كأن العجله نايمه

[amr011111]

السلام عليكم ورحمة الله وبركاته

معى نيسان تيدا وانا ماشى على سرعة بطيئه فى شارع عادى مش متسفلت العربيه بتعمل صوت من الكوتش عامل كأنى ماشى على عجله نايمه

ولو ماشى على كوبرى بسرعه 60 ل 80 مثلا بحس ان العجله بتعمل صوت عند الفواصل
مش عارف ده عيب كاوتش ولا عفشه
وبصراحه مشوار الوكيل صعب

[riflemanhkr]

هى موديل كام ... و ايه نوع الكاوتش ؟

[the_air_devil]

أول حاجة بتكون ماشي على سرعة كام ؟؟ الكاوتش بيحتاج إعادة ترصيص لو دبدب أو غربل على سرعة من 80 لحد 120

تاني حاجة, اتأكد ان مافيش زلطة صغيرة محشورة جوة نقشة الكاوتش

تالت حاجة, بتبقى ماشي على أفصى اليمين أو أقصى الشمال في الطرق اللي سفلتتها مش قوي؟؟ لأن الأسفلت بيتجمع ويعمل مقبات صغيرة غير مرئية وبتظهر على السرعات البطيئة كما لو كانت عندك عجلة نايمة

رابع حاجة, لو كل الحاجات دي مش موجودة... ممكن تتأكد ان مافيش جنط عندك متطبق بسبب مطب ولا حاجة, لأن كدة مش طبيعي بالمرة لو الموضوع مستمر

[amr011111]

أول حاجة بتكون ماشي على سرعة كام ؟؟
الكاوتش بيحتاج إعادة ترصيص لو دبدب أو غربل على سرعة من 80 لحد 120

تاني حاجة, اتأكد ان مافيش زلطة صغيرة محشورة جوة نقشة الكاوتش

تالت حاجة, بتبقى ماشي على أفصى اليمين أو أقصى الشمال في الطرق اللي سفلتتها مش قوي؟؟ لأن الأسفلت بيتجمع ويعمل مقبات صغيرة غير مرئية وبتظهر على السرعات البطيئة كما لو كانت عندك عجلة نايمة

رابع حاجة, لو كل الحاجات دي مش موجودة... ممكن تتأكد ان مافيش جنط عندك متطبق بسبب مطب ولا حاجة, لأن كدة مش طبيعي بالمرة لو الموضوع مستمر

متشكر على اهتمامك والرد
فى السرعه البطيئه يعنى اقل من 10 كم /ساعه ( شارع مش متسفلت والصوت من العجله الشمال الخلفيه فقط ومكانش بيحصل كده الاول )