مميزات وعيوب نيسان اكس تريل

[hamedco75]

السلام عليكم,
أنا نازل مصر إن شاء الله بعد رحلة عمل بالخارج وعاوز اشتري عربية تتحمل الطرق بتاعتنا وفي نفس الوقت عاليه عن الارض وواسعة من الداخل ففكرت بصراحة في النيسان اكس تريل موديل 2007 الى 2009 هيبقى سعرها مريح على حسب ما شوفت في كونتاكت كار. عاوز رأي اهل الخبرة أيه مشاكل النيسان اكس تريل؟ وأسعار قطع الغيار داخل وخارج التوكيل؟ وللجميع خالص الشكر والتقدير مقدماً

[houseiny]

طبقاً لمعلوماتي من واحد صاحبي معاه أكس تريل ، ان العربية في مصر مختلفة تماما عن بره عشان هي تقفيل مصري ، العفشة ناشفة جداً وبتدب ، زائد انها مش هتخش في شريحة دعم البنزين ، وغير كده ان قطع غيارها مش متاحة اوي عند بتوع قطع الغيار ، بس هي واسعة وعالية ، بس الهورس باور بتاعها قليل على عربية 2500 سي سي ، انت ممكن تاخد نفس الهورس باور بتاعها من عربية 1600 في عربيات تانية كتير وتدخل في شريحة دعم البنزين، الهورس باور بتاعها 132 حصان ، لكن ممكن عربية زي هيونداي اي اكس 35 1600 سي سي وتديك 135 حصان وعربية واسعة وحلوة وجديدة ونفس السعر تقريباً

[hamedco75]

طبقاً لمعلوماتي من واحد صاحبي معاه أكس تريل ، ان العربية في مصر مختلفة تماما عن بره عشان هي تقفيل مصري ، العفشة ناشفة جداً وبتدب ، زائد انها مش هتخش في شريحة دعم البنزين ، وغير كده ان قطع غيارها مش متاحة اوي عند بتوع قطع الغيار ، بس هي واسعة وعالية ، بس الهورس باور بتاعها قليل على عربية 2500 سي سي ، انت ممكن تاخد نفس الهورس باور بتاعها من عربية 1600 في عربيات تانية كتير وتدخل في شريحة دعم البنزين، الهورس باور بتاعها 132 حصان ، لكن ممكن عربية زي هيونداي اي اكس 35 1600 سي سي وتديك 135 حصان وعربية واسعة وحلوة وجديدة ونفس السعر تقريباً

شكراً جزيلاً لك يا استاذ حسيني معلومات قيمة ومهمة بالنسبة لي بالذات موضوع العفشة والتقفيل المصري.

[hamedco75]

ياريت اي حد عنده معلومة عن الاكس تريل لا يبخل بها حتى يكتمل الموضوع من كافة جوانبه

[Amr2004IBM]

انصحط ب الرينو داستر
نفس عافشه الاكس تريل بس انعم و بتحقق رغبتك فى علوها عن الرض و دفع رباعى
و اكبر ميزه انها1600 يعنى هتخش فى شريحه الدعم و وكيل محترم
وربنا يوفقك لحسن الاختيار و تيجى بسﻻمه

[hamedco75]

انصحط ب الرينو داستر
نفس عافشه الاكس تريل بس انعم و بتحقق رغبتك فى علوها عن الرض و دفع رباعى
و اكبر ميزه انها1600 يعنى هتخش فى شريحه الدعم و وكيل محترم
وربنا يوفقك لحسن الاختيار و تيجى بسﻻمه

شكراً جزيلاً يا أستاذ عمرو بس عيب الداستر انها مانيوال فقط

[hamedco75]

طيب ايه اخبار اسبرانزا تيجو 2000 سي سي اوتوماتيك ولا الواحد ياخدها من قاصرها ويبعد عن الصيني؟

[houseiny]

طيب ايه اخبار اسبرانزا تيجو 2000 سي سي اوتوماتيك ولا الواحد ياخدها من قاصرها ويبعد عن الصيني؟

باشا نصيحة لله بلاش صيني ، الصيني صيني حتى لو قلتلي فيه أيه ، العربية الأسبيرانزا مش منتشرة بره مصر ، مش هتلاقيلها قطع غيار استيراد على المدي البعيد ، زائد ان قطع الغيار ش متاحة أوي ، وفوق ده كله انت حضرتك في مصر مش محتاج عربية سفاري عشان تمشي بيها ، مصر مليانة عربيات سيدان وزي الفل، لو بتفكر في عربية في فئة لحد 150 الف مستعمل ، ممكن تجيب عربية بيجو 308 هتعمل 120 الف وعربية واسعة وجميلة وقطع غيار قريبة من الكوري ، وممكن تفكر في سيتروين بيكاسو ، او كارينز ، عربية زي الرز في الشارع وممكن تجيب حاجة كسر زيرو عاملة من 10 - 20 الف بجوالي 140 الف ، افضل من الصيني ب 100 مرة واسعة وثابتة وعائلية وحلوة وقطع غيار معقولة زائد انها ليها قطع غيار بالهبل جديد واستيراد ، ومكن تفكر في المرسيدس موديل 2000 او 2001 في نفس السعر واكيد مافيش كلام عالمرسيدس ، او تفكر في السيات التيا اكس ال عربية تحفة بس مقرفة في قطع الغيار مش هتلاقيها بره بسهولة ساعات التوكيل مش بيوفر قطع الغيار. دي البدائل من وجهة نظري ، لو بتفكر في الجديد عندك القاشقاي والسبورتاج والهيونداي أي اكس 35 او أي اكس 20 ، كل دي عربيات واسعة وعالية اسعارها متقاربة ، لو سيدان فكر في الكورولا هي فقيرة كامكانيات بس موتور جبار وعربية معمرة موتور ميكحش قبل 500 الف كيلو ، او فكر في سيترويت سي اليزيه ممتازة وسعرها حلو اوي بس الوكيل عز العرب مقرف قرف السنين،ابعد بس عن اي حاجة فوق 1600 سي سي عشان دعم البنزين ، لأن فعلاً هيبقى تكلفة عالية أوي ابقى بس طمنا رسيت على إيه