مفتاح العربيه الاساسي اتكسر !!

[bassol2000]

سلام عليكم اولاً .. انا حابب استفسر عن حاجه .. فى حاجه غبيه حصلتلي اوي .. هى نصيب و الحمدلله علي اى حال .. و ماحدش يسألني ازاى .. هى حصلت كده .. المفتاح كان فى ايد بنت اختى الصغير ووقع منه الريموت اتكسر الجزء اللى بيمسك فى الميداليه بتاعة المفاتيح ( بس شغال تمام و لزقته و ركبته تانى مافيش مشكله ) المفتاح الاساسي الاسود هو اللى اتكسر نصين ازاى ماعرفش و طبعا انا معايا المفتاح الاحتياطى ماشي بيه للاسف بس مش مرتاح خالص للموضوع ده
العربيه : نيسان صني
السنة : 2010
عاوز استفهم بقي انا لو روحت التوكيل و حابب اطلع مفتاحها الاساسي ( انا معايا المفتاح الاحتياطى و الريموت و الورق بتاع العربيه و رخصتها كلها بأسمي )
ايه النظام و حد مر بالتجربة دى قبل كده ولا انا اول واحد يحصله كده .. شكراً جزيلاً مقدماً

[aiman0173]

بيبقي فيه مع المفاتيح شريحة حديد صغيرة عليها رقم ، الرقم دا التوكيل من خلاله ممكن يطلع لحضرتك المفتاح ، دا على حسب ما انا متذكر

[أحمد عبدالله]

متابع

[moumen_hs]

ياباشا ريح دماغك وطلع على الاصلى حتى لو مكسور عند أى حد بتاع مفاتيح ب 10 جم أو خد المفتاح الاستبن والاصلى وهو يظبتهولك بحيت يبقى الاستبن زى الاصلى يفتح الشنطة بس افضل طلع على الاصلى وخلاص

[Magoda]

طلع على الاصلى ب 10ج زى ما الزملاء قالولك وفى واحد كويس جدا فى ميدان السواح

[mem]

عادى ممكن تعمله فى التوكيل ب 80 جنيه

[wardet]

اعتقد ان لو طلعت على المفتاح هيفتح العربية بس مش هيدورها

[EMO_ELNEMS]

يعني ايه يطلع على الأصلي عند اي حد بتاع مفاتيح
يعني تقصدوا لو واحد لاي ظرف وقع في ايده مفتاح العربية ممكن يطلع عليه عادي كده وبالتالي ممكن يفتح العربية ويسوقها وانا نايم في العسل
ياريت حد متاكد من المعلومة دي يوضحها ويفسرها لينا كلنا

[bassol2000]

انا هروح التوكيل فعلا ... بس الاسبوع الجاى عشان شقتي مطلعه عين ........ و سيراميك و بورسيلين و نيله .. الحمدلله على كل شئ قضاء اخف من آخر

[moumen_hs]

يعني ايه يطلع على الأصلي عند اي حد بتاع مفاتيح
يعني تقصدوا لو واحد لاي ظرف وقع في ايده مفتاح العربية ممكن يطلع عليه عادي كده وبالتالي ممكن يفتح العربية ويسوقها وانا نايم في العسل
ياريت حد متاكد من المعلومة دي يوضحها ويفسرها لينا كلنا

ايوة طبعا أمال الناس الى غيرت الكيت القديمة وعملة على المفتاح الاصلى فى الكيت الجديدة أزاى أنا عن نفسى مطلع مفتاحين أستبن وفترة كبيرة كنت شغال بيهم عادى جدا وسايب الاصلى فى البييت دة المفتاح المشفر بيطلعو علية عادى ولا أى أندهاشة

[moumen_hs]

يعني ايه يطلع على الأصلي عند اي حد بتاع مفاتيح
يعني تقصدوا لو واحد لاي ظرف وقع في ايده مفتاح العربية ممكن يطلع عليه عادي كده وبالتالي ممكن يفتح العربية ويسوقها وانا نايم في العسل
ياريت حد متاكد من المعلومة دي يوضحها ويفسرها لينا كلنا

ايوة طبعا أمال الناس الى غيرت الكيت وعملة على المفتاح الاصلى فى الكيت الجديد أزاى أنا عن نفسى مطلع مفتاحين أستبن وفترة كبيرة كنت شغال بيهم عادى جدا دة المفتاح المشفر بيطلعو علية عادى ولا أى أندهاشة

[elnady_1987]

طبعا رعادى جدا ان هوة يعمل مفتاح على المفتاح حتى لو عمله على الاسبير برده هيفتح العربية كلها والشنطة كمان

[theblackpirate]

براحه كده بس عشان الكلام ده انا اول مره اسمعه انا لما جبت صنى 2013 اتقلى ان المفتاح ده فيه زى شفره عشان العربيه تشتغل بيه والايملوميزر مش هيدور العربيه غير بيه ولو عايز اطلع عليه مش هيطلع غير فى التوكيل برقم سرى على حديده خدتها مع المفتاح

[أحمد عبدالله]

المفتاح المشفر بيطلع عليه اظن فيه حد اسمه عزب فى شارع السودان زحد تانى فى جسر السويس ارقامهم هنا على الموقع

[أحمد عبدالله]

الرابط

http://www.nilemotors.net/Nile/22724-a.html