إعـــــــلان

Collapse

.

,
See more
See less

محتار ولازم اخد قرار نهائي صني القديمة ولا جين تو ولا اكسنت ار بي 2013

Collapse
X
 
  • Filter
  • الوقت
  • Show
Clear All
new posts

  • محتار ولازم اخد قرار نهائي صني القديمة ولا جين تو ولا اكسنت ار بي 2013

    يا شباب انا محتار جدا وﻻزم اخد قرار ف اسرع وقت..

    بعد ما دفعت عربون ف نيسان صني الشكل القديم.. قريت هنا وف منتديات تانية ان فيها عيوب غير شكلها الكلاسيكي اللي المدام واكلة دماغي عليه.. علما بان انا سني 30 سنة وهي بتقول ان العربية دي شكلها كبير ع سني.. والمنتدى هنا عمل الواجب معاها لانها متابعة جيدة للمنتدي وبتقرا كل المواضيع اللي متعلقة بانواع العربيات دي.. فا طبعا احترت ومابقتش عارف اعمل ايه

    فانا دلوقتي عاوز مساعدتكم.. والاراء المحايدة بعد الاستخدام سواء العربية ليكوا او لاصحابكوا


    انا محتاج العربية تكون مريحة.. قطع غيارها متوفرة.. فيها كماليات معقولة.. طبعا متكولش بنزين كتير لان انا مشواري يوميا من القناطر الخيرية للتجمع الخامس ع الدائري رايح وراجع.. فا عايز عربية تستحملنى واستحملها .. كمان انا هاجيبها قسط..فا مش عايز مصاريف زيادة عليا لحد ما اخلص الاقساط

    فا رايكوا

    نيسان صني 2013 الشكل القديم
    بروتون جين تو او برسونا 2013
    هيونداي اكسنت ار بي
    وفي قدامي برده ازود المقدم شوية واجيب كيا ريو

  • #2
    لو عايز عربية بتاعة شغل وتستحمل مشوارك الطويل دة نيسان الشكل القديم
    لو عايز عربية بتاعة دلع وروشنة هيونداى - برسونا - أوبتر
    وأنت وأولوياتك الى تحكمك

    Comment


    • #3
      تسلم يا باشا ... انا مقتنع فعلا بيها بس في بعض الاراء خوفتني منها .. خصوصا موضوع انها بتستهلك بنزين و صوت موتورها عالي والعفشة بتاعتها نشفة.. بس هل مقارنة بالخيارات التانية هي افضلهم؟

      Comment


      • #4
        انا كمان 30 سنة واستلمت صنى 2103 شكل قديم شهر 12 . المفروض انى اشكر فيها علشان عربيتى . بس انا هقولك بجد محترمة جدا جدا وقوة تحمل . مع احترامى لكلام المدام متشتريش عربية علشان مجرد الشكل . مع ان المدام عندى معجبة جدا بيها . هقولك موقف حصل معايا اول امس كنت معدى على مطب غبى قوى وكان المقابل اللى بيعدى معايا هيونداى اكسنت كان بياخدة بميل جامد قوى ومع ذلك سمعت اصوات حكات جامدة وهو علية .

        Comment


        • #5
          نيسان صني ومش هتندم ان شاء عربيه اعتماديه جدا واعطالها تكاد تكون نادره وشكلها كويس جدا علي فكره انا عندي 24 سنه والعربيه شباب كتير راكبنها مش مقتصره يعني علي كبار السن وبالتوفيق

          Comment


          • #6
            صني اي شكل يا باشا و انت مغمض و بالتوفيق

            Comment


            • #7
              صني
              د. أشرف هنداوى

              Comment


              • #8
                معايا الصنى الشكل القديم موديل 2013 - الصنى تكسب بكل تاكيد وعلى فكرة موضوع البنزين دوة انا مش حاسس بيه خالص وعندي 34 سنة بردوا - بالنسبة لقطع الغيار الصني تكسب- التوكيل الصني تكسب - الثبات الصني تكسب - الصاج الصني تكسب - بالنسبة لموضوع الشكل دي اذواق طبعا انا مثلا كان قدامي الشكل الجديد والقديم واخترت القديم - عربية قوية موتور محترم عفشة كويسة ارتفاع محترم تكييف قوي حتى الشكل ميزة لان الاكسنت مثلا بسبب السوكة اللى فى الباب والرفارف لو اتخبطت صعب شوية التصليح لازم تشيل وتغير اما الشكل التقليدي فده ميزة من الناحية دية عموما هانصحك نصيحة بردوا روح اتفرج واقعد جوة كل عربية كويس حرك الكرسي بص للابعاد ولو عندك اصحاب اركب معاهم عربياتهم من النوع اللى انت عاوز تشتريه الموضوع دوة هيساعدك على اتخاذ القرار وربنا يوفقك

                Comment


                • #9
                  طبيعي اي حد هنا هيقولك نيسان .. وموضوعك في قسم بروتون بردو طبيعي الناس هناك تقولك بروتون

                  رأي اركب العربيتين وجرب بنفسك وشوف هترتاح لايه
                  eng f3lix سابقا

                  Comment


                  • #10
                    الصني لو سوبر صالون زي الفل
                    [CENTER][SIGPIC][/SIGPIC][/CENTER]

                    Comment


                    • #11
                      اتكل على الله واعمل زى الاخوه ماقالولك .وابقه خللى المدام تقرا الكومنتات
                      [SIGPIC][/SIGPIC]

                      Comment


                      • #12
                        نصيحة مني بص على البيجو 301 الجديدة فعلا عربية جميلة

                        Comment


                        • #13
                          صني

                          -
                          [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                          [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                          Comment


                          • #14
                            صنى احسنهم فى كل حاجه

                            Comment


                            • #15
                              اسمح لي أقولك رأي مختلف شوية.. أنا هاستبعد الأكسينت لنفس الأسباب اللي الزملاء قالوها.. والبيجو ما عنديش عنها تفاصيل فمش هاقدر أفيدك بخصوصها.. وإن كانت البيجوهات من بعد 504 كلها مش لاقية نفسها في مصر مش عارف ليه..
                              أنا هاقارن بين الصني والبرسونا أو البروتون عموماً مش مع أي نوع تاني.. وده لأني جربت موديلات النوعين وعارفهم كويس.. (أنامعايا نيسان تيدا وركبت كتير الصني والبرسونا والجين تو كمان)
                              شوف يا سيدي:

                              المشاركة الأصلية كتبت بواسطة akmall مشاهدة المشاركة
                              .... بالنسبة لقطع الغيار الصني تكسب- التوكيل الصني تكسب - الثبات الصني تكسب - الصاج الصني تكسب

                              كلام صحيح تماماً بالنسبة لقطع الغيار والتوكيل.. لكن الثبات في البرسونا أفضل والصاج أقوى بفرق ملحوظ.. لكن توكيل البروتون سيييييييييييييييييييئ جداً ولو فيه جائزة لأسوأ توكيل في العالم كان أخدها بجدارة بل بالتزكية!! أما وكيل نيسان ومراكز الخدمة فيها فتكاد تكون الأفضل في هذا المستوى من السيارات مع مراعاة كل العوامل زي أسعار الخدمة والمواعيد والمعاملة.. إلخ وحتى أكون أكثر دقة هو من أفضل ثلاثة وكلاء (مع هوندا وتويوتا). ولاحظ إن ده في نفس المستوى يعني هنا لا نقارن بوكيل مرسيدس أو البي إم أو فولفو وخلافه..
                              خلاصة هذه النقطة إن الثبات والمتانة لصالح بروتون بمختلف موديلاتها بفارق ملحوظ.. قطع الغيار والوكيل لصالح نيسان بامتياز وباكتساح..


                              المشاركة الأصلية كتبت بواسطة akmall مشاهدة المشاركة
                              .. عربية قوية موتور محترم عفشة كويسة ارتفاع محترم تكييف قوي

                              المقارنة هنا أصعب لأن النيسان والبروتون متساويتان في هذه المسائل مع فارق بسيط لصالح بروتون في العفشة لأن عفشتها رياضية أكثر ورغم ذلك ليست أكثر خشونة.. فيه فرق فني في الموتور قدلا يشعر به السائق العادي مثلنا.. وهو أن موتور الصني قوي لكنه خشن شوية وصوته عالي نسبياً.. أما مواتير بروتون (تصنيع شركة لوتس البريطانية الخاصة بسيارات السباقات) فتعمل بتقنية معينة تجعل الموتور يعمل في السرعات البطيئة والمتوسطة بنصف قوته وصوته يكون منخفض وتشعر كأن العربية ضعيفة أو مكبلة.. وما أن تنتقل إلى السرعات العالية إلا وتجد الموتور يزأر ويزمجر ويخرج قوته كلها وتصبح السيارة في منتهى الشراسة.. دي نقطة في صالح النيسان للقيادة العائلية الرزينة.. وفي صالح البروتون لمن يريد سيارة يطير بها..

                              QUOTE=akmall;3875002016] روح اتفرج واقعد جوة كل عربية كويس حرك الكرسي بص للابعاد ولو عندك اصحاب اركب معاهم عربياتهم من النوع اللى انت عاوز تشتريه الموضوع دوة هيساعدك على اتخاذ القرار وربنا يوفقك [/QUOTE]

                              أؤيد تماماً هذه النصيحة.. لأن هناك عامل مهم للغاية يصعب نقله أو وصفه.. وهو العامل النفسي.. الراحة النفسية لشكل العربية من برة والجلوس داخلها والإحساس بها وكقائد وليس كمشاهد.. واستشعارك صوتها ونقلات الفتيس وتجاوب الموتور معك في الملفات والمطبات والوقفات والانطلاقات.. والتصميم الداخلي والفرش وخلافه.. كل دي حاجات يختلف تقييمها من شخص إلى آخر.. وفي الأول وفي الآخر لا تنس الاستخارة..

                              Comment

                              Working...
                              X