عربية زيرو . والفريون زيرو

[مانويل مايكل]

انا استلمت فى شهر 12 نيسان شكل قديم . وجربت التكييف لمدة 10 دقائق وكان كويس وبعدين مشغلتهوش تانى علشان كنا فى الشتاء . وتقريبا شهر 4 ومنتصف 3 مركبتش العربية اصلا لأنى كنت مسافر . وكمان من سوء حظى لما سفرت اعمل صيانة الالف فى اسيوط وانا مقيم فى سوهاج مكنتش مشغلة . وغيرت زيت وفلتر وحطيت زيت 10000 بيزول والتكلفة 365 وتمام التمام ورجعت . لسوء حظى خرجت فى وسط البلد انهاردة فشغلت التكييف مفيش هواء ساقع نهائى . روحت عند واحد بتاع تكييف كشف قالى مفهاش ولا نقطة فريون . راح ضغط هواء يادوب بعد حوالى نصف ساعة نزلت شرطة واحدة . قالى لسوء حظك التسريب عندك خبيس جدا وضعيف ومعرفش يكشفة . واول ما قال للصنايعي هنفك هنا .قولتلة لا شكرا كدة تمام . مش عارف اسافر تانى ولا استنى صيانى ال5000 اللى انا اصلا مشاويرى قليلة وممكن يكون معدل 8 شهور . وياترى حد واجهة نفس المشكلة . وأية الحل؟ علشان العكننة وصلت . وكمان هو المفروض كانوا كشفوا على التكييف فى الصيانة . ولا انا كان لازم أقولهم؟

[د.محمدعبدالعال]

صيانة عاجلة طبعا .. متسنتناش صيانة ال 5000 كم

[MohammedAladel]

طيب انت كنت متأكد أن الكمبرسور بيشتغل لما بتشغل التكييف ؟؟؟

[مانويل مايكل]

اعرف ازاى موضوع الكمبرسور دة ؟

[Ramy Rateb]

لو قريت في الضمان ان اول سنة اي مشكلة في التكييف او الفريون التوكيل بيعملها بدون اي مصاريف .. بعد السنة شحن الفريون بيكون علي حسابك.
انت دلوقتي داخل علي صيف ازاي هتعيش بدون تكييف . كمان من كلام الراجل اللي انت روحتله ان التهريب صعب و خبيث (يعني ممكن يكون اكتر من نقطة بتهرب). لازم تروح التوكيل و يا ريت ماتخليش حد يلعب لك في دائرة التكييف .

[rahmanboud]

لازم تروح التوكيل فورا بعيدا عن ميعاد الصيانة القادمه وتبلغ لأنه ممكن يكون عيب صناعه فى السربنتينة أو الوصلات .

[lad]

على التوكيل على طول

[miceg]

على التوكيل فورا
ياباشا المسافة من سوهاج الى أسيوط
زي المسافة مابين م نصر وأكتوبر
ساعة بالظبط او ساعة ونص هتكون هناك
وإشتري دماغك
ولازم تعود نفسك عل ى السفر والمشاوير البعيدة عشان متكسلش فأي حاجة

[wardet]

انا حصلت معايا نفس المشكلة
بس اللى اكتر من كدا ان التكييف مكنش بيطلع هوا ساقع نهائى من ساعة ما استلمت العربية
يعنى مكنتش جربتة وانا بستلمها
المهم رحت التوكيل على طول فى طنطا " الاتحاد الوطنى "
لقو فيه تسريب ومفيش فريون نهائى وبالتالى الكمبرسور مكنش بيشتغل
ظبطتوه وشحنو فريون ومن غير ولا مليم ولغاية دلوقت التكييف تلاجة على درجة واحد فى عز الحر

[مانويل مايكل]

شكرا لكل الاعضاء على النصائح الغالية . انا فعلا اتصلت بالتوكيل وحكيتلة على المشكلة وطبعا كنت مضايق انى عملت صيانة الالف ولم ينتبة لهذا الموضوع . المهم لمحلى فى التليفون ان هدفع مصاريف التصليح والشحن وقالى الفريون وحدة 300. وطبعا الراجل اللى بيكلمنى فجأة لقى واحد تانى خالص قولتلة نننننننننننعم مش كفاية انى سكت ثانيا الضمان واضح وصريح صفحة 6 ان شحن الفريون مجانا خلال 12 شهر ودار الجدال وبعدين قالى كلم نيسان .كلمت نيسان قالولى كلم يونايتد جروب خدمة نيسان فكلمتهم ردت علية واحدة وقالتلى مجانا بس هاتلى العربية قولتلها ننننننننننعم اجى من سوهاج الى القاهرة علشان تقولى ليا مجانا ولا لا . طيب توكيل اسيوط دة اية منظر ما هواللى يفحص ويقرر والمفروض انى اتعامل مع اقرب مركز خدمة قالتلى لحظةمن فضلك رجعتلى تانى على التليفون قالتلى مجانا يا افندم ومن حقك كمان لو عايز تقدم شكوى . !!!!!!!!!!!!!!!!!!

[Ramy Rateb]

شكرا لكل الاعضاء على النصائح الغالية . انا فعلا اتصلت بالتوكيل وحكيتلة على المشكلة وطبعا كنت مضايق انى عملت صيانة الالف ولم ينتبة لهذا الموضوع . المهم لمحلى فى التليفون ان هدفع مصاريف التصليح والشحن وقالى الفريون وحدة 300. وطبعا الراجل اللى بيكلمنى فجأة لقى واحد تانى خالص قولتلة نننننننننننعم مش كفاية انى سكت ثانيا الضمان واضح وصريح صفحة 6 ان شحن الفريون مجانا خلال 12 شهر ودار الجدال وبعدين قالى كلم نيسان .كلمت نيسان قالولى كلم يونايتد جروب خدمة نيسان فكلمتهم ردت علية واحدة وقالتلى مجانا بس هاتلى العربية قولتلها ننننننننننعم اجى من سوهاج الى القاهرة علشان تقولى ليا مجانا ولا لا . طيب توكيل اسيوط دة اية منظر ما هواللى يفحص ويقرر والمفروض انى اتعامل مع اقرب مركز خدمة قالتلى لحظةمن فضلك رجعتلى تانى على التليفون قالتلى مجانا يا افندم ومن حقك كمان لو عايز تقدم شكوى . !!!!!!!!!!!!!!!!!!

الله ينور عليك هو ده التصرف السليم .. أعمل شكوي برضه عشان تبقي حافظ حقك . و حاول تروح لهم بدري و طمنا عليك.

[khmshry]

الله يكون فى عونك هو التوكيل كده عايز تشد عليهم وايه اخبار الزيت بيزول معاك علشان مفيش اخبار عليه وانت حاطط لزوجه ايه وبكام

[مانويل مايكل]

الله يكون فى عونك هو التوكيل كده عايز تشد عليهم وايه اخبار الزيت بيزول معاك علشان مفيش اخبار عليه وانت حاطط لزوجه ايه وبكام

300 جنية حصورة وارفع صورتة . قالى 10000 او سنة ايهما اقرب زيت تخليقى . تقريبا لية 5 ايام مغيرة حاسس ان صوت الموتور اهدى شوية

[khmshry]

300 جنية حصورة وارفع صورتة . قالى 10000 او سنة ايهما اقرب زيت تخليقى . تقريبا لية 5 ايام مغيرة حاسس ان صوت الموتور اهدى شوية

متنساش تعملنا تقرير عن الزيت ده وانا عن نفسي بحط كاسترول بعد توتال فرق السما من الارض لصالح الكاسترول طبعآ

[مانويل مايكل]

مرة ثانية شكرا لكل الاعضاء على النصايح الغالية .
خرجت امس الى التوكيل طريق زراعى سوهاج اسيوط . دى مش مطبات دى جبال . بس بالامانة دون التحيز للعربية طول الطريق مسمعتش صوت حكة غير فى مطب واحد بس كان غبى قوى وكنت تقريبا وانا علية فى وضع الوقوف وكان بالمصادفة عربية النترا الجديدة كانت بتاخدة بميل جامد وما ادراك بالاصوات اللى كانت بتوجع قلبى انا .
المهم تم استلام العربية الساعة 10 طبعا دة بعد ما توجهت الى مدير الفرع وعرفتة بكل المشكلة وكمان وضحتلة انا نيسان قالتلى من حقك تشتكى وكمام متدفعش ولا مليم . بصراحة الراجل كان محترم جدا وكان بيهدينى وقالى ابقى اللبس حاجة تقيلة وانت مشغل التكييف بعد ما نصلحة . تم اكتشاف تسريب ولكن غير واضح فالمدير قالى احنا طلعنا التكييف كلة خارج العربية وتم التجميع وهو على الارض وتمت تجرببتة وبعدين رجعوا تانى للعربية وتمت تجربتة مرة اخرى الى ان تم التأكد ثم شحن الفريون وكان التسريب عيب فى التجميع استغرقت من الساعة 10 الى 3 وتمت التجربة وبعدين . موظف الخزينة نادى علية طلعلى شيك (طبعا كنت ساكت لغاية ما اعرف ) قالى نصف جنية اديتة 5 قالى مش عايزة . وتم الاصلاح ومرة اخرى شكرا لهذا المنتدى العظيم .