في الصيانه عشان الضمان والف مبروك عالعربيه

[د.محمدعبدالعال]

بالنسبة لسخان الزجاج الخلفي لو سيبته فترة شغال هتلاقيه بيوسع مساحة عمله أكتر من فوق وتحت كل سلك .. وبالنسبة لمشكلة النور برضه عندي نفس الحكاية في النيو صني .. تقريبا هما عاملينها كده لأن معروف طبعا إن الأنوار المبهرة خطر جدا على الطرق السريعة

[karemshen]

حاول تشوف رجلاش النور و موضوع السخان في الصيانه عشان الضمان والف مبروك عالعربيه

فين رجلاش النور ده ياباشا اعرف اعمل فيه انا حاجه ولا محتاج التوكيل .... لو تعرف مكانه قولي انزل اجربه حالا عشان الموضوع ده خانقنى جدا
والله يبارك فيك ويهديلنا كلنا عربياتنا والناس يارب :d

بالنسبة لسخان الزجاج الخلفي لو سيبته فترة شغال هتلاقيه بيوسع مساحة عمله أكتر من فوق وتحت كل سلك .. وبالنسبة لمشكلة النور برضه عندي نفس الحكاية في النيو صني .. تقريبا هما عاملينها كده لأن معروف طبعا إن الأنوار المبهرة خطر جدا على الطرق السريعة

لا على فكره يا باشا السخان انا سيبته نصف ساعه قبل كده زي ماهو تقريبا فيه حاجه عندي فيه
وبالنسبه للنور هو مش ضعيف زي ما انت متخيل هو قوي بس في عيون الناس اكتر من انه بينور الطريق

[mshmshm3]

النور مش ضعيف ولا حاجة و بدليل لو في عربية قدامك و فتحته بتلاقيه واضح جدا في العربية
ولو فتحته في وش اي عربية قصادك هتلاقيه قوي
و في الاول و الاخر التيدا اعتقد انها لمبة واحدة عالي و واطي
يعني لما تفتح العالي بتغير اتجاه الاضاءة في اللمبة لفوق
لو عايز تركز الاضاءة اكتر ممكن تركب عدسات
هاتحس بالفرق في النور الواطي

[Ahmed_selmy]

بص يا باشا النور فى التيدا تلات اضاءات:
1- اضاءة لما تلف بكرة النور اول تكه .....ودا بيكون ضعيف اوى يدوب يبين ان فيه عربيه موجوده
2-اضاءة عاليه لما بتلف البكره كمان لفه .....ودى المفروض بتبين الاسفلت على المدى القريب وهى دى اللى انا باستخدمها علطول.
3- اضاءة عاليه لما بتحرك الدراع بتاع الضوء الى الامام يعنى ناحية الموتور .....ودى تستخدم لاضاءة مسافه ابعد شويه ودى لا تحبز انها تكون شغاله علىطول لانها بتضرب فى عين اللى سايق فى الاتجاة المقابل, ولانها بتجيب مسافه ابعد فاضائتها ما بتبقاش مركزه زى رقم 2

اعتقد الحل الوحيد لو حضرتك عايز تعلى الاضاءة انك تغير نوع اللمبات , فى لمبات اعلا من كدا و طبعا يفضل انك تعمل الموضوع دا فى التوكيل علشان فى نوعيات قويه اوى بتحتاج كتاوت وحيتلعب فى الضفيره فعلشان متخرجش من الضمان.

والله اعلم