سؤال بخصوص السماعات الخلفية صني 2013 الشكل القديم

[MoatazGalal]

السلام عليكم
اخواني صقور نيسان بعد متابعة للقسم منذ اكثر من سنة ونصف تقريبا و لما وجدتة من تعاون بين اعضاء القسم الكرام و القائمين عليه توكلت على الله و اشتريت
الصني 2013 الشكل القديم و استلمتها امبارح بعد طول انتظار و انا عارف ان في ناس قعدت اكتر فى المدة بس العيشة من غير عربية 3 شهور حاجة صعبة جدا و كان لى سؤال بخصوص السماعات الخلفية اللى هى مش موجوده اساسا ( حاجة غريبة جدا ) و انا معنديش اى مشكلة انهم يشيلوا منها السماعات انا مشكلتى فى سلك السماعات اللى مش موجود مع ان مكان السماعات موجود فى الصاجة الخلفية.
هل فى حد ركب السماعات الخلفية و يا ترى اية احسن سماعات ممكن اركبها بس تكون دائرية عشان قلبي بيتقطع لما بييجوا يقصوا الصاج ( سيارات سابقة ) و هل تم تركيبها فى التوكيل ؟
أما بخصوص الكراسي الناشفة جدا جدا جدا كنت شفت مشاركات من قبل عن الفرش الجلد و التنجيد فى جينز كار حد يعرف بيتكلف كام دلوقتى بما ان كل حاجة بتغلى بمناسبة و بدون مناسبة :(
معلش بسأل كتير بس ده من عشمي فى الصقور :)

[Ramy Rateb]

الف مبروك يا باشا و ربنا يبارك لك فيها.
سلك السماعات موجود بالفعل (بص علي الرف اللي ورا من جوه الشنطة) .. هما عبارة عن عدد 2 سوكت .
السماعات مدور مقاس 16 .. موجود منها انواع و وات حسب ما انت عايز. انا سألت عليها في ش دمشق لقيت أحسن حاجة السوني 350 وات عاملة حوالي 325 جنيه.. و 260 وات عاملة حوالي 240 جنيه. كل اللي هيتعمل انك تقطع في الفبرة علي قد السماعة. و سألت في السبع مش موجود عندهم سماعات.

بخصوص جينز كار الفرش الجلد يبدأ من 900 الي 2100 جنيه حسب الخامة (و انت مش هاتحس بفرق لان الفرق في نسب مكونات كل جلد) .. هو السعر غالي بس ماشوفتش حد الا لما يشكر في عمايلهم.
لو عايز مساعدة ممكن نتفق و ننزل مع بعض.

[MoatazGalal]

ألف شكر يا باشا على ردك الكريم و آسف على التاخير لظروف السفر
بس انا فعلا دورت على اسلاك السماعات ومش لاقيها
و بالنسبة للفرش بأذن الله هروح عند جينز كار
أما بقى بالنسبة لأماكن السماعات موجوده فى الصاج بس الغريبة ان مفيش فبرة ( هو الصاج عليه الموكيت فقط )
شكرا مرة تانية على رد حضرتك

[Sameh2013]

انا كمان جبت الشكل القديم 2013
وللاسف الشركة شالت من العربية السماعات زى ما شالت ال abs & ebd
ربنا يباركلك فيها ويكفيك شرها

[مانويل مايكل]

سلك السماعات موجود . دخل يدك يا افندم ورى السلك الكبير اللى لونة اسود حتلاقية خلفهم . انا كمان استلمت فى شهر 12 وعايز اركب السماعات اجيب كام وات واية افضل انواع . وياريت الخبراء يفيدونا هل لو السلك موجود بالفعل وتم التركيب العربية تخرج برة الضمان ؟

[MoatazGalal]

السادة الأفاضل
انا الآن فى اوتو ايجبت و فعلا زي ما حضراتكم تفضلتم و بمساعدة المهندس لقيت سلك السماعات الحمد لله.
و بالنسبة للمقاس 16 ( حضرتك تقصد قطرها 16 بوصة ؟)
و كنت سامع ان سماعات jbl احسن حاجة و يا ريت لو في حد ركبها يقولنا رأية.
كنت سألت عن سعر دلايات العجل اللى مش موجودة لقيت
الجوز الأمامي 550 و الخلفي 750 ( مش عارف ليه ده فبر !!!!!!!! )
و بالنسبة للجنوط السبور لقيتها ب 10000 ( قلبي !!!!!!!!!!!!!!! )
و لو حد عايز يسأل على حاجة انا هناك دلوقتي و تحت امركم.

[asyl84]

السادة الأفاضل
انا الآن فى اوتو ايجبت و فعلا زي ما حضراتكم تفضلتم و بمساعدة المهندس لقيت سلك السماعات الحمد لله.
و بالنسبة للمقاس 16 ( حضرتك تقصد قطرها 16 بوصة ؟)
و كنت سامع ان سماعات jbl احسن حاجة و يا ريت لو في حد ركبها يقولنا رأية.
كنت سألت عن سعر دلايات العجل اللى مش موجودة لقيت
الجوز الأمامي 550 و الخلفي 750 ( مش عارف ليه ده فبر !!!!!!!! )
و بالنسبة للجنوط السبور لقيتها ب 10000 ( قلبي !!!!!!!!!!!!!!! )
و لو حد عايز يسأل على حاجة انا هناك دلوقتي و تحت امركم.

انا جبت دلايات اى كلام افتكرتها هتنفع لكن فلا الدلايات بالرغم من انها تحسها حاجة هايفة لكن انا ابتديت افكر جديا انى اجيبها وخلاص لانى وانا ماشى لازم اسمع صوت طوبة يمين او زلطة وواحدة شمال العجل بيحدفها على العربية وخايف ينقر فيها بس محتاج حد يأكد ان الدلايات الاصلى الى موجودة فيما قبل 2013 بتمنع فعلا الكلام دة

[مانويل مايكل]

1300 دلايات اوفر اوفر طبعا . ياريت يا افندم لو تسأل طالما سلك السماعات موجود يبقى لو تم التركيب خارج التوكيل حيكون فى تأثير على الضمان . وقوة السماعات المناسبة كام وات ؟

[Ramy Rateb]

المقصود ١٦ سم .. و تركيبهم مفهوش مشكلة بالنسبة للضمان.
بالنسبة للوات فلازم تعرف المعلومات ديه:
الكاسيت عندنا ال max output power = 50*4 watt
السماعات ٣٥٠ وات (السونى) خرجها الحقيقى ٦٠ وات.
السماعات ٢٤٠ وات (السونى) خرجها الحقيقى ٤٠ وات.
مع العلم أن ال ٣٥٠ وات سماعة ٤ واى .. و ال٢٤٠ وات سماعة ٣ واى
الاتنين كويسين مع أنى أفضل ال ٣٥٠ وات.

[مانويل مايكل]

شكرا يا افندم وربنا يديلك خيرها انشاءالله

[MoatazGalal]

كلام حضرتك صحيح بالنسبة لتركيب السماعات مش هيأثر على الضمان و ده كلام المهندس فى التوكيل.
وكنت عايز اركب الميزان الأمامي. الأول قالي انه مش مسموح يعمل تعديل فى السيارة و بعد اصرار سأل حد من اللى مسئولين عن الضمان و قاله مفيش اي مشكلة انه يتركب بس هو مش موجود عندهم دلوقتي و هيبعتوا يجيبوه و لما يوصل هيكلموني.
و بالنسبة للتكلفة البار الحديد 950 اما عن باقى الجلب قالي هرد عليك و بصراحة نسيت اسأل عليها تاني عشان كان عندي زنة طالعة من الكنبة الجانب الأيسر و متصلحتش و دخل العربية الورشة تاني و بعد ما جربتها كانت كويسة و فى طريق الرجوع بعد ما عديت المحور ظهرت تاني. فى حد عنده اقتراحات بالنسبة للزنة دي :(
و ركبت فلتر التكييف سعره بالضريبة 220.

[MoatazGalal]

المقصود ١٦ سم .. و تركيبهم مفهوش مشكلة بالنسبة للضمان.
بالنسبة للوات فلازم تعرف المعلومات ديه:
الكاسيت عندنا ال max output power = 50*4 watt
السماعات ٣٥٠ وات (السونى) خرجها الحقيقى ٦٠ وات.
السماعات ٢٤٠ وات (السونى) خرجها الحقيقى ٤٠ وات.
مع العلم أن ال ٣٥٠ وات سماعة ٤ واى .. و ال٢٤٠ وات سماعة ٣ واى
الاتنين كويسين مع أنى أفضل ال ٣٥٠ وات.

شكرا للمعلومة و ان شاء الله بعد التركيب هبلغكم عملت ايه.
فى اى اقتراحات بالنسبة للسماعات الأمامية و لا بلاش نفك الفبر بتاع الأبواب احنا مش ناقصين اصوات زيادة فى الصالون :)

[jojojojo]

في ناس متخصصه بتفصل كارتيرات ودلايات فيبر لاي عربيه عندنا في المنصوره شارع في الناس ديه واكيد في القاهره فيه ناس كده والدلايات بيعملك الاربعه ببرشام بتاعها بحوالي 40 ج وع فكره مش هيخرم في الصاج عشان اصلا الصني الشكل القديم المصنع عامل تخريم للدلايات والكرتيرات الخلفيه فمش هتحتاج يخرم في الصاج

[د.محمدعبدالعال]

بالنسبة للفرش الجلد فيه مصنع اسمه النوران عامل فرش جلد محترم جدا مخصوص للصني .. المصنع ده له فرع بيع في التوفيقية في مبنى كده فيه محلات كتير للوازم السيارات .. ويعمل حوالي 850 جنيه وتركيبه + فرش أرضية السيارة جلد كويس عند أي سروجي هيبقى حوالي 500 جنيه

[Ramy Rateb]

شكرا للمعلومة و ان شاء الله بعد التركيب هبلغكم عملت ايه.
فى اى اقتراحات بالنسبة للسماعات الأمامية و لا بلاش نفك الفبر بتاع الأبواب احنا مش ناقصين اصوات زيادة فى الصالون :)

انا فى الحقيقة معرفش اللى راكب فى الأبواب نوعهم أو قدرتهم كام وات .. بس لو انت ركبت السماعات ورا أظن أنك مش هتحتاج تغيير السماعات الأمامية .. جرب الأول اللى ورا و بعد كده أحكم.